Samsung: శాంసంగ్ నుంచి రెండు కొత్త ఫోల్డబుల్ ఫోన్లు.. డిటైల్స్ ఇవే

శాంసంగ్ W-సిరీస్ ఫోల్డబుల్ స్మార్ట్‌ఫోన్‌లను ప్రతి సంవత్సరం చైనాలో విడుదల చేస్తుంది. ఈ స్మార్ట్ ఫోన్‌లో గొప్ప డిజైన్, ప్రత్యేక ఫీచర్లు, మెరుగైన ర్యామ్ స్టోరేజ్‌తో వస్తుంది. ఈ ఫోన్‌లు గ్లోబల్ Z-సిరీస్ మోడల్‌లపై ఆధారపడి ఉంటాయి. తాజాగా శాంసంగ్ (Samsung) చైనాలోని తన వెబ్‌సైట్‌లో W25 ఫ్లిప్ (Galaxy Z Flip 6 ఆధారంగా) W25 (Galaxy Z ఫోల్డ్ స్పెషల్ ఎడిషన్ ఆధారంగా)ని అధికారికంగా ప్రకటించింది. ఈ రెండు ఫోన్‌లు అనేక ప్రత్యేక ఫీచర్లు, ప్రీమియం డిజైన్‌తో వస్తున్నాయి. అంతేకాకుండా.. సిరామిక్ బ్లాక్ బ్యాక్ ప్యానెల్‌తో “హార్ట్ టు ది వరల్డ్” లోగో, గోల్డ్ అల్యూమినియం ఫ్రేమ్‌తో వస్తున్నాయి. ఈ ఫోన్లుకు సంబంధించి వివరాలు ఎలా ఉన్నాయో తెలుసుకుందాం…

Nimmala Ramanaidu: జగన్ మోహన్ రెడ్డి రాజకీయాల్లో ఉండటానికి అర్హుడు కాదు..

Samsung W25 ఫ్లిప్:
శాంసంగ్ డబ్ల్యూ25 ఫ్లిప్ 6.7 అంగుళాల ప్రధాన డిస్‌ప్లే, 3.4 అంగుళాల కలర్ డిస్‌ప్లేతో వస్తుంది. ఇది వినియోగదారులకు గొప్ప అనుభవాన్ని అందిస్తుంది. అంతేకాకుండా.. వినియోగదారులు “క్లౌడ్ ఫ్యాన్ ఎలిగాన్స్”తో సహా ప్రత్యేకమైన డైనమిక్ వాల్‌పేపర్‌లను ఆస్వాదించవచ్చు. ఈ ఫోన్‌లో 50-మెగాపిక్సెల్ ప్రధాన కెమెరా ఉంటుంది. ఇది అధునాతన AI-ఆధారిత ఆటో ఫోకస్‌కు మద్దతు ఇస్తుంది. ఈ ఫోన్ ప్రధాన కెమెరాలో 2x ఆప్టికల్ జూమ్‌కు మద్దతు ఇస్తుందని కంపెనీ పేర్కొంది. ఇది ప్రతి షట్టర్ క్లిక్‌తో గొప్ప చిత్రాలను క్యాప్చర్ చేస్తుంది. ఈ ఫోన్‌లో చాట్ అసిస్టెంట్, రియల్ టైమ్ ట్రాన్స్‌లేషన్, ట్రాన్స్‌క్రిప్షన్, న్యూ మోడల్ Bixi వంటి అనేక AI ఫీచర్లు ఉన్నాయి.

Samsung W25:
ఈ ఫోన్ బుక్-స్టైల్ ఫోల్డింగ్, క్లాసిక్ బుక్-స్టైల్ ఫోల్డబుల్ డిజైన్‌ను కలిగి ఉంది. ఈ స్మార్ట్ ఫోన్ 8-అంగుళాల మెయిన్ స్క్రీన్, 6.5-అంగుళాల కలర్ స్క్రీన్‌ను కలిగి ఉంటుంది. Z ఫోల్డ్ స్పెషల్ ఎడిషన్ మాదిరిగానే ఇది మల్టీ టాస్కింగ్.. తెరిచినప్పుడు టాబ్లెట్ లాంటి అనుభవాన్ని అందిస్తుంది. ఈ ఫోన్ మందం తెరిచినప్పుడు 4.9 మిమీ, మూసివేసినప్పుడు 10.6 మిమీ ఉంటుంది. ఫోన్ బరువు 255 గ్రాములు. ఈ ఫోన్ సిరామిక్ బ్లాక్, గోల్డ్ డిజైన్‌తో వస్తుంది. ఈ ఫోన్ ప్రత్యేక లక్షణం దాని అల్ట్రా-హై రిజల్యూషన్ 200 మెగాపిక్సెల్ ప్రధాన కెమెరా.

Gas Cylinder : గ్యాస్ సిలిండర్ తీసుకునేటప్పుడు ఇవి చెక్ చేయండి.. లేదంటే పేలే ప్రమాదం?

ఈ రెండు స్మార్ట్ ఫోన్‌లు స్నాప్‌డ్రాగన్ 8 ఎలైట్ (గెలాక్సీ వేరియంట్) ద్వారా రూపొందించారు. ఈ ఫోన్లు అద్భుతమైన పనితీరు మెరుగుదలలను అందిస్తుంది. 3nm ప్రాసెసర్‌పై నిర్మించబడిన చిప్‌సెట్ 45% పనితీరును, 44% మెరుగైన శక్తి సామర్థ్యాన్ని అందిస్తుంది. ఈ ఫోన్లు AI ఫంక్షన్లను మెరుగుపరుస్తాయి. వేగవంతమైన ప్రతిస్పందన సమయాలు, మెరుగైన కనెక్టివిటీని అనుమతిస్తాయి. శాంసంగ్ అధికారిక వెబ్‌సైట్‌లో ఈ రెండు మోడళ్లకు ముందస్తు రిజిస్ట్రేషన్ ఓపెన్ చేశారు.