Telangana : వైద్య ఆరోగ్య శాఖలో కొలువుల జాతర.. 174 పోస్టుల మెరిట్ లిస్ట్ విడుదల.!

Telangana Medical Jobs : తెలంగాణ రాష్ట్రంలోని ప్రభుత్వ మెడికల్ కాలేజీల్లో ఖాళీగా ఉన్న అసిస్టెంట్ ప్రొఫెసర్ పోస్టుల భర్తీ ప్రక్రియ తుది దశకు చేరుకుంది. వివిధ విభాగాల్లోని మొత్తం 174 అసిస్టెంట్ ప్రొఫెసర్ పోస్టులకు సంబంధించి అభ్యర్థుల మెరిట్ జాబితాను మెడికల్ అండ్ హెల్త్ సర్వీసెస్ రిక్రూట్‌మెంట్ బోర్డు ఆదివారం అధికారికంగా విడుదల చేసింది. ఈ నియామకాల్లో భాగంగా గైనకాలజీ విభాగంలో 90 పోస్టులు, అనస్తీషియాలో 44, పీడియాట్రిక్స్‌లో 28 , ఆర్థోపెడిక్స్ విభాగంలో 12 పోస్టులను భర్తీ చేయనున్నారు. మెరిట్ జాబితాలో చోటు దక్కించుకున్న అభ్యర్థులకు ఏప్రిల్ 1వ తేదీన హైదరాబాద్‌ వెంగళరావు నగర్‌లోని ‘ఇండియన్ ఇన్‌స్టిట్యూట్ ఆఫ్ హెల్త్ అండ్ ఫ్యామిలీ వెల్ఫేర్’ కార్యాలయంలో ధ్రువపత్రాల పరిశీలన నిర్వహించనున్నారు. సర్టిఫికెట్ల వెరిఫికేషన్ ప్రక్రియ పూర్తయిన వెంటనే తుది ఎంపిక జాబితాను విడుదల చేస్తామని బోర్డు స్పష్టం చేసింది.

Samantha : ఇండస్ట్రీ అమ్మయిలకు సురక్షితం కాదు.. సమంత ఎమోషనల్ స్పీచ్!

మరోవైపు, రాష్ట్రవ్యాప్తంగా భారీ ఎత్తున చేపట్టిన నర్సింగ్ ఆఫీసర్ పోస్టుల భర్తీపై కూడా బోర్డు కీలక అప్‌డేట్ ఇచ్చింది. మొత్తం 2,312 నర్సింగ్ ఆఫీసర్ పోస్టులకు సంబంధించిన ఫైనల్ మెరిట్ లిస్ట్ , సెలక్షన్ లిస్ట్‌ను వచ్చే నెల ఏప్రిల్ 9వ తేదీ నాటికి విడుదల చేయనున్నట్లు బోర్డు ఒక ప్రకటనలో వెల్లడించింది. చాలా కాలంగా ఈ ఫలితాల కోసం ఉత్కంఠగా ఎదురుచూస్తున్న వేలాది మంది అభ్యర్థులకు ఇది పెద్ద ఊరటనిచ్చే అంశం. వైద్య ఆరోగ్య శాఖలో ఖాళీలను భర్తీ చేయడం ద్వారా ప్రభుత్వ ఆసుపత్రుల్లో రోగులకు మెరుగైన సేవలు అందించవచ్చని ప్రభుత్వం భావిస్తోంది. నియామక ప్రక్రియను అత్యంత పారదర్శకంగా, వేగవంతంగా పూర్తి చేసేందుకు రిక్రూట్‌మెంట్ బోర్డు అన్ని చర్యలు తీసుకుంటోంది.

TVK Vijay: తమిళనాడు రాజకీయాల్లో ఆసక్తి.. డీఎంకే, ఏఐడీఎంకే కంచుకోటల నుంచే విజయ్ పోటీ!