Off The Record: అనంతపురం జిల్లాలో హాట్ హాట్ గా చెప్పు పాలిటిక్స్
- అనంతపురం జిల్లాలో హాట్ హాట్గా చెప్పుల పాలిటిక్స్..
- ఇద్దరు మాజీ ఎమ్మెల్యేల మనసుల్లో ఏముందన్న చర్చలు..
- ఎన్నికలకు ముందు పార్టీ మారిన కొందరు కేతిరెడ్డి అనుచరులు..
- వాళ్లని మళ్ళీ తీసుకొచ్చే ప్రయత్నం చేస్తే చెప్పుతో కొడతానన్న కేతిరెడ్డి..
- తాజాగా రాప్తాడు ఎమ్మెల్యే తోపుదుర్తి ఘాటు వ్యాఖ్యలు..
- సస్పెండ్ అయిన వాళ్లని వెంటేసుకుని తిరిగితే చెప్పుతో కొట్టాలన్న తోపుదుర్తి..
- ఎన్నికల తర్వాత రాప్తాడుకు చెందిన కొందరు వైసీపీ నేతలు సస్పెండ్..
- మాజీలు ఇద్దరూ ఎవర్ని ఉద్దేశించి అలా అన్నారంటూ చర్చలు..
- Follow Us :
-
-
Add as a preferred
source on google
Off The Record: పార్టీలో లబ్ది పొంది.. స్వార్థం కోసం ఇంకో చోటికి వెళ్లిపోయి మళ్లీ వస్తామంటే కుదరదు. అలాంటి వాళ్ళని చెప్పు తెగేలా కొడతా…… ఇదీ ఒక మాజీ ఎమ్మెల్యే ఇచ్చిన వార్నింగ్. పార్టీలో ఉంటూ నమ్మకం ద్రోహం చేసిన వారిని సస్పెండ్ చేశాం. అలాంటి వారిని వెంటేసుకుని తిరిగే నాయకులను దేంతోకొట్టాలి? వెంటాడి చెప్పు తిరిగేసి కొట్టాలి కదా….? ఇదీ ఇంకో మాజీ ఎమ్మెల్యే సీరియస్ వాయిస్. ఉమ్మడి అనంతపురం పాలిటిక్స్లో ఇప్పుడు ఇదే హాట్ టాపిక్. ఈ ఇద్దరు నాయకులు ఎవర్ని ఉద్దేశించి అలా అంటున్నారు? అసలు వాళ్ళ మనసుల్లో ఏముందంటూ రకరకాల చర్చలు నడుస్తున్నాయి. రాజకీయాల్లో ప్రస్తుతం ఉన్న పరిస్థితుల్లో పార్టీలు మారడాలు, తిరిగి రావడాలు కామన్ అయినా… ఇద్దరు నేతలు ఎందుకింత సీరియస్ అవుతున్నారు, పర్సనల్గా తీసుకుంటున్నారంటూ క్వశ్చన్మార్క్ ఫేస్లు పెట్టేవాళ్ళు అనంత పాలిటిక్స్లో పెరుగుతున్నారు. ఇక విషయానికి వస్తే…. కేతిరెడ్డి వెంకట్రామిరెడ్డి ధర్మవరం ఎమ్మెల్యేగా ఉన్నప్పుడు ఆయనతోపాటే అంటకాగి… ఆర్థికంగా బలపడి, రాజకీయంగా ఎదిగారట కొందరు.
Read Also: Mangoes: మామిడి తింటున్నారా.. హైదరాబాద్ లో విష మామిడి పళ్ళ తయారీ.. పైన నిగనిగ.. లోపల కాలకూట విషం..
Also Read
- OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
- OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
- OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
- OTR: యూనిఫాంలో ఉన్న క్రిమినల్ అంటూ నాగేశ్వరరావు సజ్జనార్పై ఫైర్.. అసలు కారణం ఏంటి?
