iQOO Neo 11 Pro Series: ఐక్యూ (iQOO) Neo సిరీస్లో కొత్త స్మార్ట్ఫోన్లను తీసుకరాబోతుంది. ఇప్పటికే 2025 అక్టోబర్లో చైనాలో iQOO Neo 11 విడుదల కాగా.., ఇప్పుడు కంపెనీ Neo 11 Pro, Neo 11 Pro+ మోడళ్లపై పని చేస్తోందని సమాచారం. అయితే ఈ వివరాలను కంపెనీ అధికారికంగా ఇంకా ధృవీకరించలేదు. ఈ ఫోన్లలో 6.83 అంగుళాల 2K LTPS ఫ్లాట్ డిస్ప్లే ఉండే అవకాశముంది. అంతేకాకుండా, హై రిఫ్రెష్ రేట్ కూడా అందించవచ్చు. ఈ ధరలో 2K డిస్ప్లే ఇవ్వడం ఈ ఫోన్లకు ప్రధాన ఆకర్షణగా మారనుంది.
YS Jagan: జగన్ 2.0లో మహిళలకు, కార్యకర్తలకు పెద్దపీట.. నేతలతో జగన్ భేటీ..!
లీక్ ప్రకారం, ఈ ఫోన్లలో 8000mAh లేదా అంతకంటే ఎక్కువ సామర్థ్యం కలిగిన సిలికాన్ బ్యాటరీలు ఉండే అవకాశముంది. ఇది స్టాండర్డ్ Neo 11లో ఉన్న 7500mAh బ్యాటరీ కంటే మెరుగైనది. డిజైన్ విషయానికి వస్తే ఈ ఫోన్స్ మెటల్ ఫ్రేమ్, 3D అల్ట్రాసోనిక్ ఫింగర్ప్రింట్ సెన్సార్ లాంటివి ఉండే అవకాశముంది, ఇవి ఫోన్లకు ప్రీమియం ఫీల్ ఇవ్వనున్నాయి. Neo 11 Pro మొబైల్ Snapdragon 8 Elite, Neo 11 Pro+ మోడల్ లో MediaTek Dimensity 9500 చిప్సెట్స్ వచ్చే అవకాశముంది. తాజా రిపోర్టుల ప్రకారం, iQOO సంస్థ 2026లో ఇండియాలో Neo సిరీస్ ఫోన్లను లాంచ్ చేయకపోవచ్చు. పెరుగుతున్న ఖర్చులు, మార్కెట్లో ప్రత్యేకత కోసం ఈ నిర్ణయం తీసుకునే అవకాశం ఉందని తెలుస్తోంది.
Youth: ఒక రోజు ఆలస్యంగా థియేటర్స్లో ‘యూత్’ సందడి!
