Riyan Parag: తప్పంతా నాదే, మేం ప్లేఆఫ్స్కు అర్హులం కాదు.. రాజస్థాన్ కెప్టెన్ సంచలన వ్యాఖ్యలు!
- ఢిల్లీ క్యాపిటల్స్పై రాజస్థాన్ రాయల్స్ ఓటమి
- మేం ప్లేఆఫ్స్కు అర్హులం కాదు
- రాజస్థాన్ కెప్టెన్ సంచలన వ్యాఖ్యలు
- Follow Us :
-
-
Add as a preferred
source on google
Riyan Parag Blasts RR After Loss To DC: ఇండియన్ ప్రీమియర్ లీగ్ (ఐపీఎల్) 2026లో భాగంగా ఆదివారం ఢిల్లీ క్యాపిటల్స్ (డీసీ)తో జరిగిన మ్యాచ్లో రాజస్థాన్ రాయల్స్ (ఆర్ఆర్) 5 వికెట్ల తేడాతో ఓడిపోయింది. ఇప్పటివరకు ఆడిన 12 మ్యాచ్ల్లో రాజస్థాన్కు ఇది ఆరో ఓటమి. వరుసగా మూడో ఓటమితో ప్లేఆఫ్స్ అవకాశాలను ఆర్ఆర్ సంక్లిష్టం చేసుకుంది. వరుస పరాజయాలపై రాజస్థాన్ కెప్టెన్ రియాన్ పరాగ్ తీవ్ర అసంతృప్తి వ్యక్తం చేశాడు. జట్టు ఆటతీరు పూర్తిగా నిరాశపరిచిందని, ఇలాగే ఆడితే తాము ప్లేఆఫ్స్కు అర్హులం కాదంటూ సంచలన వ్యాఖ్యలు చేశాడు. బ్యాటింగ్, బౌలింగ్, ఫీల్డింగ్.. ప్రతి విభాగంలో విఫలమయ్యామని పరాగ్ అంగీకరించాడు.
ఢిల్లీ క్యాపిటల్స్తో మ్యాచ్ అనంతరం రియాన్ పరాగ్ మాట్లాడుతూ… ‘నిజం చెప్పాలంటే.. మేం అన్ని విభాగాల్లో విఫలమయ్యాం. 14 ఓవర్ల వరకు మంచి స్థితిలో ఉన్నాం. కానీ నేను ఔటైన తర్వాత మొమెంటమ్ మారిపోయింది. అవకాశాలను సరిగా వినియోగించుకోలేకపోయాం. మేము కనీసం 220-230 పరుగులు చేయాల్సింది. కానీ 193 పరుగులకే పరిమితం అయ్యాం. బౌలింగ్ యూనిట్ కూడా అంచనాలకు తగ్గట్టు ప్రదర్శన ఇవ్వలేకపోతోంది’ అని తెలిపాడు. డొనోవన్ ఫెరెయిరాకు బౌలింగ్ ఇవ్వడంపై వచ్చిన విమర్శలపై పరాగ్ స్పందించాడు. ‘టీవీలో చూస్తే అది గ్యాంబుల్లా అనిపించొచ్చు. కానీ క్రీజులో ఇద్దరు లెఫ్ట్ హ్యాండ్ బ్యాటర్లు ఉన్నారు. అందుకే డొనోవన్తో ట్రై చేద్దాం అనుకున్నా. శనకతో మరో ఓవర్ వేయించాలనుకోలేదు’ అని వివరించాడు.
Also Read
- IPL 2027: సన్రైజర్స్తో సీఎస్కే భారీ ట్రేడ్ డీల్.. లివింగ్స్టోన్తో పాటు మరో ఆల్రౌండర్ జట్టులోకి..?
- SRHకి నటరాజన్ రీఎంట్రీ.. రూ.10.75 కోట్ల నుంచి రూ.5 కోట్లకు తగ్గి మరీ..!
- Yuvraj Singh: సిక్సర్ల రాజు యువీ రీఎంట్రీ.. బ్యాటింగ్ కోచ్గా బాధ్యతలు!
