India vs New Zealand T20: చివరి ఓవర్లో నరాలు తెగే ఉత్కంఠ.. న్యూజిలాండ్‌పై టీమిండియా థ్రిల్లింగ్ విక్టరీ!

India vs New Zealand T20: భారత్, న్యూజిలాండ్ జట్ల మధ్య సాగుతున్న ఐదు టీ20ల సిరీస్‌లో భాగంగా క్రైస్ట్‌చర్చ్‌లోని హ్యాగ్లీ ఓవల్ మైదానంలో జరిగిన రెండో పోరు అభిమానులకు అసలైన టీ20 మజాను పంచింది. ఆఖరి ఓవర్ వరకు ఊపిరి బిగబట్టి చూసేలా సాగిన ఈ రసవత్తర సమరంలో భారత జట్టు 4 వికెట్ల తేడాతో కివీస్‌పై ఘన విజయాన్ని అందుకుంది.

తొలుత బ్యాటింగ్ చేసిన న్యూజిలాండ్ జట్టు నిర్ణీత 20 ఓవర్లలో 5 వికెట్ల నష్టానికి 180 పరుగులు చేసింది. అనంతరం 181 పరుగుల భారీ టార్గెట్‌తో బరిలోకి దిగిన టీమిండియా పట్టువిడవకుండా పోరాడింది. మ్యాచ్ ఆఖరి ఓవర్ వరకు వెళ్లడంతో ఇరు జట్ల అభిమానుల్లో తీవ్ర ఉత్కంఠ నెలకొంది. అయితే ఒత్తిడిని సమర్థవంతంగా అధిగమించిన తిలక్ వర్మ, నితీష్ రెడ్డి, నమన్ ధీర్ అద్భుత ప్రదర్శనతో టీమిండియాను విజయతీరాలకు చేర్చారు. మరో బంతి మిగిలి ఉండగానే, అంటే 19.5 ఓవర్లలోనే 6 వికెట్లు కోల్పోయి 181 పరుగులు సాధించి లక్ష్యాన్ని ఛేదించింది.