Maoists Document : మావోయిస్టుల సెన్సేషనల్ డాక్యుమెంట్ బట్టబయలు
- వెలుగులోకి మావోయిస్టుల కీలక డాక్యుమెంట్
- మావోయిస్టుల సెన్సేషనల్ డాక్యుమెంట్ బట్టబయలు
- ఆయుధాలు వదిలేద్దాం.. ప్రజల్లోకి వెళ్దామనే మాటలతో ఉన్న డాక్యుమెంట్
- మావోయిస్టు పార్టీ ముక్కలు కావడానికి కారణమైన మీటింగ్
- Follow Us :
-
-
Add as a preferred
source on google
Maoists Document : మావోయిస్టు పార్టీకి సంబంధించిన కీలకమైన అంతర్గత డాక్యుమెంట్లు తాజాగా బట్టబయలయ్యాయి. నాలుగు సంవత్సరాల విరామం తర్వాత 2024లో నిర్వహించిన మావోయిస్ట్ పార్టీ పొలిట్ బ్యూరో సమావేశానికి సంబంధించిన ఈ డాక్యుమెంట్లో అనేక సంచలనాత్మక అంశాలు, పార్టీ బలహీనతలపై తీవ్ర ఆత్మవిమర్శ ఉన్నట్లు తెలుస్తోంది. ముఖ్యంగా, ‘ఆయుధాలు వదిలేసి ప్రజల్లోకి వెళ్లాలి’ అనే కీలక అంశం ఈ డాక్యుమెంట్ ద్వారా పార్టీ క్యాడర్కు చేరింది. ఈ డాక్యుమెంట్ను ఆగస్టు 2024న దేశవ్యాప్తంగా ఉన్న అన్ని కమిటీలకు పొలిట్ బ్యూరో పంపినట్లు సమాచారం. డీజీపీల సమావేశంలో కేంద్ర ప్రభుత్వానికి అధికారులు ఈ డాక్యుమెంట్ వివరాలను సమర్పించినట్లు తెలుస్తోంది.
ఈ అంతర్గత డాక్యుమెంట్లో గడిచిన మూడేళ్లలో పార్టీ తీవ్ర నష్టాలను, బలహీనతలను ఎదుర్కొన్నట్లు అంగీకరించింది. 2020లో నిర్వహించిన పొలిట్బ్యూరో సమావేశంలోనే పార్టీ కోలుకోవడానికి చాలా సమయం పడుతుందని అంచనా వేసినట్లు పేర్కొన్నారు.
గడిచిన మూడు సంవత్సరాలలో 683 మంది మావోయిస్టులు సమావేశాలలో (పోలీసుల ఆపరేషన్లలో) చనిపోయారు. వీరిలో 190 మంది మహిళా సభ్యులు ఉన్నారు.
Also Read
- Hyderabad: అక్రమ అండాల దందాలో కొత్త కోణం.. వెలుగులోకి షాకింగ్ వ్యవహారం..
- CM Revanth Reddy: వైద్యం కోసం ఏ పేద కుటుంబమూ అప్పులపాలు కాకూడదు.. సీఎం రేవంత్ రెడ్డి కీలక ప్రకటన
- Ragiri Satyanarayana: ఆదాయానికి మించిన ఆస్తుల కేసులో ఇరిగేషన్ డీఈఈ సత్యనారాయణ గౌడ్ అరెస్ట్
- Bharat Summit 2026: నేటి నుంచే భాగ్యనగరంలో ‘భారత్ సమ్మిట్’.. 70కి పైగా దేశాల ప్రతినిధులు హాజరు..
2021 నుండి పార్టీ నలుగురు కేంద్ర కమిటీ సభ్యులను (లక్ము, అంబీర్, సాకేత్, ఆనంద్) అనారోగ్యం కారణంగా కోల్పోయింది. తర్వాత చాలామంది పోలీసుల ఎన్కౌంటర్లలో మృతి చెందగా, మరికొంత మంది అరెస్టయ్యారు. కేంద్ర కమిటీ నుండి ఏరియా లెవెల్ వరకు అనేకమందిని కోల్పోవడంతో పార్టీ తీవ్రంగా బలహీనపడింది. బలగాల చర్యలను తిప్పి కొట్టడంలో కేంద్ర కమిటీతో పాటు స్టేట్, జోనల్ కమిటీలు విఫలమయ్యాయి. ఈస్ట్, సెంట్రల్ రీజియన్స్లో కమిటీల మధ్య సమన్వయం లోపించింది.
CM Chandrababu Naidu: ఆధ్యాత్మికత ద్వారానే విశ్వ చైతన్యం సాధ్యం..
