ROKO: చరిత్ర స్పష్టించిన రోహిత్, విరాట్ కోహ్లీ.. ఇంకా ఎన్ని రికార్డులు అందుకుంటారో..
- Follow Us :
-
-
Add as a preferred
source on google
లార్డ్స్ మైదానంలో ఇంగ్లాండ్తో జరుగుతున్న మూడో వన్డే మ్యాచ్లో బరిలోకి దిగిన భారత స్టార్ బ్యాటర్లు విరాట్ కోహ్లీ, రోహిత్ శర్మ సరికొత్త చరిత్ర సృష్టించారు. అంతర్జాతీయ క్రికెట్లో ఒకే జట్టు తరఫున కలిసి 400 మ్యాచ్లు ఆడిన తొలి భారతీయ జోడీగా వీరు అరుదైన మైలురాయిని అందుకున్నారు. క్రికెట్ చరిత్రలో ఈ ఘనత సాధించిన ఆరో జంటగా కోహ్లీ, రోహిత్ రికార్డుకెక్కారు. ఇప్పటివరకు ఈ జాబితాలో శ్రీలంకకు చెందిన కుమార్ సంగక్కర, మహేల జయవర్ధనే జోడీ 550 మ్యాచ్లతో అగ్రస్థానంలో కొనసాగుతోంది. అలాగే తిలకరత్నే దిల్షాన్-జయవర్ధనే 426 మ్యాచ్లు, సంగక్కర-దిల్షాన్ 418 మ్యాచ్లు, సనత్ జయసూర్య-ముత్తయ్య మురళీధరన్ 408 మ్యాచ్లు కలిసి ఆడారు. దక్షిణాఫ్రికాకు చెందిన జాక్ కాలిస్, మార్క్ బౌచర్ జోడీ 407 మ్యాచ్లతో ఐదో స్థానంలో ఉంది. ఇప్పుడు ఈ దిగ్గజాల క్లబ్లోకి రోహిత్, కోహ్లీ చేరారు. గతంలో భారత్ తరఫున సచిన్ టెండూల్కర్, రాహుల్ ద్రావిడ్ జోడీ కలిసి 391 మ్యాచ్లు ఆడింది.
భారత్ తరఫున అత్యధిక అంతర్జాతీయ మ్యాచ్లు ఆడిన ఆటగాళ్లలో సచిన్ టెండూల్కర్ 664 మ్యాచ్లతో అగ్రస్థానంలో ఉండగా, విరాట్ కోహ్లీ 562 మ్యాచ్లతో రెండో స్థానంలో, ఎమ్.ఎస్. ధోని 535 మ్యాచ్లతో మూడో స్థానంలో, రోహిత్ శర్మ 514 మ్యాచ్లతో నాలుగో స్థానంలో కొనసాగుతున్నారు. ఈ మ్యాచ్లో ఇంగ్లాండ్ జట్టు టాస్ గెలిచి మొదట బ్యాటింగ్ ఎంచుకోగా, భారత జట్టు మోకాలి గాయంతో బాధపడుతున్న స్టార్ పేసర్ జస్ప్రీత్ బుమ్రాతో పాటు శివమ్ దూబే, వాషింగ్టన్ సుందర్ల స్థానాల్లో మూడు మార్పులతో బరిలోకి దిగింది. ఇంగ్లాండ్ ఓపెనర్లు నిలకడగా ఆడుతూ 27 ఓవర్లలో వికెట్ నష్టపోకుండా 168 పరుగులు చేశారు.
Also Read
- TVK MLA V.S. Babu: ఎంకే స్టాలిన్ను ఓడించిన టీవీకే ఎమ్మెల్యే కన్నుమూత..
- Jairam Ramesh: నోట్లబందీ, ఓట్లబందీ ఒకే నాణేనికి రెండు వైపులు.. జైరాం రమేశ్ సంచలన వ్యాఖ్యలు..
- Uttam Kumar Reddy : జలవాటాలో ఒక్క చుక్కా వదులుకోం.. ఏపీ యత్నాలను అడ్డుకుంటాం
- Sonakshi Sinha: ‘‘రాజీవ్ ఒడిలో సోనియా’’.. రాహుల్ గాంధీకి సోనాక్షి సిన్హా మద్దతు!
ఈ సిరీస్ డిసైడర్ మ్యాచ్లో భారత్, ఇంగ్లాండ్ ఆటగాళ్లు చేతులకు నల్లటి పట్టీలు (బ్లాక్ ఆర్మ్బ్యాండ్స్) ధరించి మైదానంలోకి దిగడం విశేషం. వెస్టిండీస్ క్రికెట్ దిగ్గజం, ప్రపంచ క్రికెట్ చరిత్రలోనే అత్యుత్తమ ఆల్రౌండర్లలో ఒకరైన సర్ గార్ఫీల్డ్ సోబర్స్ కన్నుమూయడంతో ఆయనకు నివాళిగా ఇరు జట్ల ఆటగాళ్లు ఈ విధంగా నల్లటి పట్టీలు ధరించారు. ఈ మేరకు భారత జట్టు మేనేజ్మెంట్ సోషల్ మీడియా ద్వారా ప్రకటిస్తూ, శుక్రవారం కన్నుమూసిన దిగ్గజ క్రికెటర్ సర్ గార్ఫీల్డ్ సోబర్స్కు గౌరవ సూచకంగా టీమిండియా ఈ బ్లాక్ ఆర్మ్బ్యాండ్స్ ధరించిందని స్పష్టం చేసింది. ఒకవైపు కోహ్లీ, రోహిత్ చారిత్రాత్మక రికార్డు, మరోవైపు సోబర్స్ మృతికి క్రికెట్ ప్రపంచం నివాళులు అర్పించడంతో లార్డ్స్ వేదికగా జరుగుతున్న ఈ మూడో వన్డే మ్యాచ్ అత్యంత ప్రాధాన్యతను సంతరించుకుంది.
తాజావార్తలు
-
Saif Ali Khan Death Threat: సైఫ్ అలీఖాన్కు మరోసారి బెదిరింపులు!
-
TVK MLA V.S. Babu: ఎంకే స్టాలిన్ను ఓడించిన టీవీకే ఎమ్మెల్యే కన్నుమూత..
-
Jairam Ramesh: నోట్లబందీ, ఓట్లబందీ ఒకే నాణేనికి రెండు వైపులు.. జైరాం రమేశ్ సంచలన వ్యాఖ్యలు..
-
Uttam Kumar Reddy : జలవాటాలో ఒక్క చుక్కా వదులుకోం.. ఏపీ యత్నాలను అడ్డుకుంటాం
-
History of Weekdays: ఆదివారం తర్వాత సోమవారమే ఎందుకు వస్తుంది? ఈ 24 గంటల ఖగోళ లెక్క తెలిస్తే షాక్ అవుతారు!
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!