Kane Williamson: కేన్ మామ గుడ్ బై!

Kane Williamson: న్యూజిలాండ్‌ క్రికెట్‌ దిగ్గజం కేన్‌ విలియమ్సన్‌ టీ20 ఫార్మాట్‌కు రిటైర్మెంట్‌ ప్రకటించాడు. టీ20 ప్రపంచకప్‌-2026 టోర్నీని దృష్టిలో పెట్టుకుని ఈ నిర్ణయం తీసుకున్నట్లు పేర్కొన్నాడు. నేను తీసుకున్న ఈ నిర్ణయం జట్టుకు ఎంతో ముఖ్యమైంది.. రిటైర్మెంట్‌ ప్రకటనకు ఇదే మంచి సమయం.. వచ్చే టీ20 ప్రపంచ కప్‌ కి జట్టును రెడీ చేసే విషయంలో వారికి ఇప్పుడు ఒక క్లారిటీ ఉంటుంది.. జట్టులో టీ20 ఆటగాళ్లకు కొదవలేదు.. వరల్డ్ కప్ టోర్నీకి వారిని ఇప్పటి నుంచి సిద్ధం చేసుకోవాలని సూచించారు. ఇక, మిచెల్‌ సాంట్నర్ అద్భుతమైన కెప్టెన్.. జట్టుకు నా వంత సహకారం ఎప్పుడూ ఉంటుందని కేన్‌ విలియమ్సన్‌ వెల్లడించాడు.

Read Also: UP: వీధిలో ఆడుకుంటున్న రెండేళ్ల బాలుడు.. తలపై నుంచి దూసుకెళ్లిన వ్యాన్ (వీడియో)

అయితే, వెస్టిండీస్‌తో స్వదేశంలో జరుగబోయే టీ20 సిరీస్‌కు ముందే కేన్ మామ ఈ నిర్ణయం తీసుకున్నాడు. దీంతో విండీస్‌తో వన్డే సిరీస్‌కు కూడా దూరమైయ్యాడు. ఇక, వెస్టిండీస్‌తో డిసెంబరులో జరుగబోయే 3 టెస్టులకు మాత్రం తాను అందుబాటులో ఉంటానని తెలియజేశాడు. విలియమ్సన్ టీ20లకు రిటైర్మెంట్‌ ఇవ్వడంపై న్యూజిలాండ్‌ క్రికెట్‌ చీఫ్‌ ఎగ్జిక్యూటివ్‌ స్కాట్‌ వీనింక్‌ రియాక్ట్ అయ్యారు. కేన్‌ కెరీర్‌ అద్భుతంగా కొనసాగింది.. అతను ఎలాంటి నిర్ణయం తీసుకున్నా దానికి తమ సపోర్టు ఉంటుందని వెల్లడించారు. ఏదేమైనా కేన్‌ చాలా ఏళ్లు క్రికెట్‌ ఆడాలని కోరుకుంటున్నాం.. కానీ, ఆటకు వీడ్కోలు పలికే విషయంలో అతడికి పూర్తి స్వేచ్ఛా ఉంటుందని చెప్పాడు. న్యూజిలాండ్‌ క్రికెట్‌ దిగ్గజంగా కేన్ చరిత్రలో నిలిచిపోతాడని ప్రశంసించాడు.

Read Also: Star Hero : హిట్ కోసం ఆపసోపాలు పడుతున్న స్టార్ హీరో.. రంగంలోకి సీనియర్ దర్శకులు

ఇక, మొట్టమొదటి వరల్డ్‌ టెస్టు ఛాంపియన్ షిప్‌లో కెప్టెన్‌ హోదాలో కేన్‌ విలియమ్సన్‌ న్యూజిలాండ్‌ను విజేతగా నిలిపాడు. ఆ తర్వాత టెస్టు, వన్డే, టీ20 జట్ల కెప్టెన్సీ వదులి పెట్టుకున్న కేన్‌ మామ.. కివీస్ క్రికెట్‌ సెంట్రల్‌ కాంట్రాక్డు నుంచి కూడా తప్పుకున్నాడు. కుటుంబానికి సమయం కేటాయించడంతో పాటు ఫ్రాంఛైజీ క్రికెట్‌ ఆడే క్రమంలో క్యాజువల్‌ కాంట్రాక్టు కుదుర్చుకోవడం ద్వారా తనకు కుదిరినప్పుడు దేశం తరఫున ఆడుతున్నాడు.

Read Also: Bhadradri Kothagudem: బీఆర్ఎస్ కార్యాలయాన్ని ధ్వంసం చేసిన కాంగ్రెస్ నేతలు.. కుర్చీలు, సామగ్రి దగ్ధం..

కాగా, న్యూజిలాండ్ జట్టు తరఫున ఎన్నో రికార్డులు సాధించిన కేన్‌ విలియమ్సన్.. అంతర్జాతీయ టీ20లలో 93 మ్యాచ్‌లు ఆడి.. 2575 రన్స్ సాధించాడు. ఇందులో 18 హాఫ్ సెంచరీలు ఉండగా.. 2021 టీ20 వరల్డ్ కప్ లో కివీస్‌ కెప్టెన్‌గా వ్యవహరించిన కేన్‌.. ఆస్ట్రేలియాతో ఫైనల్లో 85 రన్స్ చేశాడు. కానీ జట్టును మాత్రం గెలిపించలేకపోయాడు. 2016, 2022 టీ20 ప్రపంచకప్‌ల్లోనూ కేన్‌ న్యూజిలాండ్ జట్టుకు కెప్టెన్ గా వ్యవహారించాడు. అంతర్జాతీయ పొట్టి ఫార్మాట్లో క్రికెట్ లో కివీస్ తరఫున అత్యధిక పరుగులు చేసిన ప్లేయర్స్ జాబితాలో కేన్‌ మామ రెండో స్థానంలో ఉన్నాడు. ఇక, 2011లో న్యూజిలాండ్ తరఫున టీ20లలో కేన్ విలియమ్సన్ అరంగేట్రం చేశాడు.