అమెరికా అధ్యక్ష ఎన్నికల్లో రిపబ్లికన్ పార్టీ అభ్యర్థి, మాజీ అధ్యక్షుడు డొనాల్డ్ ట్రంప్ విజయం సాధించారు. జనవరిలో ప్రమాణ స్వీకారం చేయడానికి ముందు, ఆయన అనేక ముఖ్యమైన నియామకాలను కూడా ప్రకటించారు. ఇందులో బిలియనీర్ ఎలాన్ మస్క్‌కు ప్రభుత్వ సమర్థత విభాగం (DOGE) బాధ్యతలు అప్పగించారు. మస్క్ ఎన్నికల్లో ట్రంప్‌కు బహిరంగంగా మద్దతు ఇవ్వడంతోపాటు భారీగా డబ్బు కూడా ఖర్చు చేసిన విషయం తెలిసిందే. ఇప్పుడు కొత్త ప్రభుత్వంలో మస్క్ అనేక కొత్త పనులను ప్రారంభించగలదని నమ్ముతున్నారు. ఇందులో అతి ముఖ్యమైనది తన సంస్థ స్పేస్ ఎక్స్ ద్వారా ప్రయాణ మార్గాన్ని సులభం చేయడం, తక్కువ సమయంలో ఎక్కువ దూరం ప్రయాణించడం వంటి ఓ ప్రాజెక్ట్ కూడా ఉంది. ఇది విజయవంతమైతే ప్రపంచంలోని ఏ ప్రధాన నగరానికైనా గంటలోపే చేరుకోవచ్చు. ఢిల్లీ నుంచి కేవలం అరగంటలో అమెరికా చేరుకోవచ్చు. స్టెయిన్‌లెస్ స్టీల్‌తో తయారు చేసిన స్పేస్‌ఎక్స్ స్టార్‌షిప్ సహాయంతో ప్రయాణీకులు క్షణాల్లో ఒక ప్రదేశం నుంచి మరొక ప్రదేశానికి చేరుకోగలుగుతారు. ఈ వ్యోమనౌక దాదాపు 395 అడుగుల పొడవు ఉంటుంది. అధిక వేగంతో నడుస్తుంది. వివేక్ రామస్వామితో కలిసి డీఓజీఈకి నాయకత్వం వహించబోతున్నారు మస్క్. తన స్టార్‌షిప్ రాకెట్‌తో భూమిపై ఓ ప్రదేశం నుంచి మరో ప్రదేశానికి అంతరిక్ష ప్రయాణాన్ని పరిచయం చేయనున్నారు.
READ MORE: Cyber Crime: ఢిల్లీ రిటైర్డ్ ఇంజనీర్‌ డిజిటల్‌ అరెస్ట్‌.. రూ.10 కోట్లు కొల్లగొట్టిన స్కామర్లు
డైలీ మెయిల్ నివేదిక ప్రకారం.. స్పేస్ ఎక్స్ దాదాపు ఒక దశాబ్దం క్రితం ఈ ప్రణాళికను రూపొందించింది. ఈ వాహకం వెయ్యి మంది ప్రయాణికులకు సీటింగ్ కలిగి ఉంటుంది. భూమిపై అత్యంత శక్తివంతమైన రాకెట్ లాగా ఉంటుంది. ఇది అంతరిక్షం ద్వారా భూమిపై ఒక ప్రదేశం నుంచి మరొక ప్రదేశానికి వెళుతుంది. అలెక్స్ అనే వినియోగదారు ఈ ప్రాజెక్ట్‌కి సంబంధించి ఎక్స్‌లో ఒక వీడియోను కూడా పోస్ట్ చేశారు. ఈ ప్రాజెక్ట్ ఎలా పని చేస్తుందో వీడియోలో చూయించారు. ముందుగా రాకెట్ టేకాఫ్ అయిన తర్వాత అంతరిక్షం ద్వారా భూమికి చేరుకుంటుంది. భూమిపై ఏ ప్రదేశానికైనా గంటలోపే చేరుకోవచ్చు. ట్రంప్ యొక్క ఎఫ్‌ఏఏ కింద.. స్పేస్ ఎక్స్ కొన్ని సంవత్సరాలలో స్టార్‌షిప్ ఎర్త్-టు-ఎర్త్‌ను కూడా ఆమోదించగలదని అలెక్స్ పోస్ట్ లో పేర్కొన్నారు.
READ MORE:Rahul Gandhi: రాహుల్ గాంధీ హెలికాప్టర్ టేకాఫ్ ఆలస్యం.. ‘‘కుట్ర’’ అంటున్న కాంగ్రెస్..
Under Trump's FAA, @SpaceX could even get Starship Earth to Earth approved in a few years — Taking people from any city to any other city on Earth in under one hour. pic.twitter.com/vgYAzg8oaB
— ALEX (@ajtourville) November 6, 2024