- CSK కొత్త హెడ్ కోచ్గా మాజీ టీమిండియా పేసర్.. IPL 2027కు కీలక మార్పు
ఫీల్డింగ్పై పరాగ్ తీవ్ర అసహనం వ్యక్తం చేశాడు. ‘ట్రోఫీ గెలవాలంటే, ప్రతి ఏడాది టైటిల్ కోసం పోటీ పడాలంటే.. మేం ఈరోజు చేసిన దానికంటే ఎంతో మెరుగ్గా ఉండాలి. మా జట్టు సామర్థ్యం దీనికంటే చాలా ఎక్కువ. కానీ గత నాలుగు, ఐదు మ్యాచ్లలో మేం అసలు ఆ స్థాయిలో ఆడలేదు. జట్టు ఎనర్జీ, స్కిల్స్, ఎగ్జిక్యూషన్ ఏదీ సరైన స్థాయిలో లేదు. బ్రేక్ తర్వాత మైదానంలో చూపించిన ఆట అసలు సరిపోదు. ఇలాగే ఆడుతూ ఉంటే టాప్-4లో ఉండం’ అని స్పష్టం చేశాడు.
ప్లేఆఫ్స్ అవకాశాలపై కూడా రియాన్ పరాగ్ స్పందించాడు. ‘ఇప్పుడు మేం ఇతర జట్ల ఫలితాలపై ఆధారపడాల్సి వస్తోంది. నాకు అలాంటి పరిస్థితి నచ్చదు. ఇతర జట్లు ఓడిపోతే మేం అర్హత సాధిస్తామనే ఆలోచనతో నేను జట్టుతో మాట్లాడను. మాకు అవకాశాలు వచ్చాయి. కానీ వాటిని వినియోగించుకోలేకపోయాం. ఒకవేళ ప్లేఆఫ్స్కు చేరుకోలేకపోతే.. అది పూర్తిగా మా తప్పే’ అని పరాగ్ స్పష్టం చేశాడు. చివరగా మిగిలిన రెండు మ్యాచ్ల్లో మెరుగైన ఆటతో గెలవాలని ఆశిస్తున్నట్లు పరాగ్ తెలిపాడు.
తాజావార్తలు
-
CM Delhi Tour: ఢిల్లీ చేరుకున్న సీఎం రేవంత్ రెడ్డి.. ప్రధాని మోదీతో కీలక భేటీ..!
-
Virat Kohli: అప్పుడు 18, ఇప్పుడు 21.5.. విరాట్ కోహ్లీ కెరీర్లోనే చెత్త వన్డే సిరీస్!
-
Yash Thakur Duck out: ఒక్క పరుగు చేయకుండానే.. 16 ఏళ్ల తర్వాత ధోనీ, సచిన్, కోహ్లీల సరసన యశ్ ఠాకూర్..!
-
Huawei Mate X8: 8.15 ఇంచుల డిస్ప్లే, 16GB RAMతో కొత్త ఫోల్డబుల్ ఫోన్.. Huawei Mate X8 వచ్చేస్తోంది
-
Varanasi Target: ‘వారణాసి’ ముందు బిగ్ టార్గెట్.. మహేష్-రాజమౌళి ఈజీగా కొట్టేస్తారా?
ట్రెండింగ్
-
India Top ODI Captains: ధోనీ టాప్.. కోహ్లీ లాస్ట్..! టాప్ కెప్టెన్స్ వీరే అంటున్న టీమిండియా మాజీ ప్లేయర్..
-
Cameras on Vegetable Vendors: కూరగాయల మార్కెట్లో AI కలకలం.. వ్యాపారుల తలపై వింత గ్యాడ్జెట్లు.. అసలేం జరుగుతోంది?
-
Toyota Innova Hycross Facelift: E100 ఇథనాల్ టెక్నాలజీతో నవంబర్ 25న కొత్త ఇన్నోవా హైక్రాస్ లాంచ్..!
-
200MP+200MP కెమెరాలు, 100W ఫాస్ట్ ఛార్జింగ్, 1TB స్టోరేజ్ తో HONOR Magic9 Pro Max నవంబర్ 24న గ్లోబల్ లాంచ్..
-
200MP కెమెరా, 9000mAh బ్యాటరీలతో నవంబర్ 23న HONOR 700 సిరీస్ లాంచ్..!