Viral News: రూ. 1000 తిరిగి ఇవ్వడం లేదని.. హోర్డింగ్ ఎక్కిన యువకుడు!
A man put up a hoarding in Nizamabad for not returning Rs 1000: సాధారణంగా అప్పుగా ఇచ్చిన డబ్బు లేదా చేబదులుగా ఇచ్చిన డబ్బును ఇవ్వకుంటే.. బ్రతిమిలాడుతారు లేదా బెదిరిస్తారు. ఎక్కువ మొత్తం అయితే పంచాయితీ కూడా పెడుతారు. అయితే ఓ యువకుడు కేవలం రూ. 1000 తిరిగి ఇవ్వడం లేదని పెద్ద సాహసమే చేశాడు. ఓ వ్యక్తి తనకు వెయ్యి రూపాలను తిరిగి ఇవ్వడం లేదని ఏకంగా భారి హోర్డింగ్ ఎక్కాడు. ఈ ఘటన తెలంగాణ రాష్ట్రంలోని నిజామాబాద్ జిల్లాలో చోటుచేసుకుంది.
వివరాల ప్రకారం… నిజామాబాద్ మూడో ఠాణా పరిధిలో రవీందర్ అనే వ్యక్తి నివాసం ఉంటున్నాడు. అతడు పెయింటింగ్ పనిచేసుకుంటూ జీవనం సాగిస్తున్నాడు. ఆదివారం రవీందర్ తన నివాసం దగ్గరలో రోడ్డు పక్కనే ఉన్న ఓ పెద్ద హోర్డింగ్ ఎక్కాడు. హోర్డింగ్పై కాలుమీద కాలేసుకుని పడుకున్నాడు. ఇది చూసిన జనాలు పోలీసులకు సమాచారం అందించారు. పోలీసులు వెంటనే అక్కడి చేరుకుని రవీందర్తో మాట్లాడారు.
Also Read: Bus Accident: బ్రిడ్జి పైనుంచి రైల్వే ట్రాక్పై పడిన బస్సు.. నలుగురు మృతి!
సీఐ కూడా ఘటనా స్థలానికి చేరుకుని సిబ్బంది సాయంతో రవీందర్ను హోర్డింగ్ పైనుంచి కిందకు దింపారు. హోర్డింగ్ ఎందుకు ఎక్కావని సీఐ అడగగా.. ఓ వ్యక్తి రూ. 1000 ఇవ్వాల్సి ఉందని, కానీ ఆ డబ్బు తిరిగి ఇవ్వడం లేదని చెప్పాడు. ఇది విన్న అక్కడున్నవారు ఒక్కసారిగా విస్తుబోయారు. సీఐ రవీందర్కి కౌన్సిలింగ్ ఇచ్చి.. ఇంటికి పంపించారు. రవీందర్ గతంలోనూ హోర్డింగ్ ఎక్కినట్లు స్థానికులు చెప్పారు. అతడు మద్యానికి బానిసైనట్లు కూడా తెలిపారు.