నీళ్లు, నిధులు, నియామకాలు మొత్తం కెసిఆర్ కుటుంబానికే : బండి సంజయ్

సిఎం కెసిఆర్ పై మరోసారి బీజేపీ రాష్ట్ర అధ్యక్షుడు బండి సంజయ్ కుమార్ సంచలన వ్యాఖ్యలు చేశారు. నీళ్లు నిధులు, నియామకాల కోసం తెలంగాణ ఉద్యమం జరిగిందని.. తెలంగాణ వచ్చాక ..నీళ్లు ఫామ్ హౌజ్ కు, నిధులు సీఎం అనుయాయులకు, నియామకాలు ఆయన ఫ్యామిలకే పోయాయని ఫైర్ అయ్యారు. తొలి దశ, మలి దశ ఉద్యమానికి ఊపిరే యువత అని..ఆ యువత తెలంగాణ ఏర్పడ్డాక 7 ఏళ్లుగా ఉద్యోగం, ఉపాధి లేక అల్లాడుతోందన్నారు. లక్షలాది మంది యువతీ, యువకులు ఉద్యోగాల కోసం ఏళ్ల తరబడి పడిగాపులు కాస్తున్నారని..ఉద్యోగాల కోసం ఎదురు చూసి.. చాలా మంది వయసు కూడా దాటిపోయిందని పేర్కొన్నారు. రాష్ట్రంలో ఉద్యోగాల కోసం 25 లక్షల మంది TSPSCలో రిజిస్టర్ చేసుకున్నారని పదవి విమరణ పొందిన ఛైర్మన్ ఘంటా చక్రపాణి చెప్పారని..2.90 లక్షల ఉద్యోగాలు ఖాళీ ఉన్నాయని బిస్వాల్ కమిటీ ప్రకటించిందని వెల్లడించారు. రాష్ట్రం ఏర్పడ్డాక ఒక్కసారి కూడా గ్రూప్-1 నోటిఫికేషన్ వేయలేదంటే ఇంతకంటే దౌర్భాగ్యం ఉంటుందా? తెలంగాణ ఏర్పడ్డాక ఉపాధ్యాయ పోస్టుల భర్తీ చేయలేదని ఫైర్ అయ్యారు. నిరుద్యోగ భృతి ఇస్తామని చెప్పి ఓట్లు వేయించుకొని మోసం చేశారని మండిపడ్డారు. 2018 నుంచి నిరుద్యోగ భృతి ఇవ్వాలని డిమాండ్ చేశారు.