Amit Shah : అమిత్ షా ఉన్నత స్థాయి సమావేశం

కేంద్ర హోం మంత్రి అమిత్ షా ఉన్నత స్థాయి సమావేశం కానున్నారు. దేశవ్యాప్తంగా ఉన్న పీఎఫ్ఐ కార్యాలయాలపై ఎన్ఐఏ సోదాల నేపథ్యంలో ఎన్ఎస్ఏ, హోం శాఖ డీజీ,ఎన్ఐఏ ఉన్నతాధికారులతో కేంద్ర హోంమంత్రి అమిత్ షా సమావేశం కానున్నారు. ఎన్‌ఐఏ, ఈడీలతో పాటు13 రాష్ట్రాల పోలీసులు పీఎఫ్‌ఐ-ఎస్‌డీపీఐ కార్యాలయాలపై దాడులు నిర్వహించిన తరువాత, కేంద్ర హోంమంత్రి అమిత్ షా సంబంధిత ఎన్‌ఫోర్స్‌మెంట్ మరియు సెక్యూరిటీ చీఫ్‌లతో సమావేశమై సేకరించిన సాక్ష్యాలను సమీక్షిస్తారు. అంతేకాకుండా.. భవిష్యత్ కార్యాచరణపై ఆలోచిస్తున్నారు. ఈ సమావేశానికి జాతీయ భద్రతా సలహాదారు అజిత్ దోవల్ కూడా హాజరవుతున్నారు.

 

పీఎఫ్‌ఐ-ఎస్‌డీపీఐపై దాడులు ఎన్‌ఐఏ, ఈడీతో సంప్రదించి ఇంటెలిజెన్స్ బ్యూరోచే ఇంటెన్సివ్ పరిశోధనలు, డేటా సేకరణ ఆధారంగా నిర్వహించబడ్డాయి. ఈ దాడుల్లో రాష్ట్ర పోలీసులందరూ ఉన్నారు. దేశవ్యాప్తంగా కేరళలో అత్యధికంగా (22) మహారాష్ట్ర, కర్ణాటకలలో (20), ఆంధ్రప్రదేశ్ (5), అస్సాం (9), ఢిల్లీ (3), మధ్యప్రదేశ్ (4), పుదుచ్చేరి (3), తమిళనాడు (10), ఉత్తరప్రదేశ్ (8), రాజస్థాన్ (2) అరెస్టులు జరిగాయి.