NCP Political Crisis: అజిత్ చేయి వదిలిన మరో ఎమ్మెల్యే.. శరద్ పవార్ గూటికి చేరిక
NCP Political Crisis: నేషనలిస్ట్ కాంగ్రెస్ పార్టీలో జరుగుతున్న అలజడి కొనసాగుతూనే ఉంది. అజిత్ పవార్, శరద్ పవార్ వర్గంలో ఎమ్మెల్యేల రాకపోకలు సాగుతున్నాయి. ఇప్పుడు మరో ఎమ్మెల్యే అజిత్ పవార్ వర్గం నుంచి సీనియర్ లీడర్ శరద్ పవార్ వర్గంలోకి వచ్చారు. వారం రోజుల్లో అజిత్ పవార్ను వీడిన మూడో ఎమ్మెల్యే మార్కండ్ జాదవ్ పాటిల్. అతని కంటే ముందు రామ్ రాజ్ నాయక్, నింబాల్కర్, దీపక్ చవాన్ మేనల్లుడి వర్గం నుండి మామ శిబిరానికి తిరిగి వచ్చారు.
Read Also:Bengal Re-Polling: బెంగాల్ పంచాయతీ ఎన్నికల్లో రీ – పోలింగ్.. 697 కేంద్రాల్లో నేడు నిర్వహణ
మార్కంద్ జాదవ్ పాటిల్ మహారాష్ట్రలోని సతారా జిల్లాలోని వై అసెంబ్లీ స్థానం నుండి ఎన్నికయ్యారు. మకరంద్కు మద్దతుగా ఉన్న వందలాది మంది ఎమ్మెల్యేలు కూడా ఆయన బాటలోనే తిరిగి శరద్ శిబిరానికి చేరుకున్నారు. జాదవ్ కంటే ముందు రామ్ రాజ్ నాయక్, నింబాల్కర్, దీపక్ చవాన్ శుక్రవారం శరద్ పవార్ గ్రూపులోకి తిరిగి రావాలని నిర్ణయించుకున్నారు. మరోవైపు శరద్ పవార్ వర్గానికి చెందిన కిరణ్ లమ్హతే అజిత్ శిబిరానికి వచ్చారు. కిరణ్ మూడోసారి పునరాగమనం చేసి అజిత్ గ్రూప్లో చేరారు. మొదట మేనల్లుడి గ్రూపులో చేరి.. రెండు రోజుల తర్వాత మేనమామ వైపుకు వెళ్లారు.. అనంతరం మళ్లీ మేనల్లుడి వద్దకు తిరిగి వచ్చాడు. జూలై 2న అజిత్ ప్రమాణ స్వీకారం తర్వాత, కిరణ్ శరద్ వర్గానికి వెళ్లి ఇప్పుడు అజిత్ శిబిరానికి తిరిగి వచ్చాడు. అజిత్ ప్రమాణ స్వీకారం సమయంలో ఆయన కూడా అక్కడే ఉన్నారు.
Read Also:Harry Brook Record: ఇంగ్లండ్ చిరస్మరణీయ విజయం.. ప్రపంచ రికార్డు నెలకొల్పిన హ్యారీ బ్రూక్!
అజిత్ శివసేన-బిజెపి ప్రభుత్వంలో చేరిన తర్వాత, ఎన్సిపి రెండు వర్గాలుగా విడిపోయింది. పార్టీ పగ్గాల కోసం మామ, మేనల్లుడి మధ్య పోరు మొదలైంది. జులై 5న ఇరువర్గాలు తమ బల నిరూపణకు సమావేశం నిర్వహించగా.. అజిత్ వర్గం సమావేశంలో 35 మందికి పైగా ఎమ్మెల్యేలు ఉన్నారని, 15 మంది ఎమ్మెల్యేలు శరద్ వర్గానికి చేరుకున్నారు. అయితే తనకు 40 మందికి పైగా ఎమ్మెల్యేలు ఉన్నారని అజిత్ వాదిస్తున్నారు. మహారాష్ట్ర కేబినెట్లో ఎన్సిపికి 53 మంది ఎమ్మెల్యేలు ఉన్నారు. పార్టీని నియంత్రించడానికి అజిత్ పవార్కు 36 మంది ఎమ్మెల్యేల మద్దతు అవసరం.