Buddha Venkanna: కేశినేని నాని అవినీతి పరుడు.. నిరూపించడానికి మేం సిద్దం.
Buddha Venkanna: ఇటీవల టీడీపీకి రాజీనామా చేసిన కేశినేని నానిపై టీడీపీ సీనియర్ నేత బుద్దా వెంకన్న మరోసారి తీవ్రంగా విరుచుకుపడ్డారు. కేశినేని నాని అవినీతి పరుడు.. నిరూపించడానికి మేం సిద్ధం ఆయన వ్యాఖ్యానించారు. కేశినేని నాని బ్యాంకుల నుంచి తీసుకున్న అప్పెంత..?.. తిరిగి చెల్లించింది ఎంత..?.. తాను తీసుకున్న బ్యాంకుల అప్పుల వివరాలు కేశినేని నాని వెల్లడించగలరా..? అంటూ బుద్దా వెంకన్న సవాల్ విసిరారు. కేశినేని నాని కబ్జాలు చేశారని ఆయన ఆరోపించారు. కేశినేని నానికి భయం మొదలైందని ఎద్దేవా చేశారు. తన ఆస్తులు ఎనికేపాడులో ఉన్నాయి కాబట్టే.. గన్నవరం నుంచి నాగార్జున సాగర్ మధ్యలో రాజధాని ఏర్పాటు చేయమని చెప్పాడన్నారు. టీడీపీలో ఉండగా ఇన్ఛార్జీలను పక్కన పెట్టుకునే వాడు కాదని.. కానీ ఇవాళ తాను పాల్గొన్న కార్యక్రమంలో దేవినేని అవినాష్ను పక్కన పెట్టుకున్నారని తెలిపారు. అవినాష్ పక్కన లేకుంటే తంతారని కేశినేని నానికి భయం పట్టుకుందన్నారు.
Read Also: MP Vijayasai Reddy: మూడు లిస్టులు రిలీజ్ చేశాం.. త్వరలో మరో జాబితా..
సూర్యకాంతం పేరు ఆడపిల్లలకు పెట్టడానికి భయపడతారు.. నాని పేరు మగపిల్లలకు పెట్టడానికి భయపడుతున్నారన్నారని ఆయన అన్నారు. తాడేపల్లి ప్యాలెస్కు వెళ్లి వీరంగం వేస్తే కొడతారంటూ ఆయన పేర్కొన్నారు. కేశినేని నాని ఓ ఛీటర్, క్యారెక్టర్ లెస్, ఊసరవెల్లి అంటూ మండిపడ్డ బుద్దా వెంకన్న.. 2009 నుంచి 2024 మధ్య కాలంలో కేశినేని నాని మూడు పార్టీలు మారారన్నారు. గతంలో లగడపాటికి కేశినేని నాని ఫోన్ చేసి.. వాళ్ల పార్టీలో చేరుతానన్నారని ఆయన చెప్పారు. వద్దులే అంటూ కేశినేని నానిని లగడపాటి తిరస్కరించారని ఆయన ఈ సందర్భంగా వెల్లడించారు. వారం రోజుల ముందు జగన్ పని అయిపోయిందన్న కేశినేని నానికి వైసీపీ ఎంపీ సీటు ఇచ్చిందన్నారు. వైసీపీ పని అయిపోవడం వల్లే కేశినేని నాని వంటి వారికి జగన్ టిక్కెట్ ఇచ్చారని ఆయన తెలిపారు. కేశినేని నాని శాడిస్టు ముదిరి సైకోలా మారారని.. నాని కొవ్వు బలిసి కొట్టుకుంటున్నాడని తీవ్రంగా వ్యాఖ్యానించారు.
Read Also: Jogi Ramesh: పెనమలూరు నుంచి చంద్రబాబు బరిలోకి దిగినా నేను సిద్ధం..
చంద్రబాబు-లోకేషులను అబ్బా కొడుకులంటావా..?.. కేశినేని నానిని.. ఆయన కూతురును కానీ మేం అనగలం.. కానీ సంస్కారం అడ్డొస్తుందన్నారు. బుద్దా వెంకన్న మాట్లాడుతూ.. కేశినేని నాని ఓ బచ్చా. కేశినేని నాని కౌన్ కిస్కా గొట్టం. విజయవాడను అభివృద్ధి చేసింది చంద్రబాబు.. నువ్వు చేశావా..? కేశినేని నాని నువ్వెంత.. ? నీ బతుకెంత..?. జగన్ను చెల్లి ఛీ కొట్టింది.. నానిని చిన్ని ఛీ కొట్టాడు. కండువా కప్పుకోకుండానే కేశినేని నానికి సీటిచ్చారంటేనే ఆ పార్టీ పరుస్థితేంటో అర్థం అవుతోంది. నిన్నటి వరకు కేశినేని నాని వెంట ఉన్నారు.. నాని పార్టీ మారితే తిరస్కరించారు. కేశినేని నానిని తిరస్కరించిన కార్యకర్తలకు సెల్యూట్. జగన్ దగ్గరకు వెళ్లినప్పటి నుంచే కేశినేని నానికి కౌంట్ డౌన్ మొదలైంది.” అని బుద్దా వెంకన్న తీవ్ర వ్యాఖ్యలు చేశారు.