BRS Meeting: కేసీఆర్ అధ్యక్షతన బీఆర్ఎస్ పార్లమెంటరీ సమావేశం.. అనుసరించాల్సిన వ్యూహాలపై చర్చ

BRS Parliamentary Meetings: బీఆర్‌ఎస్ పార్లమెంటరీ పార్టీ సమావేశం నేడు ప్రారంభం కానుంది. మధ్యాహ్నం ఒంటిగంటకు ప్రగతి భవన్‌లో సమావేశం జరగనుంది. సీఎం కేసీఆర్ అధ్యక్షతన పార్లమెంట్ బడ్జెట్ సమావేశాల్లో అనుసరించాల్సిన వ్యూహాలపై సమావేశంలో చర్చించనున్నారు. లోక్ సభ, రాజ్యసభ సభ్యులను కేసీఆర్ భోజనానికి ఆహ్వానించారు. మధ్యాహ్న భోజనం అనంతరం సభ జరగనుంది. జాతీయ పార్టీగా పార్లమెంట్‌లో బీఆర్‌ఎస్ అనుసరించాల్సిన వ్యూహాలపై కేసీఆర్ ఎంపీలకు దిశానిర్దేశం చేయనున్నారు. తెలంగాణకు రావాల్సిన నిధులు, ప్రాజెక్టుల కోసం పోరాడుతూనే దేశ వ్యాప్తంగా ఉన్న సమస్యలపై కూడా స్పందించేలా వ్యూహాలు రచిస్తున్నారు.

Read also: Attack on Police: శామీర్ పేట్, అల్వాల్ పోలీసులపై దాడి.. బొమ్మలరామారంలో ఘటన

ఈ నెల 31 నుంచి పార్లమెంట్ బడ్జెట్ సమావేశాలు ప్రారంభం కానున్నాయి. ఇది రెండు విడతలుగా ఏప్రిల్ 6 వరకు కొనసాగుతుంది. ఈ విషయాన్ని పార్లమెంటరీ వ్యవహారాల మంత్రి ప్రహ్లాద్ జోషి ట్విట్టర్ ద్వారా తెలిపారు. రాష్ట్రపతి ద్రౌపది ముర్ము తొలిరోజు ఉభయ సభలను ఉద్దేశించి ప్రసంగిస్తారు. ఆ తర్వాత ఆర్థిక మంత్రి నిర్మలా సీతారామన్‌ పార్లమెంట్‌లో ఆర్థిక సర్వేను ప్రవేశపెడతారు. ఆర్థిక మంత్రి రెండవ రోజు అంటే ఫిబ్రవరి 1వ తేదీన కేంద్ర బడ్జెట్ 2023ని సమర్పిస్తారు. బడ్జెట్ ప్రింట్ కాపీల విషయంలో చాలా జాగ్రత్తలు తీసుకున్నారు. ఎవరినీ అనుమతించలేదు. బడ్జెట్‌ సమర్పణకు పది రోజుల ముందు నుంచే కాపీల ముద్రణ ప్రారంభం కానుంది. ఇది ఆర్థిక శాఖ ప్రధాన కార్యాలయం యొక్క నేలమాళిగలో జరుగుతుంది. ఇందులో పాల్గొనే సిబ్బంది దాదాపు 10 రోజుల పాటు అక్కడే ఉంటారు. ఈ ప్రింట్‌ను ప్రారంభించడానికి భారతీయ వంటకం అయిన హల్వా తయారు చేయబడింది. ఆర్థిక మంత్రి సమక్షంలో సిబ్బందికి పంపిణీ చేయనున్నారు.
Female Guise: ట్రెండ్‌ మార్చిన దొంగలు.. ఆడవేషంలో దొంగతనాలు