TGTET Results : అలర్ట్.. టీజీ టెట్ ఫలితాలు విడుదల..

TGTET Results : తెలంగాణ రాష్ట్రంలో ఉపాధ్యాయ కొలువుల కోసం ఎదురుచూస్తున్న అభ్యర్థులకు విద్యాశాఖ తీపి కబురు అందించింది. గత నెలలో జరిగిన ఉపాధ్యాయ అర్హత పరీక్ష (TET-2026) ఫలితాలను మంగళవారం అధికారికంగా విడుదల చేసింది. అభ్యర్థులు తమ ఫలితాలను , స్కోర్ కార్డ్‌లను పాఠశాల విద్యాశాఖ అధికారిక వెబ్‌సైట్ https://schooledu.telangana.gov.in లేదా https://tgtet.aptonline.in లో చెక్ చేసుకోవచ్చు. ముందుగా ప్రకటించిన షెడ్యూల్ ప్రకారమే ఫిబ్రవరి 10న ఫలితాలు రావడంతో అభ్యర్థులు హర్షం వ్యక్తం చేస్తున్నారు.

Amazon సమ్మర్ ధమాకా..! రూ.23,000 Samsung ఫ్రిజ్ ఇప్పుడు కేవలం రూ.15,000 కే..!

ఈ ఏడాది టెట్ పరీక్షలకు రాష్ట్రవ్యాప్తంగా భారీ స్పందన లభించింది. మొత్తం 2,37,754 మంది అభ్యర్థులు దరఖాస్తు చేసుకోగా, అందులో 1,95,181 (82.09%) మంది పరీక్షలకు హాజరయ్యారు. జనవరి 3 నుంచి 20 వరకు జరిగిన ఈ పరీక్షల్లో ఇన్-సర్వీస్ టీచర్లు (ప్రస్తుతం పనిచేస్తున్న వారు) అత్యధికంగా 90.27 శాతం మంది హాజరై తమ సత్తా చాటారు. మొత్తం అభ్యర్థులలో సుమారు 1,00,270 మంది (51.37%) అర్హత సాధించినట్లు ప్రాథమిక సమాచారం. కేటగిరీల వారీగా చూస్తే జనరల్ అభ్యర్థులకు 60%, బీసీలకు 50%, ఎస్సీ/ఎస్టీ/దివ్యాంగులకు 40% కనీస అర్హత మార్కులుగా నిర్ణయించారు.

రాష్ట్రంలో మున్సిపల్ ఎన్నికల హడావిడి నెలకొనడంతో ఫలితాల విడుదలపై ఒకట్రెండు రోజులు జాప్యం జరుగుతుందని అంతా భావించారు. కానీ, ఎన్నికల కోడ్ , ఇతర కారణాల ప్రభావం లేకుండా విద్యాశాఖ అనుకున్న సమయానికే ఫలితాలను వెల్లడించి అభ్యర్థుల ఉత్కంఠకు తెరదించింది. క్వాలిఫై అయిన అభ్యర్థులకు అందజేసే ‘టెట్ సర్టిఫికేట్’ జీవితకాలం (Lifetime) చెల్లుబాటు అవుతుంది. తదుపరి జరగబోయే ఉపాధ్యాయ నియామక పరీక్షల్లో (DSC) ఈ టెట్ మార్కులకు 20 శాతం వెయిటేజీ ఉండటంతో ఈ ఫలితాలు అభ్యర్థుల భవిష్యత్తుకు అత్యంత కీలకం కానున్నాయి.

ఫలితాలు చూసుకోవడం ఎలా?

• అధికారిక వెబ్‌సైట్ https://tgtet.aptonline.in ఓపెన్ చేయండి.
• హోమ్ పేజీలో ‘Results’ లేదా ‘Score Card’ లింక్ పై క్లిక్ చేయండి.
• మీ హాల్ టికెట్ నంబర్ (లేదా జర్నల్ నంబర్) , పుట్టిన తేదీ వివరాలను ఎంటర్ చేయండి.
• మీ ఫలితాలు స్క్రీన్ పై కనిపిస్తాయి, భవిష్యత్తు అవసరాల కోసం ప్రింట్ తీసుకోండి.

boAt Loot Deal on Amazon: త్వరపడండి.. రూ.3,990 విలువైన నెక్‌బ్యాండ్ కేవలం రూ.999కే..!