Khamenei: “1981లో పునర్జన్మ.. 2026లో చావు”.. శనివారంతో ఖామెనీకి విడదీయలేని బంధం.. కట్చేస్తే అదే రోజున చావు!.
Khamenei: మిడిల్ ఈస్ట్లో పరిస్థితులు దారుణంగా మారాయి. అమెరికా-ఇజ్రాయెల్ ఇరాన్పై దాడితో మధ్యప్రాచ్యం ఒక్కసారిగా ఉలిక్కిపడింది. ఈ దాడిలో ఇప్పటికే ఖామేనీ మరణించిన విషయం తెలిసిందే. ఇరాన్ రాజకీయ చరిత్రలో శనివారం ఒక విషాద మలుపుగా నిలిచిపోయింది. దాదాపు నలభై ఏళ్ల పాటు దేశాన్ని నడిపించిన అత్యున్నత మత నాయకుడు అయతుల్లా అలీ ఖామెనీ అనంత లోకాలకు చేరుకోవడం ఆ దేశాన్ని ఒక్కసారిగా కుదిపేసింది. అలీ ఖామెనీ వయస్సు 86 ఏళ్లు. 1989లో సుప్రీం లీడర్గా బాధ్యతలు చేపట్టారు. ఈ మధ్యలో అధ్యక్షులు మారాయి. ప్రభుత్వాలు సైతం మారాయి. ఏ ప్రభుత్వం వచ్చినా తుది నిర్ణయం ఆయనదే. విదేశాంగ విధానాల నుంచి అణు కార్యక్రమం వరకు కీలక నిర్ణయాలు తీసుకున్నది ఖామెనీ. అయితే.. ఆయన జీవితంలో శనివారానికి ప్రత్యేక స్థానం ఉంది. 1981లో ప్రజా సభలో జరిగిన బాంబు దాడిలో ఖామెనీ తీవ్రంగా గాయపడ్డారు. ఆ ఘటనలో కుడి చేయి శాశ్వతంగా పని చేయకుండా మారింది. ఆ ఏడాదిలో ఇరాన్ అధ్యక్షుడిగా రెండోసారి పదవి చేపట్టారు. అయితే.. ఆయన ప్రాణాలతో బయటపడినది ఓ శనివారం.. నిన్న ఇజ్రాయెల్- అమెరికా దాడిలో మరణించింది సైతం శనివారమే కావడంతో ఈ అంశంపై ప్రస్తుతం విస్తృత చర్చలు జరుగుతున్నాయి. ఒకప్పుడు ప్రాణాపాయం నుంచి బయటపడ్డ అదే రోజు, జీవితానికి ముగింపు పలకడం చరిత్రలో విచిత్రమైన సంఘటనగా మిగిలిపోయింది.
READ MORE: Israel-Iran War: యూఎస్-ఇజ్రాయిల్ దాడుల్లో ఇరాన్ మాజీ అధ్యక్షుడు మృతి..
ఇక మరోవైపు.. ఖామెనీ మరణంతో ఇరాన్లో రాజ్యాంగ ప్రక్రియలు ప్రారంభమయ్యాయి. ఇరాన్ సుప్రీం లీడర్ ఆయతొల్లా అలీ ఖమేనీ మరణించిన తర్వాత, కొత్త సుప్రీం లీడర్గా సీనియర్ మతాధికారి ఆయతొల్లా అలిరేజా అరాఫీని నియమించినట్లు ఆ దేశ వార్తా సంస్థ వెల్లడించింది. తాత్కాలిక సుప్రీం లీడర్గా కొనసాగుతారని వెల్లడించింది. ఇరాన్ రాజ్యాంగ ప్రక్రియలో వారసుడిని ఎన్నుకునే వరకు, సుప్రీం లీడర్గా విధులు బాధ్యత కలిగిన తాత్కాలిక నాయకత్వ మండలిలో అయతుల్లా అలిరేజా అరాఫీని తాత్కాలిక అత్యున్నత నాయకుడిగా నియమించారు.
READ MORE: Rakasa Teaser Talk: నవ్విస్తూనే భయపెడుతున్న సంగీత్ శోభన్.. రిలీజ్ డేట్ ఫిక్స్.!