కానీ… సరిగ్గా 2024 ఎన్నికల ముందు వాళ్ళు కేతిరెడ్డికి ఝలక్ ఇచ్చి పార్టీ మారిపోయారు. అది ఆయనకు బాగా హార్టింగ్గా అనిపించిందట. అందుకే… తమ స్వార్థం కోసం వెన్నుపోటు పొడిచి పార్టీ మారిన వారికి ఇకపై వైసీపీలోకి నో ఏంట్రీ బోర్డ్ పెట్టేశామని ప్రకటించారాయన. అలాంటి వాళ్ళు మళ్లీ రావాలని చూసినా.. వాళ్ళను తీసుకొచ్చేందుకు ఎవరైనా ప్రయత్నించినా….. నా ఇంటి గేటు ముందే చెప్పుతో కొడతానంటూ సీరియస్ కామెంట్ చేశారు మాజీ ఎమ్మెల్యే. అయితే…. అది పాత వ్యవహారం. తాజాగా సర్పంచుల సన్మాన సభలో రాప్తాడు మాజీ ఎమ్మెల్యే తోపుదుర్తి ప్రకాష్ రెడ్డి అంతకంటే ఘాటుగా కామెంట్స్ చేయడం కలకలం రేపుతోంది. గత ఎన్నికల్లో నాకు ద్రోహం చేసిన వారిని పార్టీ నుంచి సస్పెండ్ చేయించాం. ఇప్పుడు అలాంటి వారిని వెంటేసుకుని తిరుగుతున్న నాయకుల్ని దేంతో కొట్టాలి? తిప్పలాడించి.. చెప్పు తిరగేసి కొట్టాలి కదా…? అంటూ ఆయన మాట్లాడ్డం సంచలనం అయ్యింది. మేము ప్రాణాలను ఫణంగా పెట్టి పోరాటాలు చేస్తుంటే కొందరు అక్రమ ఆదాయాల కోసం అవతలివారిలో చీకటి ఒప్పందాలు చేసుకుంటున్నారంటూ ఆగ్రహం వ్యక్తం చేశారు తోపుదుర్తి.
గత ఎన్నికల్లో పార్టీకి వ్యతిరేకంగా పనిచేశారంటూ రాప్తాడు చెందిన వైసీపీ నాయకులు మహానందరెడ్డి, పూలకుంట శివారెడ్డి, బోయ నరేంద్ర, కుంటిమద్ద రమేష్, నసనకోట ముత్యాలును సస్పెండ్ చేశారు. కానీ… వాళ్ళంతా ఇప్పటికీ వైసీపీలోనే ఉన్నట్టు ఫీలవుతున్నారట. పైగా… ముఖ్య నాయకులు కొందరితో టచ్లో ఉంటూ ఇప్పటికీ కుట్రలు పన్నుతున్నారన్నది తోపుదుర్తి అభియోగం. ఆయన ఆ స్థాయిలో మాట్లాడ్డానికి కారణం కూడా అదేనట. అలాంటి వాళ్ళందర్నీ జిల్లా పార్టీలోని కొంతమంది నాయకులు ప్రోత్సహిస్తున్నారన్న కోపంతోనే రాప్తాడు మాజీ ఎమ్మెల్యే ఆ స్థాయిలో సీరియస్ అయినట్టు తెలిసింది. ఆయన అనడం ఓకేగానీ…. ఎవర్ని ఉద్దేశించి అలా మాట్లాడారంటూ జిల్లాలో హాట్ హాట్ డిస్కషన్స్ నడుస్తున్నాయి. ఆయన మనసులో ఎమున్నా, ఎవర్ని ఉద్దేశించినా…. గతంలో ధర్మవరం మాజీ ఎమ్మెల్యే, ఇప్పుడు రాప్తాడు మాజీ ఎమ్మెల్యే హాటు ఘాటుగా చెప్పుల మాటలు మాట్లాడ్డం మాత్రం సెగలు రేపుతోంది. ఇద్దరు మాట్లాడిన సందర్భాలు వేరైనా, ఉద్దేశ్యాలు ఏవైనా…. వ్యాఖ్యలు మాత్రం పొలిటికల్ పొగలు పుట్టిస్తున్నాయి.
తాజావార్తలు
-
OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
-
Nagula Chavithi: నాగుల చవితి వేళ అద్భుతం.. సుబ్రహ్మణ్యేశ్వర స్వామి ఆలయంలో ప్రత్యక్షమైన నాగసర్పం!
-
CM Revanth Reddy : పిల్లల భవిష్యత్తే లక్ష్యం.. సీఎం రేవంత్ కీలక సందేశం
-
OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
-
OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
ట్రెండింగ్
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!