వివాదంలో కోహ్లీ వన్‌8 కమ్యూన్ రెస్టారెంట్…

టీమిండియా సారథి విరాట్ కోహ్లీకి చెందిన వన్8 కమ్యూన్ రెస్టారెంట్ వివాదంలో చిక్కుకుంది. పూణెలోని రెస్టారెంట్‌‌పై ఎస్ వియ్ ఎగ్జిస్ట్ ఇండియా అనే ఎల్జీబీటీ క్యూఐఏ ప్లస్ కమ్యూనిటీ తీవ్ర ఆరోపణలు చేసింది.ఈ రెస్టారెంట్‌లోకి గే, లెస్బియన్, ట్రాన్స్‌ కమ్యూనిటీ వారిని అనుమతించడం లేదని ఆరోపించింది. అంతేకాదు, కోహ్లీకి చెందిన ఇతర రెస్టారెంట్లు కూడా ఇదే విధానాన్ని అనుసరిస్తున్నాయని దుమ్మెత్తి పోసింది. ఈ ఆరోపణలపై ‘వన్8 కమ్యూన్’ వర్గాలు స్పందించాయి. తమ రెస్టారెంట్లలో ఎలాంటి లింగ వివక్షకు తావులేదని స్పష్టం చేశాయి. అయితే కొంత మందిని మహిళల రక్షణ కోసం మాత్రమే అనుమతించడం లేదు అని పేర్కొంది. ఇక ఇదే విషయాన్ని కోహ్లీని ట్యాగ్ చేస్తూ ట్విట్టర్ లో పోస్ట్ చేసింది. చూడాలి మరి దీని పై కోహ్లీ ఏ విధంగా స్పందిస్తారు అనేది.