Hyderabad Water Board : ఈ ఏరియాల్లో మూడురోజులపాటు నీటి సరఫరా బంద్

Hyderabad Water Board : హైదరాబాద్ జలమండలి ఈనెల 9వ తేదీ ఉదయం 6 గంటల నుంచి 11వ తేదీ ఉదయం 6 గంటల వరకు నగరంలోని పలు ప్రాంతాల్లో తాగునీటి సరఫరాలో అంతరాయం కలగనున్నట్లు ప్రకటించింది. గోదావరి డ్రింకింగ్ వాటర్ సప్లై ప్రాజెక్ట్ ఫేజ్-1 కింద 900 మిల్లీమీటర్ల వ్యాసం గల వాల్వుల మార్పిడి పనులు చేపడుతున్న కారణంగా ఈ సమస్య తలెత్తనుంది. అదనంగా, ముర్మూర్, మల్లారం, కొండపాక పంపింగ్ స్టేషన్లలో మరమ్మతులు కూడా జరుగనున్నాయి.

 
Lunar Eclipse: కొద్దిసేపట్లో చంద్రగ్రహణం.. ప్రారంభం నుంచి ముగింపు వరకు పర్ఫెక్ట్ టైమింగ్స్ ఇవే..

ప్రభావిత ప్రాంతాలు

డివిజన్ 6: ఎస్.ఆర్.నగర్, సనత్‌నగర్, బోరబండ, ఎర్రగడ్డ, బంజారాహిల్స్, సోమజిగూడ, ఫతేనగర్, జూబ్లీహిల్స్ మరియు పరిసరాలు

డివిజన్ 7: లాలాపేట్, తార్నాకా కొంత భాగం

డివిజన్ 9: కుకట్‌పల్లి, భాగ్యనగర్, మోతీనగర్, కెపిహెచ్‌బి, బాలాజీనగర్

డివిజన్ 12: చింతల్, సుచిత్ర, షాపూర్‌నగర్, సూరారం, గజులరామారం, జగద్గిరిగుట్ట

డివిజన్ 8: అల్వాల్, మాచ్చబోలారం, యాప్రాల్, గౌతమ్‌నగర్, మౌలాలి రిజర్వాయర్ పరిసరాలు

డివిజన్ 14 (కాప్రా): చర్లపల్లి, రాధికా, కైలాసగిరి, మల్లాపూర్

డివిజన్ 15: కొండాపూర్, మాధాపూర్, గచ్చిబౌలి, నల్లగండ్ల కొంతభాగం

డివిజన్ 17: హఫీజ్‌పేట్, మియాపూర్

డివిజన్ 19: పొచారం

డివిజన్ 21: కొంపల్లి, జవహర్‌నగర్, దమ్మాయిగూడ, నాగారం, అయ్యప్పకాలనీ

డివిజన్ 22: నిజాంపేట్, బాచుపల్లి, ప్రగతినగర్, గండిమైసమ్మ, బోల్లారం, తెల్లాపూర్

అదనంగా, ట్రాన్స్‌మిషన్-4 కింద హకీంపేట్ ఎయిర్‌ఫోర్స్, సికింద్రాబాద్ కాంటోన్మెంట్, AIIMS బిబినగర్ ప్రాంతాల్లో కూడా నీటి సరఫరా ప్రభావితం కానుంది. గ్రామీణ నీటి సరఫరా విభాగంలో అలేర్ (భువనగిరి), ఘన్పూర్ (మెడ్చల్/శామీర్‌పేట్) ప్రాంతాలు ప్రభావితమవనున్నాయి.

ఈ నేపథ్యంలో, ఆయా ప్రాంతాల ప్రజలు తగినంత నీటిని ముందుగానే నిల్వ చేసుకోవాలని, నీటిని అత్యవసర అవసరాలకు మాత్రమే వినియోగించాలని జలమండలి విజ్ఞప్తి చేసింది. మరమ్మతుల పనులు పూర్తయిన వెంటనే నీటి సరఫరా పునరుద్ధరించనున్నట్లు అధికారులు తెలిపారు.

Shobhita Dhulipala: నాగచైతన్య కోసం వంటలక్కగా మారిన శోభిత