ఉద్యోగాల భర్తీపై కేటీఆర్ వ్యాఖ్యలు సిగ్గుచేటు : షర్మిల

నిజామాబాద్ జిల్లా లో వైయస్ఆర్ తెలంగాణ పార్టీ అధ్యక్షురా లు వైయస్ షర్మిల నేడు పర్యటించారు. ఈ సందర్భంగా వైఎస్‌ షర్మిల మాట్లాడుతూ… వైయస్సార్ వల్ల 2006 సంవత్సరంలో నిజామాబాద్ బిడ్డల కోసం యూనివర్సిటీ ప్రారంభమైందని… తెలంగాణ యూనివర్సిటీ సమస్యల యూనివర్సిటీ నిలయం గా మారిందని తెలిపారు.

తెలంగాణలోని అన్ని యూనివర్సిటీలకు కనీసం నిధులు ఇవ్వలేని దుస్థితి నెలకొందని…తెలంగాణ యూనివర్సిటీ వీసీ పోస్టు కోసం కేటీఆర్ కు 2 కోట్లు డబ్బులు చెల్లించినట్లు ఆరోపణ ఉందని పేర్కొన్నారు. కేటీఆర్ అసెంబ్లీ సాక్షిగా ప్రభుత్వ ఉద్యోగాలను 4, 5శాతం మాత్రం ఇవ్వగలమని అనడం సిగ్గుచేటని… తెలంగాణ ప్రజలను సోమరిపోతులు వ్యాఖ్యానించడం కేటీఆర్ కు ఎంత వరకు సబబు..? అని ఫైర్‌ అయ్యారు. హుజరాబాద్ లో ఫీల్డ్ అసిస్టెంట్లు నామినేషన్ వేయడం చూస్తే అడ్డుకొని అరెస్ట్ చేయడం కెసిఆర్ కు అవసరమా..? అని నిలదీశారు.