Hyderabad: సెంట్రల్ యూనివర్సిటీలో ఉద్రిక్తత.. బ్లేడ్ తో దాడి చేసుకున్న విద్యార్థులు

Hyderabad: హైదరాబాద్ సెంట్రల్ యూనివర్సిటీలో ఉద్రిక్తత చోటుచేసుకుంది. ఏబీవీపీ, ఎస్ఎఫ్ఐ విద్యార్థుల మధ్య ఘర్షణ వాతావరణం జరిగింది. ప్రాథమిక సమాచారం మేరకు ఏబీవీపీ విద్యార్థులు ఏర్పాటు చేసిన ఓ కార్యక్రమంలో వివాదం చెలరేగినట్లు తెలుస్తుంది. మత విద్వేషాలు రెచ్చగొట్టేటట్టు పాటలు పాడుతుంటే అడ్డుకున్న ఎస్ ఎఫ్ ఐ విద్యార్థి నాయకుడు ఫైజల్ పై ఏబీవీపీ విద్యార్థులు దాడికి దిగారని విశ్వసనీయ సమాచారం. ఈ సంఘటనకు సంబంధించి ఏబీవీపీ, ఎస్ఎఫ్ఐ విద్యార్థుల మధ్య ఘర్షణ చెలరేగగా ఇరువర్గాల నాయకులు ఒకరిపై ఒకరు బ్లేడ్ తో భౌతిక దాడులు చేసుకున్నట్లు సమాచారం. దీంతో పలువురు విద్యార్థులకు తీవ్ర గాయాలయ్యాయి.

Read also: Noida : రూ.200కోట్ల డ్రగ్స్ స్వాధీనం.. నలుగురు విదేశీయుల అరెస్ట్

దీనిపై కొందరు విద్యార్థులు పోలీసులకు సమచారం ఇవ్వడంతో హుటాహుటిన యూనివర్సిటీకి చేరుకుని గాయపడిన విద్యార్థులు చందానగర్‌లోని ఓ ప్రైవేటు ఆసుపత్రికి చికిత్సకు తరలించారు. ఈ ఘటనకు సంబంధించి పోలీసులు ఏబీవీపీ, ఎస్ఎఫ్ఐ విద్యార్థులకు సర్ది చెప్పినట్లు తెలుస్తుంది. గాయపడిన విద్యార్థుల్లో విద్యార్థినులు కూడా ఉండటం గమనార్హం. ఓ వర్గం వారు బ్లేడ్ తో విచక్షణా రహితంగా దాడి చేయడంతో ఓ విద్యార్థికి తీవ్రంగా గామపడ్డాడు. సెంట్రల్ యూనివర్సిటీ వద్ద ఎటువంటి సంఘటనలు జరగకుండా పోలీసులు భారీగా మోహరించారు. ఎవరిని లోనికి అనుమతించకుండా భారీ బందోబస్తు ఏర్పాటు చేశారు.
Shubman Gill Lady: అమ్మాయి అందానికి క్లీన్ బౌల్డ్ అయిన శుభ్‌మ‌న్ గిల్.. వీడియో వైరల్!