కన్నడ నుండి తెలుగులోకి ‘బడవ రాస్కెల్’!

ఐకాన్ స్టార్ అల్లు అర్జున్ ‘పుష్ప’ సినిమాలో జాలిరెడ్డి అనే కీలక పాత్ర పోషించిన కన్నడ నటుడు ధనుంజయ్ హీరోగా నటించిన చిత్రం ‘బడవ రాస్కెల్’. గత యేడాది క్రిస్మస్ కానుకగా విడుదలైన ఈ సినిమా కన్నడంలో చక్కని విజయాన్ని అందుకుంది. ఇప్పుడీ సినిమా తెలుగులో విడుదల కావడానికి సిద్ధమవుతోంది. డాలీ పిక్చర్స్, రిజ్వాన్ ఎంటర్టైన్మెంట్ సంయుక్తంగా ఈ చిత్రాన్ని తెలుగు ప్రేక్షకుల ముందుకు తీసుకువస్తున్నారు.

తెలుగులో పలు సినిమాలను నిర్మించి, చక్కని గుర్తింపు సంపాదించుకున్న రిజ్వాన్ ఎంటర్టైన్మెంట్ ఈ చిత్రాన్ని అందిస్తుండడం విశేషం. ‘లవ్ మాక్ టేల్’ ఫేమ్ అమృత అయ్యంగార్ ‘బడవ రాస్కెల్’లో హీరోయిన్ గా నటించింది. గీత శివరాజ్ కుమార్ సమర్పణలో సావిత్రమ్మ అడవిస్వామి ఎంతో ప్రతిష్టాత్మకంగా ఈ సినిమాను నిర్మించారు. శంకర్ గురు దర్శకత్వం వహించారు. వాసుకీ వైభవ్ సంగీతం అందించిన ‘బడవ రాస్కెల్’కు రామ్ వంశీకృష్ణ సాహిత్యం సమకూర్చారు.