Suicide: ప్రేమించిన యువతి బంధువులు తన ఇంటిపై రాత్రి దాడి చేయడంతో ఓ యువకుడు ఆత్మహత్యకు పాల్పడిన ఘటన హైదరాబాద్లోని కూకట్పల్లి పోలీస్ స్టేషన్ పరిధిలోని మహంకాళి నగర్లో చోటుచేసుకుంది. మహంకాళి నగర్లో స్థానికంగా ఉన్న ఓ యువతితో మూడేళ్లుగా సునీల్ అనే డిగ్రీ విద్యార్థికి ప్రేమాయణం సాగుతోంది. ఈ విషయం యువతి బంధువులకు తెలిసింది. ఈ క్రమంలోనే “మా అమ్మాయి వెంట పడొద్దు” అని యువతి బంధువులు సోమవారం రాత్రి సునీల్ ఇంటిపై దాడి చేశారు. కాలనీ వాసుల అందరి ముందు అతనిపై దాడికి దిగారు. ఇంకోసారి మా అమ్మాయి జోలికి వస్తే చంపేస్తామంటూ బెదిరించినట్లు సమాచారం. ఈ నేపథ్యంలో దీనిని అవమానంగా భావించిన యువకుడు సునీల్ మంగళవారం ఉదయం ఇంట్లో ఉరేసుకొని ఆత్మహత్య చేసుకున్నాడు. పోలీసులు కేసు నమోదు చేసుకుని దర్యాప్తు చేస్తున్నారు.
Read Also: Brain Eating Amoeba: మరో ముగ్గురికి సోకిన మెదడును తినే అమీబా.. చెరువులో స్నానం చేయడానికి వెళ్లి..
