OTR: వైసీపీ కంచుకోటపై టీడీపీ కన్ను.. నెల్లూరులో అంతర్గత సర్వేలతో టీడీపీ మాస్టర్ ప్లాన్
- ఉమ్మడి నెల్లూరు జిల్లాపై తెలుగుదేశం పార్టీ ఫోకస్
- వాపు కాదు బలుపు అని నిరూపించాలనుకుంటున్న టీడీపీ ఉమ్మడి నెల్లూరు జిల్లాలో టీడీపీ అంతర్గత సర్వేలు రాష్ట్రంలో ఫ్యాన్ పార్టీ బలం పుంజుకుందని టీడీపీకి నివేదికలు..? వైసీపీలో బలంగా ఉన్నదెవరు..? వారి బలహీనతలేంటి..?
- Follow Us :
-
-
Add as a preferred
source on google
OTR: ఆ ఉమ్మడి జిల్లాలో అధికార తెలుగుదేశం పార్టీ సరికొత్త వ్యూహాలు రచిస్తోందట. ఒకప్పుడు ప్రతిపక్షానికి కంచుకోటగా ఉన్న ఆ జిల్లాను అసెంబ్లీ ఎన్నికల్లో స్వీప్ చేసినప్పటికీ… లోకల్ బాడీ ఎన్నికల్లోనూ అదే ఊపు కొనసాగించాలని ఫిక్స్ అయిందట టీడీపీ. అందుకే ప్రతిపక్షం బలంగా ఉన్న నియోజకవర్గాలను టార్గెట్ చేసి కొత్త ఎత్తులు వేస్తోందట. అంతర్గతంగా సర్వేలు కూడా చేయిస్తోందట. ఇంతకీ ఆ జిల్లా ఏది..? అక్కడ టీడీపీ వ్యూహాలేంటి..? ఆంధ్రప్రదేశ్లో కూటమి ప్రభుత్వం అప్పుడే రెండేళ్లు పూర్తి చేసుకుంది. చేసిన అభివృద్ధిని చూపిస్తూ ఓట్లు అడిగే సమయం దగ్గర పడుతోంది. రాబోయే స్థానిక సంస్థల ఎన్నికల్లో అన్ని స్థానాలలో గెలిచేందుకు తెలుగుదేశం పార్టీ ఇప్పటినుంచే స్కెచ్ వేస్తోంది. అందులో భాగంగానే ఉమ్మడి నెల్లూరు జిల్లాపై ప్రత్యేకంగా ఫోకస్ చేసిందట తెలుగుదేశం పార్టీ. సింహపురి అంటే ఒకప్పుడు వైసీపీకి కంచుకోట అనేది బలమైన నమ్మకం. ఆ నమ్మకాన్ని పక్కకుతోసి… ఆధిపత్యం తమదే అని నిరూపించేందుకు టీడీపీ వ్యూహాలకు పదును పెడుతోంది. తమది వాపు కాదు తగ్గిపోవడానికి.. బలుపే ఆని నిరూపించుకునేందుకు మాస్టర్ ప్లాన్ రెడీ చేస్తోందట. ఇటీవల కాలంలో అన్ని పార్టీల ఆఫీస్లలోనూ ఇదే చర్చ జరుగుతోందట.
కడప తర్వాత ఉమ్మడి నెల్లూరు జిల్లాలోనే ఫ్యాన్ పార్టీ బలంగా ఉందనేది గతంలో అనేక సందర్భాల్లో రుజువైంది. అయితే గత ఎన్నికలలో సైకిల్ జోరు ముందు ఫ్యాన్ జీరోకి వెళ్ళిపోయింది. ఆ జోరును లోకల్ బాడీ ఎన్నికలలో కూడా కంటిన్యూ చేసేందుకు సైకిల్ పార్టీ భారీ కసరత్తే చేస్తోందట. ఎక్కడ ఆధిపత్యం తగ్గకుండా.. ఇప్పటికీ ఎప్పటికీ నెల్లూరు మా అడ్డా అనేలా గ్రౌండ్ వర్క్ చేస్తోందన్న టాక్ ఇంటర్నల్గా వినిపిస్తోంది. టీడీపీకి చెందిన ఓ టీం జిల్లాలో ఇటీవల అంతర్గతంగా సర్వే నిర్వహించిందట. పార్టీ ఎక్కడ బలంగా ఉంది..? వన్ సైడ్గా ఓట్లు ఎక్కడ పడతాయి..? గాజు గ్లాస్ కథ ఏంది..? కమలం వికసించే స్థానాలు ఎన్ని..? అనే లెక్కలతోపాటు ఫ్యాను ఐదు మీద తిరిగే స్థానాలు ఎక్కడ అనే దానిపై సర్వే చేసిందట. అయితే… రాష్ట్రవ్యాప్తంగా గత ఆరు నెలల్లో కొన్ని ప్రాంతాలలో ఫ్యాన్ పార్టీ బలం పుంజుకుందన్న రిపోర్టులు అధిష్టానానికి చేరాయట. దీంతో నెల్లూరు జిల్లాలో పరిస్థితి ఏంటా అనేదానిపై టీడీపీ అధిష్టానం దృష్టి పెట్టిందని సమాచారం. ఆయా ప్రాంతాలలో ఫ్యాన్ పార్టీలో ఎవరు బలంగా ఉన్నారు..? వారి బలహీనతలు ఏంటి..? కేసులు ఏమైనా ఉన్నాయా..? వారు దేనికి బెండ్ అవుతారు అనే కోణంలో సర్వేలు చేస్తున్నారట. ఇదే సమయంలో గాజు గ్లాసు బలంతో పాటు.. కమలం ఉనికి ఏంటన్న దానిపై కూడా లోతుగా సర్వేలు చేయించారట.
