Vijayawada SAAP Office: శాప్ కార్యాలయం వద్ద ఉద్రిక్తత.. వైసీపీ నేతలపై పోలీసుల లాఠీఛార్జ్!
- Follow Us :
-
-
Add as a preferred
source on google
Police Lathi-Charge YCP Leaders at Vijayawada SAAP Office: డీఎస్సీ స్పోర్ట్స్ కోటా నియామకాలపై ఆంధ్రప్రదేశ్లో కొనసాగుతున్న వివాదం.. సోమవారం విజయవాడలో మరింత ఉద్రిక్తతకు దారితీసింది. స్పోర్ట్స్ అథారిటీ ఆఫ్ ఆంధ్రప్రదేశ్ (శాప్) కార్యాలయం వద్ద వైసీపీ నేతలు, శ్రేణులు నిరసనకు దిగారు. ఈ క్రమంలో టీడీపీ, వైసీపీ కార్యకర్తల మధ్య వాగ్వాదం, తోపులాట చోటుచేసుకుంది. పరిస్థితిని అదుపులోకి తీసుకొచ్చేందుకు పోలీసులు రంగంలోకి దిగారు. ఈ క్రమంలో వైసీపీ నేతలపై పోలీసుల లాఠీఛార్జ్ చేశారు.
డీఎస్సీ స్పోర్ట్స్ కోటా నియామకాల్లో అవకతవకలు జరిగాయని ఆరోపిస్తున్న వైసీపీ.. ఈ వ్యవహారంపై సీబీఐ విచారణ జరిపించాలని డిమాండ్ చేస్తూ శాప్ కార్యాలయం వద్ద నిరసనకు పిలుపునిచ్చింది. ఈ క్రమంలో పలువురు వైసీపీ నేతలు, కార్యకర్తలు శాప్ కార్యాలయం వైపు వెళ్లేందుకు ప్రయత్నించారు. అయితే పోలీసులు మూడంచెల బారికేడ్లను ఏర్పాటు చేసి వారిని అడ్డుకున్నారు. బారికేడ్లను దాటుకుని శాప్ కార్యాలయం వైపు వెళ్లేందుకు వైసీపీ నేతలు ప్రయత్నించడంతో ఉద్రిక్త పరిస్థితి ఏర్పడింది. జోగి రమేష్, దేవినేని అవినాష్, మేరుగ నాగార్జున తదితర నేతలను పోలీసులు అడ్డుకున్నారు. అనంతరం వైసీపీ నేతలు, కార్యకర్తలు రోడ్డుపై బైఠాయించి నిరసన తెలిపారు.
Also Read
- Akvan Cyclone Alert: మళ్లీ ఉత్తరాంధ్ర తీరంవైపు అక్వాన్ తుఫాన్..! మరో 36 గంటలు అలర్ట్
- International Men's Day: "నువ్వు మగాడివి.. ఏడవకూడదు".. నవ్వుతూ కనిపించే ప్రతి పురుషుడి వెనుక ఓ కన్నీటి గాథ..
- Gold and Silver Prices: కొనాలనుకునేవారికి గుడ్ న్యూస్.. మరోసారి భారీగా బంగారం, వెండి ధరల పతనం..
- PM Modi: మాజీ ప్రధాని ఇందిరా గాంధీని స్మరించుకున్న ప్రధాన మంత్రి మోడీ..
ఇదే సమయంలో శాప్ కార్యాలయం నుంచి కొందరు టీడీపీ శ్రేణులు బయటకు రావడంతో ఇరువర్గాల మధ్య వాగ్వాదం, తోపులాట చోటుచేసుకుంది. పరిస్థితి అదుపు తప్పకుండా పోలీసులు ఇరువర్గాల కార్యకర్తలను చెదరగొట్టారు. ఈ ఘటనలో కొందరు కార్యకర్తలకు గాయాలయ్యాయి. వైసీపీ నిరసన నేపథ్యంలో బందరు రోడ్డుపై భారీగా ట్రాఫిక్ జామ్ ఏర్పడింది. శాప్ కార్యాలయం పరిసరాల్లో పోలీసులు భారీగా బందోబస్తు ఏర్పాటు చేశారు. ఆందోళనకారులు బారికేడ్లను దాటి ముందుకు వెళ్లకుండా పోలీసులు చర్యలు చేపట్టారు. నిరసనకు అనుమతి లేదని పోలీసులు ముందుగానే స్పష్టం చేశారు.
డీఎస్సీ స్పోర్ట్స్ కోటా నియామకాల్లో అక్రమాలు జరిగాయని వైసీపీ ఆరోపిస్తోంది. ముఖ్యంగా నకిలీ లేదా అనుమానాస్పద క్రీడా ధ్రువపత్రాల ద్వారా కొందరికి ఉద్యోగాలు దక్కాయని, అర్హులైన అభ్యర్థులకు అన్యాయం జరిగిందని ఆ పార్టీ నేతలు ఆరోపిస్తున్నారు. ఈ ఆరోపణలపై స్వతంత్ర దర్యాప్తు, సీబీఐ విచారణ కోరుతున్నారు. అయితే స్పోర్ట్స్ కోటా కింద ఎంపికైన ఉపాధ్యాయులు ఈ ఆరోపణలను ఖండిస్తున్నారు. తమ అర్హతలు, క్రీడా ప్రతిభ, ధ్రువపత్రాల ఆధారంగానే నియామకాలు జరిగాయని వారు చెబుతున్నారు. మరోవైపు ఏపీ అధికారులు కూడా అభ్యర్థుల అర్హతలు, స్పోర్ట్స్ సర్టిఫికెట్లను నిబంధనల ప్రకారం పరిశీలిస్తున్నామని, నకిలీ సర్టిఫికెట్ తేలితే తగిన చర్యలు తీసుకుంటామని వెల్లడించారు.
తాజావార్తలు
-
Asus TUF Gaming F16, A15: Asus TUF Gaming F16, A15 లాంచ్.. RTX గ్రాఫిక్స్తో అదిరిపోయే ఫీచర్లు!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
Akvan Cyclone Alert: మళ్లీ ఉత్తరాంధ్ర తీరంవైపు అక్వాన్ తుఫాన్..! మరో 36 గంటలు అలర్ట్
-
Mohamed Siraj Dropped: సిరాజ్ను అందుకే పక్కన పెట్టాం?.. అసలు విషయం చెప్పిన కెప్టెన్ గిల్!
-
International Men’s Day: “నువ్వు మగాడివి.. ఏడవకూడదు”.. నవ్వుతూ కనిపించే ప్రతి పురుషుడి వెనుక ఓ కన్నీటి గాథ..
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..