వైవిధ్యమైన కథలను ఎంచుకుంటూ తనకంటూ ఒక ప్రత్యేక గుర్తింపు తెచ్చుకున్న హీరో సందీప్ కిషన్, టాలీవుడ్లో 16 ఏళ్లు పూర్తి చేసుకున్నారు. ఈ స్పెషల్ అకేషన్ను పురస్కరించుకుని, తన తదుపరి భారీ చిత్రాన్ని అనౌన్స్ చేశారు. ‘యాత్ర’, ‘ఆనందో బ్రహ్మ’ వంటి సూపర్ హిట్ చిత్రాలను అందించిన విజయ్ చిల్లా, శశి దేవిరెడ్డి (70mm Entertainments) ఈ సినిమాను నిర్మిస్తుండటం విశేషం. కాగా ఈ సినిమాకు ‘పవర్ పేట’ (Power Peta) అనే మాస్ టైటిల్ను ఖరారు చేశారు. దర్శకుడు కృష్ణ చైతన్య ఈ సినిమా కోసం ఒక అద్భుతమైన రా అండ్ రస్టిక్ స్క్రిప్ట్ను సిద్ధం చేశారు. ఈ సినిమా కోసం సందీప్ కిషన్ తన కెరీర్లోనే మునుపెన్నడూ చూడని విధంగా ఒక మేకోవర్ అవ్వబోతున్నారు.
Also Read: Jani Master: గిన్నిస్ రికార్డ్ విజేత విజయ్ కొనతాలకు ఘన సత్కారం.. జానీ మాస్టర్ ఎమోషనల్ స్పీచ్!
తాజాగా రిలీజ్ చేసిన అనౌన్స్మెంట్ పోస్టర్ చూస్తుంటేనే సినిమా ఎంత ఇంటెన్స్గా ఉండబోతోందో అర్థమవుతోంది. రక్తంతో తడిసిన చదరంగం బోర్డు, విరిగిపోయిన పావులు, వాటి మధ్య నలిగిపోయిన ఒక రోజా పువ్వు.. ఇవన్నీ చూస్తుంటే వ్యూహాలు, త్యాగాలు, అధికార దాహం చుట్టూ కథ తిరుగుతుందనిపిస్తోంది. “Love. Honour. Politics.” అనే ట్యాగ్లైన్ సినిమాలోని మెయిన్ థీమ్స్ను స్పష్టం చేస్తోంది.