Rice Price Fraud : బియ్యం దందాకు చెక్.. హైదరాబాద్లో 11 కేసులు.!
- 25 కిలోల బస్తాపై 26 కిలోల లేబుల్తో మోసం
- ఎంఆర్పీ మార్చి అధిక ధరలకు విక్రయాలు
- రేషన్ బియ్యాన్ని అక్రమంగా తరలిస్తున్న వ్యాపారులు
- 18 సంస్థలపై చర్యలు.. 11 ఎఫ్ఐఆర్లు నమోదు
- Follow Us :
-
-
Add as a preferred
source on google
బియ్యం ధరల్లో అక్రమాలకు పాల్పడుతూ వినియోగదారులను మోసం చేస్తున్న వ్యాపారులపై తెలంగాణ పౌరసరఫరాల శాఖ కొరడా ఝళిపించింది. కృత్రిమ కొరత సృష్టించడం, బస్తాల బరువులో తేడాలు చూపించడం, అసలు ధరల కంటే ఎక్కువ ధరలకు విక్రయించడం వంటి అక్రమాలకు పాల్పడుతున్న వ్యాపారులపై అధికారులు చర్యలు చేపట్టారు. హైదరాబాద్, రంగారెడ్డి జిల్లాల్లో ఎన్ఫోర్స్మెంట్ టాస్క్ఫోర్స్ (ETF), లీగల్ మెట్రాలజీ అధికారులు సంయుక్తంగా నిర్వహించిన తనిఖీల్లో పలు అక్రమాలు బయటపడ్డాయి. అక్టోబర్ 29 నుంచి 31 వరకు మూడు రోజుల పాటు చేపట్టిన ఈ తనిఖీల్లో నిబంధనలు ఉల్లంఘించిన 18 వ్యాపార సంస్థలపై చర్యలు తీసుకున్నారు. వీరిలో తీవ్ర ఉల్లంఘనలకు పాల్పడిన వారిపై 11 పోలీస్ కేసులు నమోదు చేశారు.
పౌరసరఫరాల శాఖ కమిషనర్ ఎం. స్టీఫెన్ రవీంద్ర ఆదేశాలతో అధికారులు హోల్సేల్, రిటైల్ బియ్యం దుకాణాల్లో ఆకస్మిక తనిఖీలు నిర్వహించారు. ఈ సందర్భంగా వ్యాపారులు వినియోగదారులను మోసం చేసేందుకు అనుసరిస్తున్న పద్ధతులను గుర్తించారు. ముఖ్యంగా 25 కిలోల బియ్యం బస్తాలపై 26 కిలోలుగా ముద్రించిన లేబుళ్లు వేసి విక్రయిస్తున్నట్లు గుర్తించారు. అలాగే బియ్యం కంపెనీలు ముద్రించిన అసలు గరిష్ఠ చిల్లర ధర (ఎంఆర్పీ)ని తొలగించి, ఎక్కువ ధరలతో కొత్త స్టిక్కర్లు అతికిస్తున్నట్లు తనిఖీల్లో బయటపడింది. దీంతో వినియోగదారులు అసలు ధర కంటే ఎక్కువ చెల్లించాల్సిన పరిస్థితి ఏర్పడుతోంది.
Also Read
- Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
- Food Safety Raids: హైదరాబాద్ హోటళ్లపై ఫుడ్ సేఫ్టీ కొరడా.. 4 రెస్టారెంట్ల లైసెన్సులు సస్పెండ్, 2 సీజ్..
- CM Revanth Reddy : ఎస్సీ, ఎస్టీల సంక్షేమంలో ముందున్నాం
- Uttam Kumar Reddy : నీటి హక్కులపై వెనక్కి తగ్గేది లేదు.. బీఆర్ఎస్పై ఉత్తమ్ ఫైర్
మరోవైపు పలువురు వ్యాపారులు కనీస అనుమతులు లేకుండానే బియ్యం వ్యాపారం చేస్తున్నట్లు అధికారులు గుర్తించారు. ట్రేడ్ లైసెన్స్, జీఎస్టీ, కార్మిక శాఖ అనుమతులు, ఆహార భద్రత శాఖకు సంబంధించిన ఎఫ్ఎస్ఎస్ఏఐ లైసెన్సులు లేకుండానే దుకాణాలు నిర్వహిస్తున్నట్లు తేలింది. కొందరు వ్యాపారులు పేదలకు ప్రభుత్వం పంపిణీ చేసే రేషన్ బియ్యాన్ని అక్రమంగా నిల్వ చేసి, ఇతర ప్రాంతాలకు తరలిస్తున్న వ్యవహారాన్ని కూడా టాస్క్ఫోర్స్ అధికారులు గుర్తించారు.
ఈ అక్రమాలపై అధికారులు కఠిన చర్యలకు దిగారు. సరూర్నగర్, జీడిమెట్ల, అల్వాల్ పోలీస్ స్టేషన్ల పరిధిలో మొత్తం 11 ఎఫ్ఐఆర్లు నమోదు చేయించారు. నిందితులపై నిత్యావసర వస్తువుల చట్టంతో పాటు భారతీయ న్యాయ సంహితలోని పలు సెక్షన్ల కింద కేసులు నమోదు చేశారు. ఈ కేసుల్లో నేరాలు రుజువైతే ఏడేళ్ల వరకు జైలు శిక్ష పడే అవకాశం ఉందని అధికారులు తెలిపారు.
ప్రజలకు నిత్యావసర సరుకులు సరైన ధరలకు, నాణ్యంగా అందించడమే ప్రభుత్వ లక్ష్యమని పౌరసరఫరాల శాఖ స్పష్టం చేసింది. బియ్యం వ్యాపారంలో అక్రమాలకు పాల్పడుతూ కృత్రిమ కొరత సృష్టించే వారిపై నిరంతరం నిఘా కొనసాగిస్తామని హెచ్చరించింది. తూకంలో మోసాలు చేయడం, ధరల విషయంలో వినియోగదారులను మభ్యపెట్టడం, రేషన్ బియ్యాన్ని అక్రమంగా నిల్వ చేయడం వంటి చర్యలకు పాల్పడితే కఠిన చర్యలు తప్పవని స్పష్టం చేసింది.
తాజావార్తలు
-
AP Panchayat Elections: తొలి దశలో బరిలో 21 వేల మందికి పైగా సర్పంచ్ అభ్యర్థులు.. 87 వేల వార్డు అభ్యర్థులు
-
ACB Raid in Hyderabad: ఖాకీ ముసుగులో కక్కుర్తి.. రక్షకులే భక్షకులైతే సమాజానికి దిక్కెవరు?
-
Montra Electric Auto: రూ.3.97 లక్షలకే మోంట్రా కొత్త ఎలక్ట్రిక్ ఆటో.. ఒక్క ఛార్జింగ్తో 180 కి.మీ.కు పైగా రేంజ్!
-
Akvan Cyclone Alert: అక్వాన్ తుఫాన్ ఎఫెక్ట్.. ఉత్తరాంధ్రకు అలర్ట్
-
Xi Jinping Welcomes Trump: ట్రంప్కు జిన్పింగ్ గ్రాండ్ వెల్కమ్.. ప్రోటోకాల్ పక్కనపెట్టి ఆలింగనం! వైరల్గా వీడియో
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..