Budget Smartphones: కేవలం రూ.10000 లోపు బెస్ట్ బడ్జెట్ స్మార్ట్ ఫోన్స్ ఇవే..
Budget Smartphones: 2026 నాటికి భారత మొబైల్ మార్కెట్ గణనీయంగా మార్పు చెందింది. గతంలో 5G సేవలు కేవలం ఖరీదైన ఫోన్లకే పరిమితం కాగా.. ఇప్పుడు రూ. 10,000 లోపు ధరలోనే అత్యుత్తమ ఫీచర్లతో కూడిన 5G ఫోన్లు అందుబాటులోకి వచ్చాయి. వేగవంతమైన ఇంటర్నెట్, మెరుగైన ప్రాసెసర్లు, నాణ్యమైన కెమెరాలతో ఈ బడ్జెట్ ఫోన్లు సామాన్యులకు సైతం అత్యాధునిక సాంకేతికతను చేరువ చేస్తున్నాయి. ప్రస్తుత 2026 టెక్నాలజీ కాలంలో బడ్జెట్ ధరలో 5G స్మార్ట్ఫోన్లను కొనుగోలు చేయాలనుకునే వారు ఎందరో.. అలాంటి వారి కోసం రూ. 10,000 లోపు లభిస్తున్న బెస్ట్ మొబైల్స్ వివరాలను ఇక్కడ చూద్దాం.
Cooking Oil Prices: సామాన్య ప్రజలకు గుడ్న్యూస్.. తగ్గనున్న వంట నూనె ధరలు
శామ్సంగ్ గెలాక్సీ M16 5G (Samsung Galaxy M16 5G)
తక్కువ ధరలో నమ్మకమైన బ్రాండ్, నాణ్యత కోరుకునే వారికి ఇది సరైన ఎంపిక. ఇందులో డిస్ప్లే 6.5-అంగుళాల FHD+ LCD స్క్రీన్, 90Hz రిఫ్రెష్ రేట్తో వస్తుంది. ఇక ప్రాసెసర్ ఎక్సినోస్ 1330 చిప్సెట్ మెరుగైన పనితీరును అందిస్తుంది. వెనుకవైపు 50MP ప్రధాన కెమెరా, 13MP సెల్ఫీ కెమెరాలు ఉన్నాయి. అలాగే ఇది 6000mAh భారీ బ్యాటరీతో పాటు 25W ఫాస్ట్ ఛార్జింగ్కు మద్దతు ఇస్తుంది.
రెడ్మి 14 5G (Redmi 14 5G)
షావోమీ నుంచి వచ్చిన ఈ బడ్జెట్ ఫోన్ డిజైన్, పెర్ఫార్మెన్స్ పరంగా సూపర్. ఇందులో డిస్ప్లే 6.7 అంగుళాల పెద్ద డిస్ప్లే ఉంది. ఇది గేమింగ్, వీడియోలకు బాగుంటుంది. దీనికి స్నాప్డ్రాగన్ 4 Gen 3 ప్రాసెసర్ ఉండటం వల్ల మల్టీ-టాస్కింగ్ సులభమవుతుంది. అలాగే ఇది 50MP డ్యూయల్ రియర్ కెమెరా సెటప్, క్లియర్ సెల్ఫీ కెమెరా ఉన్నాయి.
మోటోరోలా మోటో G25 5G (Motorola Moto G25 5G):
క్లీన్ ఆండ్రాయిడ్ అనుభవం కావాలనుకునే వారికి మోటోరోలా బెస్ట్ ఛాయిస్. ఇందులో 6.6 అంగుళాల డిస్ప్లేతో పాటు స్టీరియో స్పీకర్ల సదుపాయం ఉంది. ఇంకా ఇందులో 50MP క్వాడ్ పిక్సెల్ కెమెరా టెక్నాలజీతో తక్కువ వెలుతురులోనూ మంచి ఫోటోలు తీయవచ్చు. ఇది వాటర్ రిపెల్లెంట్ డిజైన్తో వస్తుంది, ఇది చిన్నపాటి నీటి తుంపర్ల నుండి రక్షణ ఇస్తుంది.
రియల్మి C67 5G (Realme C67 5G):
స్టైలిష్ లుక్, వేగవంతమైన ఛార్జింగ్ కోరుకునే యువతకు ఈ ఫోన్ బాగా సరిపోతుంది. ఇది మీడియాటెక్ డైమెన్సిటీ 6100+ చిప్సెట్తో అద్భుతమైన 5G కనెక్టివిటీని కలిగి ఉంది. దీనికి వేగవంతమైన 33W సూపర్వూక్ ఛార్జింగ్ను అందిస్తోంది. ఇది చాలా సన్నగా (Slim), ఆకర్షణీయమైన రంగుల్లో అందుబాటులో ఉంది. ఇంకా ఇందులో 50MP AI కెమెరాతో వైవిధ్యమైన ఫోటోగ్రఫీ మోడ్స్ ఉన్నాయి.