Pakistan Cricket Team: పాకిస్థాన్ ఆటగాళ్లకు స్నైపర్ ట్రైనింగ్.. వీడియో వైరల్
కాకుల్లోని ఆర్మీ స్కూల్ ఆఫ్ ఫిజికల్ ట్రైనింగ్ (ASPT)లో పాకిస్తానీ క్రికెటర్ల ఆర్మీ శిక్షణా కొనసాగుతుంది. శిక్షణా శిబిరంలో వారంతా కొండలపై రాళ్లను మోస్తూ కనిపించారు. మొత్తం 29 మంది ఆటగాళ్లు కఠినమైన ఫిట్నెస్ సాధించేదుకు కసరత్తులు చేస్తున్నారు. కొత్తగా నియమించబడిన పాకిస్తాన్ క్రికెట్ బోర్డ్ (PCB) ఛైర్మన్ మొహ్సిన్ నఖ్వీ జట్టు యొక్క ఫిట్నెస్ స్థాయిలలో గణనీయమైన మెరుగుదల.. స్థిరంగా బౌండరీలు కొట్టే వారి పవర్-హిటింగ్ సామర్థ్యాన్ని చూడాలని లక్ష్యంగా పెట్టుకున్నారు.
పాకిస్థాన్ ప్లేయర్లకు స్నైపర్ ట్రైనింగ్, అడ్వాన్స్ కాంబాట్ శిక్షణ కూడా ఇవ్వడం చర్చనీయాంశంగా మారింది. అందుకు సంబంధించిన వీడియోలు సోషల్ మీడియాలో వైరల్ అవుతున్నాయి. అందులో.. ఆటగాళ్ళు తమ శక్తిని మెరుగుపరచుకోవడానికి ఇతర వ్యాయామాలను ప్రదర్శించారు. కొండ ఎక్కేటప్పుడు తలపై రాళ్లను మోసుకెళ్లమని పాకిస్థాన్ జట్టును కోరింది. దీనికి సంబంధించిన వీడియో ఇంటర్నెట్లో వైరల్ అవుతుంది. ఇందులో నసీమ్ షా, మహ్మద్ రిజ్వాన్ మరియు ఇఫ్తికర్ అహ్మద్ వంటి ఆటగాళ్లు సాయుధ దళాల పర్యవేక్షణలో ప్రాక్టీస్ చేయడం చూడవచ్చు. అంతే కాకుండా.. ఒక వీడియోలో పాకిస్తాన్ ఆటగాళ్ళు స్నిపర్ షూటింగ్ చేస్తున్నట్లు చూడవచ్చు.
https://twitter.com/13hamdard/status/1776520436328640567
పాకిస్థాన్ క్రికెట్ ఆటగాళ్లు శిక్షణా శిబిరానికి సంబంధించిన వీడియోలపై రకరకాలుగా కామెంట్స్ చేస్తున్నారు. అంతేకాకుండా.. మీమ్స్ కూడా సోషల్ మీడియాలో వైరల్ అవుతున్నాయి. ఆర్మీ సిబ్బందితో ప్రాక్టీస్ చేయమని అడిగే విధానం, ఆటగాళ్లు గాయపడే ప్రమాదాన్ని పీసీబీ తీసుకుంటున్న తీరుపై ప్రశ్నలు తలెత్తుతున్నాయి. పాకిస్తాన్ జట్టులో గాయాలు కొత్తేమీ కాదు. ఈ శిక్షణా శిబిరం మార్చి 25న ప్రారంభమైంది. ఏప్రిల్ 8 వరకు రెండు వారాల పాటు కొనసాగుతుంది. పాకిస్థాన్ జట్టు ఇప్పటికే సైన్యంతో కలిసి పనిచేసింది. 2016లో కూడా.. పాకిస్తాన్ జట్టు ఇదే విధమైన రెండు వారాల శిక్షణను పొందింది. ఆ తర్వాత ఇంగ్లాండ్తో జరిగిన టెస్ట్ సిరీస్ను 2-2తో డ్రా చేసుకుంది.
మెన్ ఇన్ గ్రీన్ న్యూజిలాండ్తో ఐదు టీ20 మ్యాచ్లు ఆడనుంది. వారికి ద్వైపాక్షిక సిరీస్లో ఆతిథ్యం ఇవ్వాలి. ఆ తర్వాత ఇంగ్లాండ్తో మరో టీ20 ఆడాలి. జూన్లో జరిగే 2024 ప్రపంచకప్కు రెండు సిరీస్లు సన్నాహక దశగా ఉపయోగపడతాయి. ఇదిలా ఉంటే.. షహీన్ అఫ్రిదీని టీ20 కెప్టెన్సీ నుంచి పీసీబీ తొలగించిన తర్వాత బాబర్ ఆజం మళ్లీ కెప్టెన్గా బాధ్యతలు చేపట్టేందుకు సిద్ధంగా ఉన్నాడు.