OTR: సీనియర్ ఐఏఎస్ జయేష్ రంజన్ విఆర్ఎస్ నిర్ణయం వెనుక అసలు కథేంటి?
- వీఆర్ఎస్కు దరఖాస్తు చేసుకున్న జయేష్ రంజన్
- కేంద్ర సిబ్బంది శిక్షణ వ్యవహారాల శాఖ పరిశీలనలో అప్లికేషన్
- తెలంగాణ సీఎస్ పదవిపై ఆశలు పెట్టుకున్న జయేష్రంజన్
- సంజయ్ జాజుకు ఇచ్చాక వీఆర్ఎస్ నిర్ణయం తీసుకున్నారా?
- Follow Us :
-
-
Add as a preferred
source on google
OTR: ఆ సీనియర్ ఐఏఎస్ వీఆర్ఎస్కు దరఖాస్తు చేసుకున్నారా? తెలంగాణలో అత్యంత కీలకమైన పోస్ట్ ఆశించి భంగపడ్డారా? కోరుకున్న పోస్ట్ రాదని కన్ఫాన్ చేసుకున్నాకే… ముందస్తు పదవీ విరమణ నిర్ణయమా? లేక అంతకు మించిన వేరే కారణాలున్నాయా? ఇంతకీ ఎవరా ఐఎఎస్? ఆ వీఆర్ఎస్ కథా కమామీషు ఏంటి?. తెలంగాణ ప్రభుత్వంలో కీలక స్థానంలో ఉన్న సీనియర్ ఐఎఎస్ స్వచ్ఛంద పదవీ విరమణకు సిద్ధమయ్యారు. ఇంకా పది నెలల పదవీ కాలం మిగిలి ఉండగానే ఆయన ఈ నిర్ణయం తీసుకోవడం ప్రభుత్వ వర్గాల్లో చర్చనీయాంశమైంది.1992 బ్యాచ్కు చెందిన జయేష్ రంజన్ వీఆర్ఎస్ దరఖాస్తుపై కేంద్ర సిబ్బంది శిక్షణ వ్యవహారాల శాఖ పరిశీలించి నిర్ణయం తీసుకోవాల్సి ఉంది. రాష్ట్ర ప్రభుత్వంలో కీలక బాధ్యతల్లో ఉన్న జయేష్ అకస్మాత్తుగా వీఆర్ఎస్ నిర్ణయం తీసుకోవడం బ్యూరోక్రసీ వర్గాల్లో హాట్ టాపిక్గా మారింది.
మరోవైపు పాలనాపరమైన నిర్ణయాల్లో, ప్రాధాన్యతల్లో తన సీనియార్టీకి తగిన గుర్తింపు, గౌరవం దక్కడం లేదనే అసహనం ఆయనలో ఉన్నట్టు బయట, ప్రభుత్వ వర్గాల్లో కూడా ప్రచారం జరుగుతోంది. తెలంగాణ ప్రభుత్వ ప్రధాన కార్యదర్శి పోస్టు పై జయేష్ రంజన్ ఆశలు పెట్టుకున్నారట. అయితే రాష్ట్ర ప్రభుత్వం అనూహ్యంగా కేంద్ర సర్వీసుల్లో ఉన్న సంజయ్ జాజును ఇక్కడికి తీసుకువచ్చి… సీఎస్గా నియమించింది. ఉమ్మడి రాష్ట్రంగా ఉన్నప్పుడే… క్షేత్రస్థాయి నుంచి స్టేట్ లెవల్ వరకు వివిధ ముఖ్య శాఖల్లో పని చేశారు జయేష్. కడప, గుంటూరు, మెదక్ జిల్లాలకు కలెక్టర్గా పనిచేశారాయన. హైదరాబాద్ అర్బన్ డెవలప్మెంట్ అథారిటీ వైస్ చైర్మన్గా సుమారు మూడేళ్లు పట్టణాభివృద్ధి విభాగంలో కీలక బాధ్యతలు చేపట్టారు. ఆంధ్రప్రదేశ్ పర్యాటక అభివృద్ధి సంస్థ మేనేజింగ్ డైరెక్టర్గా, పర్యాటక-సాంస్కృతిక శాఖ కార్యదర్శిగా పనిచేశారు. ఉమ్మడి రాష్ట్రంలో ఆయన హయాంలో ఏపీ పర్యాటక రంగం జాతీయ స్థాయిలో అగ్రగామిగా నిలిచిందని చెప్పుకుంటారు.
