MLC Elections In TG: తెలంగాణ , ఆంధ్రప్రదేశ్ రాష్ట్రాల్లో ఎమ్మెల్సీ ఎన్నికలకు ఈసీ షెడ్యూల్ విడుదల చేసింది. ఈ సందర్భంగా తెలంగాణలో రెండు ఉపాధ్యాయ, ఒక పట్టభద్రుల ఎమ్మెల్సీ నియోజకవర్గానికి ఎన్నికల షెడ్యూల్ ను రిలీజ్ చేసింది. అయితే, ఫిబ్రవరి 3వ తేదీన వీటికి సంబంధించిన నోటిఫికేషన్ విడుదల చేయనున్నారు. ఫిబ్రవరి 27న పోలింగ్ జరగనుండగా.. మార్చి 3వ తేదీన ఓట్ల లెక్కింపు జరగబోతుంది.. ఎన్నికలు జరగనున్న జిల్లాల్లో తక్షణమే ఎన్నికల ప్రవర్తనా నియమావళి అమలు కానుంది. ఇక, మార్చి 29వ తేదీతో మెదక్ – నిజామాబాద్ – కరీంనగర్ గ్రాడ్యుయేట్ నియోజకవర్గ ఎమ్మెల్సీ జీవన్ రెడ్డి పదవీ కాలం ముగియనుంది.
Read Also: HYD CP Anand: ఆన్ లైన్ మోసాలు చేస్తున్న ముఠాను పట్టుకున్న సైబర్ క్రైమ్ పోలీసులు
అలాగే, మెదక్ –నిజామాబాద్ – ఆదిలాబాద్ – కరీంనగర్ టీచర్ నియోజకవర్గ ఎమ్మెల్సీ కూర రఘోత్తమరెడ్డి పదవీ కాలం కూడా మార్చి 29తో ముగియనుంది. దీంతో పాటు వరంగల్ – ఖమ్మం – నల్గొండ టీచర్ నియోజకవర్గ ఎమ్మెల్సీ అలుగుబెల్లి నర్సిరెడ్డి పదవీ కాలం కూడా మార్చి 29తో ముగియనుంది. ఇక, ఎన్నికల కమిషన్ నోటిఫికేషన్ విడుదల చేయడంతో మార్చి 3 తేదీ వరకు హైదరాబాద్- రంగారెడ్డి- మహబూబ్ నగర్ మినహా ఆ ఏడు ఉమ్మడి జిల్లాలలో ఎన్నికల కోడ్ అమలులో ఉండనుంది.
