KL Rahul: కేఎల్ రాహుల్ కెప్టెన్ కాకపోవడం మంచిదే.. కీలక వ్యాఖ్యలు చేసిన మాజీ క్రికెటర్..

భారత మాజీ క్రికెటర్, పంజాబ్ కింగ్స్ బ్యాటింగ్ కోచ్ వసీం జాఫర్ టీమిండియా బ్యాటర్ కేఎల్ రాహుల్‌పై కీలక వ్యాఖ్యలు చేశారు. ఐపీఎల్‌లో పంజాబ్ కింగ్స్‌కు రాహుల్ సారథిగా, జాఫర్ బ్యాటింగ్ కోచ్‌గా పనిచేసిన సమయంలో ఇద్దరి మధ్య మంచి అనుబంధం ఏర్పడింది. ఇటీవల ఒక క్రికెట్ టాక్ షోలో మాట్లాడిన జాఫర్, కేఎల్ రాహుల్ నాయకత్వ బాధ్యతలు తీసుకోకపోవడమే అతని వ్యక్తిత్వానికి, ఆటతీరుకు ఎంతో మంచిదని అభిప్రాయపడ్డారు.

కప్టెన్సీ భారం లేకపోతే రాహుల్ తన సహజసిద్ధమైన గేమ్‌ను స్వేచ్ఛగా ఆడుతాడని, ఏటా ఐపీఎల్‌లో 500 నుంచి 600 రన్స్ చేసే సత్తా అతనికి ఉందనేది జాఫర్ అభిప్రాయం. రాహుల్ అత్యంత నమ్మకమైన ఆటగాడని, తన ఒంటిచేతి ప్రదర్శనతో సీజన్‌లో 2-3 మ్యాచ్‌లను గెలిపించగలడని ప్రశంసించారు. అయితే, అతని మనస్తత్వానికి కప్టెన్సీ అనేది ఒక అదనపు ఒత్తిడిని పెంచుతుందని, దానివల్ల అతని పూర్తి సామర్థ్యంతో ఆడలేకపోతున్నారని స్పష్టం చేశారు. పంజాబ్ కింగ్స్, లక్నో సూపర్‌జెయింట్స్ టీమ్ లను నడిపించిన రాహుల్, ఆ తర్వాత ఢిల్లీ క్యాపిటల్స్‌కు మారినప్పుడు కూడా కప్టెన్సీకి దూరంగా ఉండటమే శ్రేయస్కరమని భావించారు.

ప్రస్తుతం భారత్-శ్రీలంక మధ్య గాల్, కొలంబో వేదికలుగా జరగనున్న రెండు టెస్టుల సిరీస్‌లో కేఎల్ రాహుల్ పాత్ర అత్యంత కీలకం కానుంది. వరల్డ్ టెస్ట్ ఛాంపియన్‌షిప్‌లో భాగమైన ఈ సిరీస్‌లో అనుభవజ్ఞుడైన సీనియర్ బ్యాటర్‌గా జట్టు సమతుల్యతను నిలబెట్టే బాధ్యత అతనిపై ఉంది. ప్రాక్టీస్ మ్యాచ్‌లో మొదటి ఇన్నింగ్స్‌లో ఓపెనర్‌గా వచ్చి 40 పరుగులు చేసి మంచి లయ కనబరిచిన రాహుల్, కప్టెన్సీ ఒత్తిడి లేకుండా ఈ టెస్టు సిరీస్‌లో చెలరేగిపోతాడని అభిమానులు ఆశిస్తున్నారు.