Bridegroom escape: మరికొద్ది నిమిషాల్లో పెళ్లి.. అంతలోనే పెళ్లి కొడుకు ఉహించని ట్విస్ట్

Bridegroom escape: వాళ్లిద్దరూ ప్రేమించుకున్నారు. పెళ్లి చేసుకుందామని నిర్ణయించుకున్నారు. పెద్దలు ఒప్పకోకపోవడంతో.. ఇది కాస్త పంచాయతీ పెద్దల వద్దకు వెళ్లింది. దీంతో అమ్మాయి కుటుంబ సభ్యులు వేరే అబ్బాయితో నిశ్చితార్థం చేశారు. అయితే.. వీరి ప్రేమకు తెలిసి మధ్యలోనే తెగిపోయింది. ఆ తర్వాత ఇరు కుటుంబాల పెద్దలను చాలా కష్టాల తర్వాత ప్రియుడితోనే పెళ్లికి ఒప్పించారు. శుక్రవారం వివాహానికి సమయం. పెళ్లి పనులు నిర్వహించిన ఇరు కుటుంబాల పెద్దలు మండపానికి చేరుకున్నారు. కొద్ది నిమిషాల్లో పెళ్లి. ఇంతలో పెళ్లి కొడుకు ట్విస్ట్ ఇచ్చాడు. కట్నం సరిపోకపోవడంతో పెళ్లి కొడుకు పెళ్లి పీటల నుంచి పారిపోయాడు. ప్రేమించిన అమ్మాయిని తిరస్కరించి డబ్బే ముఖ్యమని పారిపోయాడు. ఈ ఘటన సంగారెడ్డి జిల్లాలో చోటుచేసుకుంది.

సంగారెడ్డి జిల్లా మనూరు మండలానికి చెందిన యువతి, కొండాపూర్ మండలానికి చెందిన యువకుడు ప్రేమించుకున్నారు. అయితే తమ కుమార్తెను ఆ యువకుడికి ఇచ్చి పెళ్లి చేసేందుకు యువతి కుటుంబ సభ్యులు అంగీకరించలేదు. అంతేకాదు ఈ ఏడాది జనవరిలో బాలికకు అదే జిల్లా కంగ్టి మండలానికి చెందిన యువకుడితో నిశ్చితార్థం జరిగింది. యువతి పెళ్లి విషయం తెలుసుకున్న ప్రియుడు అతడికి ఫోన్ చేసి.. ఆ అమ్మాయిని ప్రేమిస్తున్నానని, వదిలేయాలని బెదిరించాడు. దీంతో నిశ్చితార్థం చేసుకున్న యువకుడు పెళ్లికి నిరాకరించాడు. ఈ విషయమై బాలిక ఇంట్లో గొడవ జరగగా.. చివరికి ప్రేమికులిద్దరికీ పెళ్లి చేయాలని ఇరు కుటుంబాలు నిర్ణయించాయి. శుక్రవారం (మే 26) కొండాపూర్ మండలంలోని ఓ ఆలయంలో పెళ్లికి సర్వం సిద్ధం చేశారు.

అయితే పెళ్లి చివరి నిమిషంలో పెళ్లి కొడుకు పెద్ద ట్విస్ట్ ఇచ్చాడు. రూ.15 లక్షలు కట్నం ఇస్తేనే పెళ్లి చేసుకుంటానని బెదిరించాడు. అంత కట్నం ఇవ్వలేమని, రూ.6 లక్షలు ఇస్తామని యువతి కుటుంబీకులు చెప్పినా వరుడు వినలేదు. ఇరు కుటుంబాల పెద్దలు కట్నం గురించి మాట్లాడుతుండగా.. పెళ్లి పీటలపై నుంచి యువకుడు అందరి కళ్లుగప్పి పారిపోయాడు. యువకుడి కోసం సమీప ప్రాంతాల్లో వెతికినా.. ఫలితం లేకపోయింది. ఫోన్ చేసినా స్విచ్ రావడంతో బాలిక బంధువులు పోలీసులను ఫిర్యాదు చేశారు. తన కూతురి జీవితంతో వరుడు అట్లాడుకున్నాడని, కట్నం కోసం పెళ్లి పీఠలపై నుంచి వెళ్లిపోయాడని వాపోయాడు. ఇక తన కూతురికి దిక్కెవరని కన్నీరుమున్నీరయ్యారు. న్యాయం చేయాలని పోలీసులను వేడుకున్నారు.
Wife Killed Husband: అతనేం చేశాడని పెళ్లిరోజే పైకి పంపావు తల్లి