Delhi Capitals Won The Toss And Chose To Bat: ఐపీఎల్ 2023 సీజన్‌లో భాగంగా సోమవారం సన్‌రైజర్స్ హైదరాబాద్, ఢిల్లీ క్యాపిటల్స్ జట్లు తలపడుతున్నాయి. ఈ ఐపీఎల్‌లో ఇది 34వ మ్యాచ్. ఈ మ్యాచ్‌లో భాగంగా.. ఢిల్లీ క్యాపిటల్స్ టాస్ గెలిచి, బ్యాటింగ్ ఎంపిక చేసుకుంది. హైదరాబాద్‌లోని రాజీవ్ గాంధీ ఇంటర్నేషనల్ స్టేడియం వేదికగా ఈ మ్యాచ్ జరుగుతుంది. ఈ సీజన్‌లో వరుస ఓటములతో డీసీ, ఎస్ఆర్‌హెచ్ జట్లు పాయింట్ల పట్టికలో చివరి స్థానంలో ఉన్నాయి. హైదరాబాద్ జట్టు ఇప్పటివరకూ ఆరు మ్యాచ్‌లు ఆడగా.. కేవలం రెండు విజయాలే నమోదు చేసింది. అటు.. ఢిల్లీ క్యాపిటల్స్ ఆరింటిలో ఒక్క మ్యాచ్‌లో మాత్రమే గెలుపొందింది. అది కూడా ఐదు వరుస పరాజయాల తర్వాత! ఆ గెలిచిన మ్యాచ్ కూడా.. అత్యంత తక్కువ స్కోరుతో నెగ్గింది. దీంతో.. ఈ మ్యాచ్ ఇరు జట్లకు అత్యంత కీలకంగా మారింది.
Operation Kaveri: ఆపరేషన్ కావేరి షురూ.. సుడాన్ పోర్టుకి తరలి వస్తున్న ఇండియన్స్
ఇంతకుముందు డేవిడ్ వార్నర్ ‘సన్‌రైజర్స్ హైదరాబాద్’ జట్టు తరఫున ఆడాడు. కానీ.. అతడు మునుపటిలా గొప్ప ప్రదర్శన కనబర్చడం లేదని హైదరాబాద్ యాజమాన్యం అతడ్ని రిలీజ్ చేసింది. ఇప్పుడు ఢిల్లీ తరఫున ఆడుతున్న అతగాడు.. తన జట్టుని గెలిపించుకొని, మాజీ జట్టుపై ప్రతీకారం తీర్చుకుంటాడా? లేదా? అన్నది ఆసక్తికరంగా మారింది. అయితే.. ఢిల్లీ బ్యాటింగ్ ఆర్డర్ ఈ సీజన్‌లో విఫలమవుతూనే ఉంది. వార్నర్ ఒక్కడే ఒంటరి పోరాటం కొనసాగిస్తాడు. ఈసారి సన్‌రైజర్స్‌పై గెలుపొందాలంటే.. ఢిల్లీ బ్యాటర్లందరూ బాగా రాణించాల్సి ఉంటుంది. ఇక ఎస్‌ఆర్‌హెచ్‌లో స్టార్ బ్యాటర్లు, మ్యాచ్‌ని మలుపు తిప్పే బౌలర్లు ఉన్నప్పటికీ.. ఎందుకో పెద్దగా సత్తా చాటలేకపోతున్నారు. ఆరింటిలో రెండే గెలిచారలంటే.. హైదరాబాద్ జట్టు ప్రదర్శన ఎంత పేలవంగా ఉందో అర్థం చేసుకోవచ్చు. మరి.. ఈ మ్యాచ్‌లో ఎలా రాణిస్తారో చూడాలి.
Water Metro: దేశంలోనే తొలి వాటర్ మెట్రో.. రేపే ప్రారంభం