భాగ్య నగరంలో భూ కబ్జాదారులు పెరిగిపోతున్నారు. ఎక్కడ ల్యాండ్ ఖాళీగా కనపడితే దాన్ని అక్కడ కబ్జాకు పాల్పడుతున్నారు. ఇప్పటికే చాలా చోట్ల ల్యాండ్ కబ్జా చేసిన ఘటనలు ఎదురయ్యాయి. నిన్న (ఆదివారం).. అత్తాపూర్లోని అక్బర్ హిల్స్లో ల్యాండ్ కబ్జాకు పాల్పడిన 9 మంది రౌడీ షీటర్లను పోలీసులు అరెస్ట్ చేశారు. ముఖ్యంగా నగర శివారు ప్రాంతాలలో భూ కబ్జాలకు పాల్పడుతూ.. యజమానులను బెదిరిస్తున్నారు. ఈ క్రమంలో.. పోలీసులు ల్యాండ్ కబ్జాను అరికట్టేందుకు బుల్డోజర్స్ కు పని చెప్పారు. భూ కబ్జాదారులపై పోలీసులు ఉక్కుపాదం మోపారు.
Read Also: Raj Tarun- Lavanya: రాజ్ తరుణ్ నా ఫ్రెండ్.. ఆవేశంతో ఊగిపోయిన RJ శేఖర్ భాషా
సైబరాబాద్ పరిధిలో ల్యాండ్ కబ్జాలకు పాల్పడుతున్న భూ కబ్జాదారులపై బుల్డోజర్స్తో పోలీసులు యాక్షన్లోకి దిగారు. మొదటిసారి అక్రమార్కులపై బుల్డోజర్స్ అస్త్రాన్ని ప్రయోగించారు. గండిపేటలో ఓ డాక్టర్ స్థలంను కబ్జా చేసి బెదిరింపులకు పాల్పడ్డారు కబ్జాదారులు. ఈ స్థల వివాదంలో ఎమ్మార్పీఎస్ నేత నరేందర్ తో పాటు మరొకరిని కిడ్నాప్ చేశారు. కిడ్నాప్ చేసిన ఎమ్మార్పీఎస్ నేతను శంషాబాద్ లోని ఫామ్ హౌస్ లో పెట్టి హింసించారు. అంతేకాకుండా.. 20 కుక్కలు, పొట్టేళ్ల మధ్యలో నరేందర్ను చిత్రహింసలకు గురిచేశారు భూకబ్జాదారులు. ఈ క్రమంలో.. అసాంఘీక కార్యక్రమాలకు అడ్డాగా మారిన ఫామ్ హౌస్ ని సైబరాబాద్ పోలీసులు కూల్చివేస్తున్నారు. రాజేంద్రనగర్ డీసీపి నేతృత్వంలో ఫామ్ హౌస్ కూల్చివేశారు. బుల్డోజర్స్ తో ఫాంహౌస్ మొత్తాన్ని నేల మట్టం చేశారు అధికారులు.
Read Also: Loan App harassment: లోన్యాప్ వేధింపులు.. సచివాలయం ఉద్యోగి అదృశ్యం..