Also Read
అంతేకాకుండా ఐటీడీఏ ప్రాజెక్ట్ ఆఫీసర్గా, గిరిజన సంక్షేమం, సహజ వనరుల నిర్వహణ, పేదరిక నిర్మూలన వంటి సామాజిక రంగాల్లో దాదాపు 12 ఏళ్లకు పైగా పని చేయడంతో పాటు పరిశ్రమల శాఖ కమిషనర్, ఎండీగానూ వ్యవహరించారు. 2014లో తెలంగాణ ఏర్పడిన తర్వాత రాష్ట్ర ఐటీ, పారిశ్రామిక రంగాల అభివృద్ధిలో జయేశ్ రంజన్ అత్యంత కీలక పాత్ర పోషించారు. పదేళ్ల పాటు సమాచార సాంకేతిక, పరిశ్రమలు, వాణిజ్య శాఖల ముఖ్య కార్యదర్శిగా, ప్రత్యేక ప్రధాన కార్యదర్శిగా సుదీర్ఘ సేవలందించారు. దేశంలోనే అతిపెద్ద స్టార్టప్ ఇంక్యుబేటర్ అయిన ‘టీ-హబ్’ ఏర్పాటుతో పాటు ఉన్నత ఐటీ విధానాల రూపకల్పనలో కీలక సూత్రధారిగా వ్యవహరించారు.
తెలంగాణ రాష్ట్ర పారిశ్రామిక మౌలిక సదుపాయాల సంస్థ, పారిశ్రామిక అభివృద్ధి సంస్థలలో మేనేజింగ్ డైరెక్టర్గానూ బాధ్యతలు నిర్వహించారు. ఈ ఏడాది ఏప్రిల్లో సీఎం కార్యాలయం పరిశ్రమలు, పెట్టుబడుల సెల్ ప్రత్యేక ప్రధాన కార్యదర్శిగా బాధ్యతలు చేపట్టిన జయేష్…ప్రభుత్వ ప్రాజెక్టులను వేగవంతం చేసే’SPEED’ (-Speed Proactive Efficient and Effective Delivery) సీఈఓగా వ్యవహరించారు. ప్రస్తుతం ఆయన తెలంగాణ ప్రభుత్వ మెట్రోపాలిటన్ ప్రాంత, పట్టణాభివృద్ధి శాఖ ప్రత్యేక ప్రధాన కార్యదర్శిగా బాధ్యతలు నిర్వహిస్తున్నారు. ఈ బాధ్యతలతో పాటు యూత్ అడ్వాన్స్మెంట్, పర్యాటక, సాంస్కృతిక, క్రీడల శాఖల అదనపు బాధ్యతలను కూడా చూస్తున్నారు. అయితే, వాస్తవానికి జయేశ్ రంజన్ సెప్టెంబర్ 30, 2027 పదవీ విరమణ చేయాల్సి ఉండగా.. ముందే ఆయన వీఆర్ఎస్కు దరఖాస్తు చేసుకోవడం ప్రభుత్వ వర్గాల్లో చర్చనీయాంశంగా మారింది. రాష్ట్ర ప్రభుత్వం తనకు తగిన ప్రాధాన్యం ఇవ్వడం లేదన్న అసంతృప్తితోనే ఆయన ముందే రిటైర్ అవ్వాలనుకుంటున్నారన్నది సెక్రటేరియెట్ ఇన్సైడ్ టాక్.
తాజావార్తలు
-
Vijaya Dairy Board Emergency Meeting: విజయ డైరీలో కీలక పరిణామం.. రేపటికి వాయిదా పడిన బోర్డు అత్యవసర సమావేశం!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
Lakshya Raichandani: ఆ ఐపీఎల్ టీమ్లో ఆడడమే నా టార్గెట్.. మనసులో మాట చెప్పేసిన అండర్-19 కెప్టెన్!
-
Cyclone Akwan: దూసుకొస్తున్న అక్వాన్ తుఫాన్.. అధికారులకు సీఎం చంద్రబాబు కీలక ఆదేశాలు..
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!
ట్రెండింగ్
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!