Kannappa : కన్నప్ప.. ఆ నలుగురు ఎక్కడప్పా..?

Kannappa : కన్నప్ప తన డ్రీమ్ ప్రాజెక్ట్ అని మంచు విష్ణు అంటున్నాడు. దాన్ని ఎక్కువ మందికి చూపించడం కోసమే ప్రభాస్, మోహన్ లాల్, అక్షయ్ కుమార్, కాజల్ లను తీసుకున్నామని చెబుతున్నారు. సరే.. మంచు విష్ణు అడిగాడనో లేదంటే మోహన్ బాబు కోసమో ఆ నలుగురు ఈ మూవీలో నటించారు. ఇక్కడి దాకా బాగానే ఉంది. మరి ప్రమోషన్లకు ఎందుకు రావట్లేదు. ఒక మూవీని తీయడం ఒక ఎత్తు అయితే.. దాన్ని ప్రమోషన్లు చేసి జనాల్లోకి తీసుకెళ్లడం మరో ఎత్తు. ఈ నలుగురు ప్రమోషన్లు చేస్తే మూవీ హైప్ ఎక్కడికో వెళ్లిపోయేది. ఇప్పటి వరకు విష్ణు, మోహన్ బాబు మాత్రమే ప్రమోషన్లు చేసుకుంటున్నారు. కానీ ఈ నలుగురు మాత్రం సైలెంట్ గా ఉంటున్నారు.

Read Also : Ameerkhan : మణిరత్నంతో మూవీ చేస్తా..

అసలు సినిమాతో వాళ్లకు సంబంధమే లేదన్నట్టు ఒక్క పోస్టు కూడా పెట్టట్లేదు. సినిమాలో సాధారణ పాత్ర చేసిన వారు కూడా ఏదో ఒక ఈవెంట్ కు అయినా వస్తారు. వీరు ముగ్గురూ కీలక పాత్రలు చేసినా ఒక్క ఈవెంట్ కు రాలేదు. ఇదే ఇప్పుడు హాట్ టాపిక్. నిన్న జరిగిన ప్రీ రిలీజ్ ఈవెంట్ కు ప్రభాస్ వస్తాడని ఆశించినా అది జరగలేదు. మూవీకి ప్రీ రిలీజ్ కంటే పెద్ద ఈవెంట్ ఇంకొకటి ఉండదు. మరి దానికే ఈ ముగ్గురిలో ఒక్కరు కూడా రాలేదంటే.. ఇక ముందు వస్తారన్న గ్యారెంటీ అసలే లేదు.

కన్నప్పపై అంతో ఇంతో బజ్ ఏర్పడిందే ఈ నలుగురి వల్ల. ఈ నలుగురు వచ్చి కన్నప్పను చూడాలని చెబితే వారి ఫ్యాన్స్ కచ్చితంగా చూసేస్తారు. దాని వల్ల ఓపెనింగ్ బాగా వచ్చే ఛాన్స్ ఉండేది. కానీ ఏం లాభం.. ఇప్పుడు ఏ దిక్కులేదు. ప్రభాస్ వరుస సినిమాలతో ఫుల్ బిజీగా ఉంటున్నాడు. రాజాసాబ్, ఫౌజీ పనులతో పాటు స్పిరిట్ మూవీని కూడా స్టార్ట్ చేస్తున్నాడు. ఏ మాత్రం గ్యాప్ దొరకట్లేదు. కాబట్టి రెబల్ వస్తాడనే నమ్మకం లేదు. అటు అక్షయ్ కుమార్ ఇక్కడికి వచ్చి ప్రమోట్ చేయలేదు.

మోహన్ లాల్ తన సినిమా పనుల్లో బిజీ.. బిజీ. అటు కాజల్ అయితే ముంబై వదిలి రావట్లేదు. ఈ నలుగురు రాకపోవడానికి మరో కారణం ఉందనేది మరో ప్రచారం. కన్నప్ప లాంటి సినిమాలో నటించడం వల్ల జరిగే మేలు కంటే నష్టమే ఎక్కువ అంటున్నారంట వారి ఫ్యాన్స్. ఈ సినిమాలో తమ పాత్రల పట్ల కొంత అసంతృప్తిగానే ఉన్నారంట ఈ నలుగురు. ఆ కారణాలతోనే మూవీని ఎక్కువగా ప్రమోట్ చేస్తే చివరకు తమకే ఇబ్బందులు తప్పవని భావిస్తున్నారంటూ ప్రచారం జరుగుతోంది.

ఆ కారణాలతోనే మూవీని వారు భుజాన వేసుకోవట్లేదని సమాచారం. ప్రమోషన్లు చేశాక మూవీ రిజల్ట్ ఏ మాత్రం తేడా కొట్టినా ఆ ఎఫెక్ట్ తమ మీదకే వస్తుందనేది వారి ఆలోచన. అందుకే కన్నప్పలో మోహన్ బాబు మాట కాదనలేక నటించినా.. ప్రమోషన్లకు మాత్రం ఏదో ఒక సాకు చూపించి దూరంగానే ఉంటున్నారనేది సోషల్ మీడియాలో వినిపిస్తున్న మాట.

Read Also : Thuglife : థగ్ లైఫ్ 3రోజుల కలెక్షన్స్ ఎంతంటే..?