రొమాంటిక్ థ్రిల్లర్ సినిమాలకు ఎప్పుడూ ఒక ప్రత్యేకమైన క్రేజ్ ఉంటుంది. సరిగ్గా అదే తరహా వైవిధ్యమైన కథాంశంతో యూత్ ఫుల్ ఎంటర్టైనర్గా త్వరలో ప్రేక్షకుల ముందుకు రావడానికి సిద్ధమవుతోంది “అదే నీవు అదే నేను” సినిమా. శ్రీ లక్ష్మి వీరభద్ర క్రియేషన్స్ బ్యానర్పై గోవిందు కాండ్రేగుల అత్యంత ప్రతిష్టాత్మకంగా నిర్మిస్తున్న ఈ చిత్రానికి కొండల్ దర్శకుడిగా పరిచయం అవుతున్నారు. తాజాగా ఈ సినిమా ప్రమోషన్లలో భాగంగా ‘మనసా మనసా’ అనే బ్యూటిఫుల్ సాంగ్ను టాలీవుడ్ స్టార్ డైరెక్టర్ వి.వి. వినాయక్ లాంఛనంగా విడుదల చేశారు.
సాంగ్ లాంచ్ చేసిన అనంతరం దర్శకుడు వి.వి. వినాయక్ చిత్ర యూనిట్కు ప్రత్యేకంగా అభినందనలు తెలియజేశారు. ఆయన మాట్లాడుతూ.. “దర్శకుడిగా కొండల్కు, నిర్మాతగా గోవింద్ గారికి ఇది మొదటి సినిమా. ఈ చిత్రం వీరికి మంచి పేరుతో పాటు నిర్మాతకు భారీ లాభాలు తీసుకురావాలి. ఇలాంటి సినిమాలు మరిన్ని చేయడానికి ప్రొడ్యూసర్ గారికి ఈ విజయం తోడ్పడాలి. ‘మనసా మనసా’ పాట చాలా బాగుంది, వినసొంపుగా ఉంది. టీమ్ మొత్తానికి నా ఆల్ ది బెస్ట్” అని ఆకాంక్షించారు. తమ చిత్రానికి సపోర్ట్ చేసినందుకు నిర్మాత, దర్శకులు వినాయక్ గారికి కృతజ్ఞతలు తెలిపారు. ఈ చిత్రంలో త్రినాథ్ వర్మ, యశ్వంత్ పెండ్యాల, తన్వి నేగి, సహర్ కృష్ణన్ ప్రధాన పాత్రల్లో నటిస్తుండగా.. కల్పలత, సునయన, బిత్తిరి సత్తి, మీర్, సూర్యతేజ తదితరులు కీలక పాత్రలు పోషిస్తున్నారు. అన్ని పనులు పూర్తి చేసుకుని త్వరలోనే ఈ రొమాంటిక్ థ్రిల్లర్ థియేటర్లలో గ్రాండ్గా రిలీజ్ కాబోతోంది.