Vivo Y60 5G: 6500mAh బ్యాటరీతో వివో Y60 5G విడుదల.. ధర, ఫీచర్స్ తెలుసుకోండి

స్మార్ట్ ఫోన్ లవర్స్ కు మరో కొత్త ఫోన్ అందుబాటులోకి వచ్చింది. వివో మరో కొత్త 5G ఫోన్‌ను చైనాలో విడుదల చేసింది. ఈ ఫోన్‌లో 6500mAh బ్యాటరీతో పాటు అద్భుతమై ఫీచర్లు ఉన్నాయి. యువత, బడ్జెట్ వినియోగదారుల కోసం ప్రత్యేకంగా రూపొందించిన తన Y సిరీస్‌లో వివో ఈ ఫోన్‌ను పరిచయం చేసింది. వివో దీనిని Y60 5G అనే పేరుతో విడుదల చేసింది. ఇది మూడు కలర్ ఆప్షన్స్, మూడు స్టోరేజ్ వేరియంట్లలో అందుబాటులో ఉంది.

వివో Y60 5G ధర

వివో ఈ బడ్జెట్-ఫ్రెండ్లీ ఫోన్‌ను దేశీయ మార్కెట్లో విడుదల చేసింది. ఈ వివో ఫోన్ 6GB RAM + 128GB, 6GB RAM + 256GB, 8GB RAM + 256GB వేరియంట్లలో లభిస్తుంది. దీని ప్రారంభ ధర CNY 1799 (సుమారుగా రూ. 25,000). ఇది కాకుండా, ఈ ఫోన్ ఇతర రెండు వేరియంట్లు వరుసగా CNY 1,999 (సుమారుగా రూ. 28,000), CNY 2,299 (సుమారుగా రూ. 32,000) ధరలకు లభిస్తాయి. కంపెనీ ఈ ఫోన్‌ను దేశీయ మార్కెట్లో తన అధికారిక వెబ్‌సైట్, రిటైల్ స్టోర్ల ద్వారా విక్రయిస్తుంది.

వివో Y60 5G ఫీచర్లు

వివో నుండి వచ్చిన ఈ బడ్జెట్ ఫోన్‌లో 6.74-అంగుళాల LCD డిస్‌ప్లే ఉంది. ఈ ఫోన్ 120Hz రిఫ్రెష్ రేట్, 720 x 1600 పిక్సెల్స్ రిజల్యూషన్‌కు సపోర్ట్ చేస్తుంది. ఈ బడ్జెట్ ఫోన్ క్వాల్‌కామ్ స్నాప్‌డ్రాగన్ 4 జెన్ 2 చిప్‌సెట్‌తో పనిచేస్తుంది. ఈ ఫోన్ 8GB వరకు ర్యామ్, 256GB వరకు ఇంటర్నల్ స్టోరేజ్‌కు సపోర్ట్ చేస్తుంది, దీనిని మైక్రో SD కార్డ్ ద్వారా విస్తరించుకోవచ్చు.

వివో Y60 5G వెనుక భాగంలో డ్యూయల్ కెమెరా సెటప్‌ను కలిగి ఉంది. ఈ ఫోన్‌లో 13MP ప్రైమరీ సెన్సార్, ఒక CMOS సెన్సార్ ఉన్నాయి. ఈ కెమెరా ఆటోఫోకస్, 10x వరకు డిజిటల్ జూమ్‌కు సపోర్ట్ చేస్తుంది. సెల్ఫీలు, వీడియో కాలింగ్ కోసం 5MP ఫ్రంట్ కెమెరా అందుబాటులో ఉంది. ఈ ఫోన్ ఆండ్రాయిడ్ 16 ఆధారిత ఒరిజిన్ఓఎస్ 6 పై పనిచేస్తుంది. ఇందులో 15W వైర్డ్ ఛార్జింగ్‌తో కూడిన 6,500mAh బ్యాటరీ ఉంది. భద్రత కోసం, దీనికి సైడ్-మౌంటెడ్ ఫింగర్‌ప్రింట్ సెన్సార్ ఉంది.