Seethakka: నా పేరుతో వసూళ్లు చేస్తున్నారని ఆరోపించారు.. ఆధారాలు బయట పెట్టండి..

Seethakka: నా పేరు చెప్పి వసూళ్ళకు పాల్పడుతున్నారని ఆరోపించే వాళ్ళు ఆధారాలు బయట పెట్టాలని మంత్రి సీతక్క ఫైర్ అయ్యారు. సీతక్కకు సిర్పూర్ ఎమ్మెల్యే పాల్వాయి హరీష్ బాబు బహిరంగ లేఖ రాసిన విషయం తెలిసిందే.. ఈ ఆరోపణలకు సీతక్క ఆధారాలు బటయ పెట్టాలని తెలిపారు. బీఆర్ఎస్, బీజేపీలదే అవినీతి చరిత్ర అన్నారు. మా పార్టీలో ఉన్నప్పుడు అక్రమాలు చేసారని ఆరోపించే బీజేపీ నేతలు అదే నేతలు ఆ పార్టీలోకి వెళ్ళడంతో సక్రమం ఎలా అవుతుందన్నారు. ఇంద్రవెల్లి కాల్పులు అప్పటి కాంగ్రెస్ పార్టీ హయంలో జరిగింది అన్న బీఆర్ఎస్ పార్టీ ప్రభుత్వం అధికారికంగా కార్యక్రమాలు ఎందుకు చేయలేదన్నారు. గతంలో జరిగిన తప్పును మేము ఒప్పుకున్నామని తెలిపారు, ఆ దమ్ము మాకుందని తెలిపారు. మేము కాల్చి చంపారు అనే వాళ్ళు ఎందుకు వారి త్యాగాలను ఎందుకు గుర్తించ లేదన్నారు.

Read also: Kishan Reddy: కొత్త రేషన్ కార్డులు, పెన్షన్లు అన్నారు ఏదీ..? రేవంత్ రెడ్డికి కిషన్ రెడ్డి ప్రశ్న..

బీజేపీ ప్రశ్నించే వారిని తొక్కి పెట్టేస్తున్నారని మండిపడ్డారు. ఎన్నికలు అయ్యాక ఎవ్వరు షిండే లు, శిఖండి లు ఎవ్వరో తేలిపోతుందన్నారు. బీఆర్ఎస్ పార్టీ నాయకులు మా పార్టీ లోకి వస్తుంటే ఏం చేయాలో తెలియక తల పట్టుకుంటున్నారని తెలిపారు. అందుకే షిండేలు అంటూ మాట్లాడుతున్నారని ఆగ్రహం వ్యక్తం చేశారు. అవినీతి కి కేరాఫ్ బీజేపీ అన్నారు. నా పేరు చెప్పి వసూళ్ళకు పాల్పడుతున్నారని ఆరోపించే వాళ్ళు ఆధారాలు బయట పెట్టండని సవాల్ విసిరారు. కోయ బిడ్డ ను మంత్రి కావడం ఇష్టం లేక తట్టుకోలేని కొంతమంది ఇలా బద్నాం చేస్తున్నారని ఆగ్రహం వ్యక్తం చేశారు. బీజేపీ, బీఆర్ఎస్ లు నాపై కుట్రలు చేస్తున్నారని తెలిపారు. లేఖ విడుదల చేసిన సిర్పూర్ ఎమ్మెల్యే హరీశ్ బాబు ఆధారాలు బయట పెట్టాలని కోరారు. మా పార్టీ కార్యకర్తలు ఎవ్వరైనా తప్పు చేస్తే చర్యలు తీసుకుంటామని అన్నారు.
Health tips: బరువు తగ్గేందుకు డైట్‌ సరిపోవు.. అది కూడా కావాలి..