Youtube Delivery: ప్రస్తుత ఆధునిక యుగంలో సాంకేతికత ఎంత వేగంగా అభివృద్ధి చెందుతుందో ప్రత్యేకంగా చెప్పాల్సిన పనిలేదు. ఇకపోతే, టెక్నాలజీ ఎంతగా అభివృద్ధి చెందిందంటే.. మనం మన ఫోన్లను చూసి వివిధ విషయాలు నేర్చుకుంటున్నాము. కొంతమంది యూట్యూబ్ వీడియోల నుండి మంచి విషయాలు నేర్చుకుంటూ జీవితంలో సక్సెస్ అబుతున్నారు. మరికొందరు అదే యూట్యూబ్ ను చూసి చెడిపోతున్నారు. ఇకపోతే తాజాగా తమిళనాడులోని ఈరోడ్ జిల్లాలో ఓ ఘటన వెలుగులోకి వచ్చింది.
Read Also: F-16 Shot Down: టెన్షన్.. టెన్షన్.. పాక్ డ్రోన్ దాడులు.. పాకిస్థాన్ యుద్ధ విమానం నెలమట్టం!
ఝార్సుగూడ జిల్లాలోని గోపిచెట్టిపాళయం ప్రాంతంలో ఒక యువకుడు తన తల్లితో కలిసి అద్దె ఇంట్లో నివసిస్తున్నాడు. అయితే ఇదివరకు అతను చదివిన ఒక ప్రైవేట్ కళాశాలలోని 19 ఏళ్ల అమ్మాయిని కలిశాడు. ఆ తర్వాత ఇద్దరి మధ్య స్నేహంగా మొదలైన పరిచయం తరువాత ప్రేమగా మారింది. తరచుగా కలవడం కష్టం కావడంతో, వారిద్దరూ భార్యాభర్తలమని చెప్పుకుంటూ అద్దె ఇంట్లో నివసించడం ప్రారంభించారు. ఇంతలో ఆ అమ్మాయి గర్భవతి అయింది. అయితే, తమ కూతురు ఒక యువకుడితో నివసిస్తుందని ఆ అమ్మాయి కుటుంబానికి తెలియదు. గర్భవతిగా ఉన్న అమ్మాయికి ఒకరోజు అకస్మాత్తుగా కడుపులో తీవ్రమైన ప్రసవ నొప్పి మొదలైంది. ఈ సమయంలో ఇద్దరూ బయటకు వెళితే ఆ అమ్మాయి గర్భవతి అని అందరికీ తెలుస్తుందని అనుకున్నారు.
Read Also: AIMPLB: యుద్ధం పరిష్కారం కాదు.. భారత్లోని ఆల్ ఇండియా ముస్లిం పర్సనల్ లా బోర్డు వ్యాఖ్య
అయితే, ప్రియురాలిని ఆసుపత్రికి తీసుకెళ్లడానికి బదులుగా ఇంట్లో డెలివరీ ఎలా చేయాలో యూట్యూబ్లో వెతకడం ప్రారంభించాడు ప్రియుడు. దీని తర్వాత, అతను యూట్యూబ్లో వీడియో చూడటం ద్వారా తన స్నేహితురాలికి డెలివరీ చేసి ఇంట్లోనే ఒక బిడ్డకు జన్మనిచ్చాడు. అయితే, ఈలోగా ఆ అమ్మాయికి అధిక రక్తస్రావం కావడంతో చాలా ఆందోళన చెందారు. అలా కొద్దీ సమయం తర్వాత రక్తస్రావం ఆగి, నొప్పి తగ్గకపోవడంతో మరుసటి రోజు ఆ బాలికను కోయంబత్తూరులోని ఒక ప్రైవేట్ ఆసుపత్రికి తీసుకెళ్లారు. ఆసుపత్రిలో బాలికను పరీక్షించిన వైద్యులు ఆమె బిడ్డకు జన్మనిచ్చిందని గుర్తించారు. అయితే, తల్లిని మాత్రమే ఆసుపత్రికి ఎందుకు తీసుకువచ్చారని నర్సులు ఆ యువకుడిని అడగడంతో అసలు కథ బయటపడింది. దీని తరువాత, వైద్యులు ఆ యువకుడి ఇంటికి వెళ్లి పరిశీలించగా.. అమ్మాయి ప్రసవం ఎలా జరిగిందో వారికి తెలిసింది. ఆ యువకుడి ఇంటికి చేరుకున్న వైద్యులు ఆ యువకుడి తల్లి ఇంట్లో ఆ బిడ్డను జాగ్రత్తగా చూసుకుంటున్నట్లు తెలిపారు. వైద్యులు సమీపంలోని సంచిలో శిశువు బొడ్డు తాడును కనుగొని దానిని స్వాధీనం చేసుకున్నారు. ఈ ఘటన తరువాత, అమ్మాయి తల్లిదండ్రులకు ఈ విషయం గురించి సమాచారం అందింది.