Also Read
లోకల్ బాడీ ఎన్నికల్లో వన్ సైడెడ్గా గెలవాలనే లక్ష్యంతోనే ప్రత్యర్థి బలాలు, బలహీనతలను తెలుసుకునే పనిలో పడింది తెలుగుదేశం పార్టీ. మన బలం కంటే ఎదుటోడి బలహీనతలు తెలుసుకుంటేనే ఈజీగా విజయం సాధించువచ్చన్న ఫార్ములాను లోకల్ బాడీ ఎన్నికలలో ఉపయోగించబోతుందట. వైసీపీలో గెలిచి టీడీపీలోకి జంప్ అయిన కార్పొరేటర్లు కౌన్సిలర్లు, కార్పొరేటర్ల బలాలు… మళ్లీ వారినే బరిలోకి దింపితే విజయావకాశాలపై కూడా సర్వే చేయించారట. ఎన్నికలు సమీపిస్తున్న సమయంలోనే వైసీపీలో బలంగా ఉండేవారితో మాట్లాడటం.. వినకపోతే వారికి అర్థమయ్యేలా ఫ్యూచర్ చూపించాలనే కాన్సెప్ట్తో అధికార పార్టీ ఉందన్న చర్చ వైసీపీలోనూ జరుగుతోందట. అదే సమయంలో సొంత పార్టీలోని కోవర్టులను కూడా కనుక్కనే పనిలో ఉందట టీడీపీ. ఇంటర్నల్ విషయాలను వైసీపీకి చేరవేయకుండా… ముందస్తు జాగ్రత్తలు తీసుకునేందుకు ఈ సర్వే ఉపయోగపడుతుందన్న అభిప్రాయం తెలుగు తమ్ముళ్లలో వ్యక్తమవుతోంది. అందుకే నెల్లూరు జిల్లాలో కొద్దిరోజులుగా అంతర్గత సర్వేలు నిర్వహించి… వచ్చిన నివేదికల ఆధారంగా గేమ్ ప్లాన్ రెడీ చేయబోతుందట టీడీపీ.
- Tags
- Andhra Pradesh
- NTV Telugu
- OTR
- tdp
- YSRCP
తాజావార్తలు
-
Bhakthi TV Koti Deepotsavam Day 2 LIVE : తిరుచెందూరు శ్రీ సుబ్రహ్మణ్య స్వామి కల్యాణం
-
Shashank Srihari : రియల్ స్టార్ శ్రీహరి ఇంట పెళ్లి సందడి.. పెద్ద కుమారుడి నిశ్చితార్థం ఎప్పుడంటే.?
-
OTR: కేటీఆర్ సభ రద్దు వెనుక అసలు కారణమేంటి..? BRSలో హాట్ టాపిక్..
-
Aus Vs Eng: సెంచరీతో టామ్ బాంటన్ వీరవిహారం.. ఆస్ట్రేలియా గడ్డపై ఇంగ్లాండ్ అద్భుత విజయం..
-
Dhanashree Verma: చాహల్ మాజీ భార్య ధనశ్రీ హీరోయిన్గా టాలీవుడ్ ఎంట్రీ..
-
Kishan Reddy : డ్రగ్స్ రహిత భారత్ నిర్మాణమే ప్రధాని మోదీ లక్ష్యం
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!