Stock Market Today: మహారాష్ట్ర అసెంబ్లీ ఎన్నికల ఫలితాల అనంతరం సోమవారం స్టాక్ మార్కెట్ భారీ లాభాలతో ప్రారంభమైంది. వారంలో (నవంబర్ 25) మొదటి ట్రేడింగ్ రోజున, స్టాక్ మార్కెట్ భారీ గ్యాప్ అప్ తో ప్రారంభమైంది. సెన్సెక్స్, నిఫ్టీ 50 సూచీలు జోరుగా ప్రారంభమయ్యాయి. మహారాష్ట్రలో మహాయుతి భారీ విజయం తర్వాత, స్టాక్ మార్కెట్‌లో బలమైన పెరుగుదల కనపడింది.
Also Read: IPL 2025 Mega Auction: ఐపీఎల్ 2025 వేలంలో అత్యధిక ధర పలికిన టాప్ 10 ఆటగాళ్లు ఎవరంటే
నేడు సెన్సెక్స్ 1,173.91 పాయింట్లు లేదా 1.48 శాతం పెరుగుదలను చూపించింది. ఈ ఇండెక్స్ 80,291.02 స్థాయిలో ప్రారంభమైంది. ఇది కాకుండా, నిఫ్టీ 50 ఇండెక్స్ 24,274.30 స్థాయి వద్ద 367.00 పాయింట్లు లేదా 1.54 శాతం పెరుగుదల వద్ద ప్రారంభమైంది. నిఫ్టీ 50 ఇండెక్స్ గురించి చూస్తే.. ఈ ఇండెక్స్‌లో శ్రీరామ్ ఫైనాన్స్ టాప్ గెయినర్. నిపుణుల అభిప్రాయం ప్రకారం శనివారం వెలుబడిన మహారాష్ట్ర ఎన్నికల ఫలితాల కారణంగా స్టాక్ మార్కెట్‌లో ఈ పెరుగుదల వచ్చింది. ఈ ఎన్నికల్లో పొత్తు పెట్టుకుని బీజేపీ విజయం సాధించింది. దాంతో మార్కెట్ ఇప్పటికీ బుల్లిష్‌గా మారింది. దాంతో సెన్సెక్స్, నిఫ్టీలు దూసుకుపోతున్నాయి. నిపుణుల అభిప్రాయం ప్రకారం సాయంత్రం నాటికి మార్కెట్ మరింత పెరగవచ్చునని అంచనా వేస్తున్నారు.
Also Read: Delhi Air Pollution: ఢిల్లీ కాలుష్యంపై ఆంక్షల సడలింపుపై నేడు నిర్ణయం తీసుకోనున్న సుప్రీంకోర్టు