Harish Rao: ఎల్నినో కాదు.. కాంగ్రెస్ చేతకానితనమే కరువుకు కారణం
- ఎల్నినోపై ప్రభుత్వ వాదనకు హరీష్ రావు కౌంటర్
- శ్రీశైలం నీటి వినియోగంపై ఉత్తమ్కు సవాల్
- నీళ్లు ఉన్నా తోడుకోలేకపోతున్నారంటూ విమర్శ
- రైతులను ఆదుకోవడంపై ప్రభుత్వాన్ని నిలదీసిన హరీష్
- Follow Us :
-
-
Add as a preferred
source on google
తెలంగాణ శాసనసభలో సాగునీరు, ఎల్ నినో పరిస్థితులపై జరిగిన చర్చపై బిఆర్ఎస్ సీనియర్ నాయకుడు, మాజీ మంత్రి హరీష్ రావు తీవ్రస్థాయిలో ధ్వజమెత్తారు. మీడియా సమావేశంలో ఆయన మాట్లాడుతూ, రాష్ట్రంలో ప్రస్తుతం నెలకొన్న పరిస్థితి ప్రకృతి తెచ్చిన కష్టం కాదని, కాంగ్రెస్ ప్రభుత్వ నిర్లక్ష్యం వల్ల వచ్చిన మానవ నిర్మిత కరువని ఆరోపించారు. కేసీఆర్తో కలిసి తెలంగాణ ఉద్యమంలో పాల్గొన్న బాధ్యతాయుతమైన నాయకుడిగా తాను ఈ విషయాలను ఆధారాలతో సహా నిరూపిస్తానని స్పష్టం చేశారు.
అసెంబ్లీ సాక్షిగా అసత్యాలు.. మంత్రి ఉత్తమ్పై మండిపాటు
కృష్ణా జలాల వినియోగంపై నీటిపారుదల శాఖ మంత్రి ఉత్తమ్ కుమార్ రెడ్డి అసెంబ్లీలో తప్పుడు గణాంకాలు చెప్పారని హరీష్ రావు విమర్శించారు. శ్రీశైలం ప్రాజెక్టు నుంచి తెలంగాణ 80 టీఎంసీలకు పైగా నీటిని వాడుకుందని చెప్పడం శుద్ధ అబద్ధమని కొట్టిపారేశారు. శ్రీశైలం నుంచి నీటిని తోడేందుకు కల్వకుర్తి ఎత్తిపోతల పథకం ఒక్కటే మార్గమని, అక్కడ కేవలం 8 టీఎంసీలు మాత్రమే ఎత్తినప్పుడు, మిగతా 80 టీఎంసీల నీళ్లు ఎక్కడికి పోయాయని ప్రశ్నించారు. చేతనైతే ఆ నీళ్లను రైతుల పొలాల్లో ఎక్కడ వాడారో సమాధానం చెప్పాలని సవాల్ విసిరారు.
Also Read
- Kishan Reddy : డ్రగ్స్ రహిత భారత్ నిర్మాణమే ప్రధాని మోదీ లక్ష్యం
- Uttam Kumar Reddy : మేడిగడ్డపై ఉత్తమ్ సంచలన వ్యాఖ్యలు.. ప్రధాని మోదీకి కీలక విన్నపాలు
- Eagle Force: నిషేధిత ఈ-సిగరెట్ల అక్రమ దందా గుట్టురట్టు.. సప్లై నెట్వర్క్ ఛేదించిన ఈగల్ ఫోర్స్!
- Kondagattu Temple : 60 ఏళ్ల నిరీక్షణకు తెర.. కొండగట్టులో అంజన్న నిజరూప దర్శనం
చేతకానితనంతోనే నీటి సంక్షోభం
కృష్ణా నదిలో తెలంగాణ వాటాను సరిగ్గా వాడుకోవడంలో కాంగ్రెస్ ప్రభుత్వం పూర్తిగా విఫలమైందని హరీష్ రావు ఆరోపించారు. శ్రీశైలంలో సరిపడా నీళ్లు ఉన్నప్పటికీ, కల్వకుర్తి వద్ద ఐదు మోటార్లకు గాను కేవలం రెండు మోటార్లను మాత్రమే నడుపుతున్నారని మండిపడ్డారు. నీళ్లు ఉన్నా తోడుకోలేని చేతకానితనంతో ప్రభుత్వం వ్యవహరిస్తోందని, తమ వైఫల్యాన్ని ఎల్ నినో , ప్రకృతిపై తోసివేసి చేతులు దులుపుకోవాలని చూస్తోందని ధ్వజమెత్తారు.
రైతుల సమస్యలను వదిలి రాజకీయ కుట్రలు
తెలంగాణ రాష్ట్రం ఏర్పడిన తర్వాత ఇంత తక్కువ పరిమాణంలో నీటి వినియోగం జరగడం ఇదే తొలిసారి అని హరీష్ రావు ఆవేదన వ్యక్తం చేశారు. కాంగ్రెస్ ప్రభుత్వం కేవలం ప్రతిపక్షాలపై దాడులు చేయడం, రాజకీయ కుట్రలు పన్నడంపైనే దృష్టి పెడుతోందే తప్ప, ఎండిపోతున్న పంటలకు, అల్లాడుతున్న రైతులకు నీళ్లందించేందుకు ఎలాంటి చర్యలు తీసుకోవడం లేదని విమర్శించారు. ప్రభుత్వం తన వైఖరిని మార్చుకుని తక్షణమే రైతాంగాన్ని ఆదుకోవాలని ఆయన డిమాండ్ చేశారు.
తాజావార్తలు
-
Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
-
Shashank Srihari : రియల్ స్టార్ శ్రీహరి ఇంట పెళ్లి సందడి.. పెద్ద కుమారుడి నిశ్చితార్థం ఎప్పుడంటే.?
-
OTR: కేటీఆర్ సభ రద్దు వెనుక అసలు కారణమేంటి..? BRSలో హాట్ టాపిక్..
-
Aus Vs Eng: సెంచరీతో టామ్ బాంటన్ వీరవిహారం.. ఆస్ట్రేలియా గడ్డపై ఇంగ్లాండ్ అద్భుత విజయం..
-
Dhanashree Verma: చాహల్ మాజీ భార్య ధనశ్రీ హీరోయిన్గా టాలీవుడ్ ఎంట్రీ..
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!