Female Fan Apologises To Hardik Pandya: టీమిండియా స్టార్ క్రికెటర్ హార్దిక్ పాండ్యా ఐపీఎల్ 2024లో పూర్తిగా విఫలమైన విషయం తెలిసిందే. బ్యాటింగ్, బౌలింగ్‌లో మాత్రమే కాకుండా.. కెప్టెన్‌గా కూడా తేలిపోయాడు. దాంతో హార్దిక్‌పై ముంబై ఇండియన్స్ అభిమానులు దారుణంగా ట్రోలింగ్‌ చేశారు. ముఖ్యంగా కెప్టెన్సీ విషయంలో తీవ్ర విమర్శలు గుప్పించారు. టీ20 ప్రపంచకప్‌ 2024 ట్రోఫీని భారత్ గెలవడంతో హార్దిక్ కీలక పాత్ర పోషించాడు. ఆల్‌రౌండ్‌ ప్రదర్శనతో ఆకట్టుకున్నాడు. ఫైనల్‌ ఓవర్‌లో 16 పరుగులను డిఫెండ్ చేసి.. భారత్‌కు 7 రన్స్‌ తేడాతో కప్‌ను అందించాడు. ప్రస్తుతం హార్దిక్‌పై ప్రశంసల వర్షం కురుస్తోంది. ఈ నేపథ్యంలో గతంలో ట్రోల్ చేసిన ఓ మహిళా అభిమాని హార్దిక్‌కు బహిరంగంగా క్షమాపణలు చెప్పారు.
Also Read: Kubera: ‘కుబేర’ నుంచి రష్మిక వీడియో వచ్చేసింది.. వామ్మో గొయ్యి తవ్వి మరీ..!
తాను చేసిన ట్రోలింగ్‌కు హార్దిక్ పాండ్యాను సారీ అడుగుతున్నా అంటూ సదరు మహిళా అభిమాని ఓ పోస్ట్ చేశారు. ‘ముందుగా నేను హార్దిక్ పాండ్యాకు క్షమాపణలు చెబుతున్నా. గతంలో నేను చేసిన ట్రోలింగ్‌కు సారీ అడుగుతున్నా. నేను ఎందుకు హార్దిక్‌ను ట్రోల్ చేశానో తెలియదు. మరోసారి సారీ చెబుతున్నా. టీ20 ప్రపంచకప్‌ 2024 ఫైనల్‌లో హార్దిక్ చివరి ఓవర్‌ చిరకాలం గుర్తుండిపోతుంది. మీ గురించి ఏమైనా తప్పుగా మాట్లాడి ఉంటే క్షమించండి’ అని మహిళా అభిమాని ఓ జాతీయ మీడియా లైవ్ ఇంటరాక్షన్ సందర్భంగా పేర్కొన్నారు. టీ20 ప్రపంచకప్‌లో హార్దిక్ 144 పరుగులు, 11 వికెట్లు తీశాడు.