Pakistan Super 8: టీమిండియా సాయం.. పాకిస్తాన్ సూపర్-8 అవకాశాలు మెరుగు!

T20 World Cup 2024 Pakistan Super 8 Chances: టీ20 ప్రపంచకప్‌ 2024 సూపర్-8 రేసు రసవత్తరంగా మారింది. ఇప్పటివరకు నాలుగు గ్రూప్‌లలో ఒక్కో టీమ్ మాత్రమే సూపర్-8 అర్హత సాధించింది. పసికూనల దెబ్బకు కొన్ని టాప్ టీమ్స్ ఇంటిదారి పడుతున్నాయి. ఇప్పటికే శ్రీలంక, న్యూజీలాండ్, ఇంగ్లండ్ లాంటి టీమ్స్ సూపర్-8 చేరకుండానే మిశ్రమించనున్నాయి. పాకిస్తాన్ కూడా గ్రూప్‌ నుంచే ఇంటిదారి పట్టే పరిస్థితిలో ఉంది. అయితే తాజాగా అమెరికాపై భారత్ విజయం సాధించడంతో పాక్ సూపర్-8 అవకాశాలు కాస్త మెరుగైయ్యాయి. అంటే ఇక్కడ పరోక్షంగా పాకిస్తాన్‌కు భారత్ సాయం చేసిందన్న మాట.

హ్యాట్రిక్ విజయాలు సాధించిన భారత్.. గ్రూప్-ఏ నుంచి సూపర్-8కు క్వాలిఫై అయింది. మిగిలిన ఏకైక బెర్తు కోసం అమెరికా, పాకిస్థాన్ మధ్య తీవ్ర పోటీ నెలకొంది. ప్రస్తుతం మూడు మ్యాచ్‌లు ఆడిన అమెరికా.. రెండు విజయాలు సాధించి నాలుగు పాయింట్ల (+0.127 నెట్‌రన్‌రేట్)తో రెండో స్థానంలో ఉంది. పాకిస్థాన్ మూడు మ్యాచ్‌లలో ఒకటి నెగ్గి.. రెండు పాయింట్ల (+0.191 నెట్‌రన్‌రేట్)తో మూడో స్థానంలో ఉంది. కెనడా, ఐర్లాండ్ జట్ల నెట్‌రన్‌రేట్ మైనస్‌లో ఉండడంతో రేసులో లేవు.

Also Read: Virat Kohli: ముందుండి అసలు పండగ.. కాస్త ఓపిగ్గా ఆడు విరాట్: సన్నీ

భారత్ చేతిలో ఓడిన అమెరికా నెట్‌రన్‌రేట్‌ను కూడా కోల్పోయింది. ప్రస్తుతం నెట్‌రన్‌రేట్‌ పరంగా యూఎస్ కంటే పాక్ మెరుగైన స్థితిలో ఉంది. దీంతో పాకిస్తాన్ అవకాశాలు మెరుగయ్యాయి. అయితే పాక్ సూపర్-8కు అర్హత సాధించాలంటే.. తమ చివరి మ్యాచ్‌లో ఐర్లాండ్‌పై తప్పక నెగ్గాలి. మరోవైపు ఐర్లాండ్ చేతిలో అమెరికా ఓడిపోవాలి. ఈ రెండు జరిగితేనే నెట్‌రన్‌రేట్‌తో సంబంధం లేకుండా పాక్ నేరుగా సూపర్ 8కు వస్తుంది. ఒకవేళ ఈ రెండు మ్యాచ్‌లలో వర్షం కామరణంగా ఏ ఒక్కటి రద్దయినా పాకిస్థాన్ ఇంటికి వెళ్లాల్సిందే. చూడాలి మరి పాక్ సూపర్-8 చేరుతుందో లేదో.