నార్త్తో పాటు సౌత్ ప్రాంతాలలో కేంద్ర కమిటీ నేరుగా దృష్టి పెట్టలేకపోయింది, అలాగే పార్టీలో ‘గోప్యత’ లోపించింది. గడిచిన మూడు సంవత్సరాలుగా మావోయిస్టులు 669 ఆపరేషన్లను నిర్వహించారు. వీటిలో 261 మంది పోలీసులు మృతిచెందగా, 516 మంది గాయపడ్డారు. ఈ దాడుల ద్వారా 25 వేలకు పైగా ఆయుధాలను స్వాదీనం చేసుకున్నట్లు డాక్యుమెంట్లో పేర్కొన్నారు.
మారుతున్న పరిస్థితులకు అనుగుణంగా పార్టీ బలోపేతం కావడానికి, కోలుకోవడానికి ఈ డాక్యుమెంట్లో పలు కీలక నిర్ణయాలు తీసుకున్నారు. 2019 పార్టీ వారోత్సవంలో తీసుకున్న కీలక నిర్ణయాల అమలుపై దృష్టి సారించాలని పిలుపునిచ్చారు. మాస్ బేస్ను ఆకర్షించేలా వర్గ పోరాటాన్ని తీవ్రతరం చేయాలని, గడిచిన మూడేళ్లుగా లోపించిన ఈ అంశంపై దృష్టి పెట్టాలని సూచించారు. దేశవ్యాప్తంగా ప్రజలకు ఏ సమస్య ఉన్నా, దాన్ని తమ సమస్యగా భావించి పోరాడాలని ఆదేశించారు.
పార్టీలో రిక్రూట్మెంట్ నిరంతరంగా కొనసాగాలని, కొత్త మాస్ ఆర్గనైజేషన్లను ఏర్పాటు చేసుకుంటేనే పార్టీ నిలబడుతుందని పేర్కొన్నారు. పార్టీ కమిటీలలో మూడు జనరేషన్ల సభ్యులు (సీనియర్, మధ్య వయస్కులు, జూనియర్లు) ఉండేలా చూసుకోవాలని నిర్ణయించారు. ‘మాస్ పీపుల్కు దగ్గరవటంలో మనం విఫలమయ్యాము’ అని అంగీకరించారు. మారుతున్న పరిస్థితులను తెలుసుకోవడానికి గ్రౌండ్ లెవెల్లో సర్వేలు నిర్వహించి, ఎప్పటికప్పుడు స్థావరాలు మారుస్తూ ఉండాలని సూచించారు.
ప్రస్తుతం నెలకొన్న పరిస్థితుల దృష్ట్యా ఆయుధాలు వదిలిపెట్టి చర్చల ప్రక్రియ ప్రారంభించాలి అని కీలక నిర్ణయాన్ని డాక్యుమెంట్లో ప్రస్తావించారు. ఆయుధాలతో ఉంటే ప్రభుత్వాలు చర్చలు జరపవనే అభిప్రాయాన్ని క్యాడర్కు చేరవేయాలని సూచించారు. ఈ అంతర్గత డాక్యుమెంట్ వెలుగులోకి రావడం, ముఖ్యంగా ఆయుధాలను వదిలేయాలనే నిర్ణయం తీసుకోవడం మావోయిస్ట్ పార్టీ చరిత్రలో ఒక కీలక మలుపుగా పరిశీలకులు భావిస్తున్నారు.
CM Chandrababu Naidu: ఆధ్యాత్మికత ద్వారానే విశ్వ చైతన్యం సాధ్యం..
తాజావార్తలు
-
AP Panchayat Elections: మా అమ్మను సర్పంచ్గా ఏకగ్రీవం చేయండి.. రూ.కోటి ఇస్తా.. కుమారుడి సంచలన ప్రకటన
-
IND vs NZ 4th ODI: రోహిత్, ఇషాన్ తప్పిదాలు.. 5 నుంచి 125 రన్స్!
-
Hyderabad: అక్రమ అండాల దందాలో కొత్త కోణం.. వెలుగులోకి షాకింగ్ వ్యవహారం..
-
CM Revanth Reddy: వైద్యం కోసం ఏ పేద కుటుంబమూ అప్పులపాలు కాకూడదు.. సీఎం రేవంత్ రెడ్డి కీలక ప్రకటన
-
Personal Loan Interest Rates: ఏ బ్యాంకులో పర్సనల్ లోన్ వడ్డీ తక్కువ? ఆ బ్యాంకుల మధ్య పోలిక ఇదే..!
ట్రెండింగ్
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?
-
Moringa Soup: ఖరీదైన స్కిన్ కేర్ ప్రొడక్ట్స్ వద్దు.. వింటర్లో బుగ్గలపై సహజమైన ఎరుపుదనం తెచ్చే సూప్ ఇదే..
-
Cigarette Prices Hike: ధూమపాన ప్రియులకు షాక్.. మరోసారి సిగరెట్ల ధరల బాదుడు..! ఒక్క ప్యాకెట్పై ఏకంగా..
-
Kusal Mendis: విమర్శకుల నోళ్లు మూయించిన కుశాల్ మెండిస్.. 13,000 పరుగుల మైలురాయిని అందుకున్న ఆటగాడిగా ఘనత..!