Exit Poll: నవంబర్ 30 సాయంత్రం 6.30 వరకు.. ఎగ్జిట్ పోల్స్పై ఈసీ నిషేధం..
Exit Poll: తెలంగాణ, మధ్యప్రదేశ్, రాజస్థాన్ సహా ఐదు రాష్ట్రాల్లో అసెంబ్లీ ఎన్నికలు జరుగుతున్నాయి. ఆయా రాష్ట్రాల్లో నవంబర్ 7 నుంచి నవంబర్ 30 వరకు అనేక దశల్లో ఎన్నికల పోలింగ్ జరగనుంది. దీంతో ఎన్నికల కోడ్ అమలులో ఉన్న రాష్ట్రాల్లో ఎగ్జిట్ పోల్స్ ను నిషేధిస్తూ కేంద్ర ఎన్నికల సంఘం ఉత్తర్వులు జారీ చేసింది. నవంబర్ 7వ తేదీ ఉదయం 7 గంటల నుంచి నవంబర్ 30వ తేదీ సాయంత్రం 6.30 గంటల వరకు ఈ నిషేధం అమల్లో ఉంటుందని స్పష్టం చేసింది.
ఎన్నికల నియమావళి అమలులో ఉన్న సమయంలో ఎగ్జిట్ పోల్స్ నిర్వహించకూడదని, ప్రచారం చేయకూడదని ఈసీ పునరుద్ఘాటించింది. ఎవరైనా ఈ నిబంధనలను ఉల్లంఘిస్తే, వారికి చట్టం ప్రకారం రెండేళ్ల వరకు జైలు శిక్ష లేదా జరిమానా లేదా రెండూ విధిస్తానని హెచ్చరించారు. కాగా, ఛత్తీస్గఢ్ మినహా మిగిలిన నాలుగు రాష్ట్రాల్లో ఒకే దశలో పోలింగ్ జరగనుంది. ఛత్తీస్గఢ్లో మొదటి దశ పోలింగ్ నవంబర్ 7న, రెండో దశ నవంబర్ 17న జరగనుంది. మిజోరంలో నవంబర్ 7న, మధ్యప్రదేశ్లో నవంబర్ 17న, రాజస్థాన్లో నవంబర్ 25న, తెలంగాణలో నవంబర్ 30న పోలింగ్ ముగుస్తుంది. అదే రోజు సాయంత్రం 6.30 గంటల తర్వాత ఎగ్జిట్ పోల్స్ వెలువడనున్నాయి. ఇంకా ఐదు రాష్ట్రాల్లో డిసెంబర్ 3న ఓట్ల లెక్కింపు నిర్వహించి ఫలితాలు వెల్లడిస్తారు. రాజస్థాన్, మధ్యప్రదేశ్, ఛత్తీస్గఢ్లలో కాంగ్రెస్, బీజేపీ మధ్య ప్రధాన పోటీ ఉండగా, తెలంగాణలో త్రిముఖ పోరు నెలకొంది. ఇక్కడ అధికార బీఆర్ఎస్, కాంగ్రెస్, బీజేపీలు పోటీ పడుతున్నాయి.
Pushpa 2: గంగమ్మ జాతరకి సుకుమార్ సిద్ధం…