Vaibhav Sooryavanshi: ఫార్మేట్ ఏదైనా ఓకే.. బాదుడు మాత్రం కామన్.. మరో చరిత్ర సృష్టించిన వైభవ్.!

vaibhav Sooryavanshi: బెంగళూరు వేదికగా జరుగుతున్న దులీప్ ట్రోఫీ 2026లో టీమిండియా యువ సంచలనం వైభవ్ సూర్యవంశీ మరోసారి తన బ్యాటింగ్ పవర్‌ను చూపించాడు. ఈస్ట్‌జోన్ తరఫున బరిలోకి దిగిన 15 ఏళ్ల వైభవ్ సూర్యవంశీ.. సెంట్రల్‌జోన్ బౌలర్లపై విరుచుకుపడ్డాడు. రెడ్‌బాల్ క్రికెట్‌లోనూ టీ20 తరహా దూకుడైన బ్యాటింగ్‌తో అలరించాడు. అయితే 92 పరుగులు చేసి తృటిలో సెంచరీని చేజార్చుకున్నాడు.

బెంగళూరులోని బీసీసీఐ సెంటర్ ఆఫ్ ఎక్సలెన్స్ మైదానంలో జరుగుతున్న ఈ మ్యాచ్‌లో ఓపెనర్‌గా వచ్చిన వైభవ్ ఆరంభం నుంచే దూకుడుగా ఆడాడు. బౌలర్లపై ఏమాత్రం కనికరం చూపకుండా బౌండరీలు, సిక్సర్లతో విరుచుకుపడ్డాడు. కేవలం 42 బంతుల్లోనే హాఫ్ సెంచరీ పూర్తి చేసుకున్నాడు. ఈ అద్భుత ఇన్నింగ్స్‌తో వైభవ్ సూర్యవంశీ అరుదైన రికార్డును తన ఖాతాలో వేసుకున్నాడు. దులీప్ ట్రోఫీ చరిత్రలో హాఫ్ సెంచరీ చేసిన అత్యంత పిన్న వయస్కుడిగా నిలిచాడు. కేవలం 15 ఏళ్ల 157 రోజుల వయసులో ఈ ఘనత సాధించాడు.

ఇంతకుముందు ఈ రికార్డు లక్ష్మణ్ సింగ్ పేరిట ఉండేది. ఆయన 1969లో 16 ఏళ్ల వయసులో దులీప్ ట్రోఫీలో హాఫ్ సెంచరీ సాధించారు. తాజాగా వైభవ్ ఆ రికార్డును అధిగమించి తన పేరును చరిత్రలో లిఖించుకున్నాడు. హాఫ్ సెంచరీ తర్వాత వైభవ్ మరింత దూకుడుగా బ్యాటింగ్ చేశాడు. 90 పరుగుల మార్క్‌ను కూడా దాటాడు. అయితే సెంచరీకి చేరువైన సమయంలో భారీ షాట్ ఆడే ప్రయత్నంలో క్యాచ్ ఇచ్చి ఔటయ్యాడు. దీంతో 81 బంతుల్లో 7 ఫోర్లు, 7 సిక్సర్లతో 92 పరుగులు చేసిన వైభవ్ సూర్యవంశీ పెవిలియన్ చేరాడు. అంతకుముందు 40 పరుగుల వద్ద వైభవ్ ఇచ్చిన క్యాచ్‌ను సెంట్రల్‌జోన్ ఫీల్డర్లు జారవిడిచారు. లభించిన ఆ అవకాశాన్ని సద్వినియోగం చేసుకున్న వైభవ్ బౌలర్లపై మరింత విరుచుకుపడ్డాడు. అయితే చివరకు సెంచరీ మాత్రం మిస్ అయ్యింది. వైభవ్ సూర్యవంశీతో కలిసి ఓపెనింగ్ చేసిన అభిమన్యు ఈశ్వరన్ కూడా రాణించాడు. 70 బంతుల్లో 7 ఫోర్లతో అర్ధ సెంచరీ పూర్తి చేసుకున్నాడు. వైభవ్ ఔటైన అనంతరం ఈశ్వరన్ ఇన్నింగ్స్‌ను ముందుకు తీసుకెళ్లాడు.

100-run stand 🙌

Vaibhav Sooryavanshi and Abhimanyu Easwaran with a solid opening stand so far 🤝

Scorecard ▶️ https://t.co/kyExeix2VY pic.twitter.com/7eVSb3iuPU

— BCCI Domestic (@BCCIdomestic) August 31, 2026

అంతకుముందు టాస్‌ గెలిచి బ్యాటింగ్ చేసిన సెంట్రల్‌జోన్ తొలి ఇన్నింగ్స్‌లో 80.1 ఓవర్లలో 266 పరుగులకు ఆలౌటైంది. రింకూ సింగ్ 88 బంతుల్లో 8 ఫోర్లతో 60 పరుగులు చేసి అర్ధ సెంచరీ సాధించాడు. ఆర్య జుయల్ 113 బంతుల్లో 6 ఫోర్లతో 46 పరుగులు చేశాడు. ఈస్ట్‌జోన్ బౌలర్లలో ముఖేష్ కుమార్, అభిజిత్ సర్కార్ కూడా చెరో మూడు వికెట్లు పడగొట్టారు. మహమ్మద్ షమీ, మహమ్మద్ కౌనైన్ చెరో రెండు వికెట్లు తీశారు.

HEARTBREAKING MOMENT FOR VAIBHAV SOORYAVANSHI !💔

Vaibhav Suryavanshi missed his maiden century in the Duleep Trophy by just 8 runs.

– Just look at the reaction of Vaibhav Suryavanshi 😭😭
pic.twitter.com/BYA3KPUSc3

— lndian Sports Network (@IS_Netwrk29) August 31, 2026