UBS: బాక్సాఫీస్ వద్ద వరుసగా పరాజయాలను చవిచూసినప్పటికీ, హీరోయిన్ శ్రీలీల క్రేజ్ మాత్రం తగ్గడం లేదు. ‘ధమాకా’ లాంటి భారీ హిట్ తర్వాత ఆమె నటించిన చిత్రాలు ఆశించిన స్థాయిలో ఆడకపోయినా, ఆమె చేతిలో మాత్రం పెద్ద ప్రాజెక్టుల ఆఫర్లు కుప్పలు తెప్పలుగా ఉన్నాయి. ప్రస్తుతం శ్రీలీల కెరీర్లో అత్యంత కీలకమైన రెండు ప్రాజెక్టులు చర్చనీయాంశంగా మారాయి. అందులో ఒకటి పవర్స్టార్ పవన్ కళ్యాణ్ సినిమా, మరొకటి సుధా కొంగర దర్శకత్వంలో రాబోయే ‘పరాశక్తి’.
READ ALSO: CM Chandrababu: వెంటిలేటర్ పై ఉన్న రాష్ట్రాన్ని తిరిగి నిలబెట్టాం..
పవన్ అభిమానుల్లో ఇప్పుడు ఒకే ఒక్క టెన్షన్ నెలకొంది. పవన్ కళ్యాణ్, హరీష్ శంకర్ కాంబినేషన్ అంటేనే ఒక హిట్కి గ్యారెంటీగా భావిస్తారు. ఈ హిట్ కాంబినేషన్లో వస్తున్న ‘ఉస్తాద్ భగత్ సింగ్’ సినిమాలో శ్రీలీల నటిస్తోంది. ఆమెకు వరుసగా వచ్చిన ఫ్లాప్ల ట్రాక్ రికార్డ్ దృష్ట్యా, పవన్, హరీష్ శంకర్ లాంటి పక్కా హిట్ కాంబినేషన్కు శ్రీలీల ప్లస్ అవుతుందా, లేక ఏదైనా మైనస్ అవుతుందా అనే భయం మెగా ఫ్యాన్స్ను వెంటాడుతోంది. అయితే, ‘ఉస్తాద్ భగత్ సింగ్’లో శ్రీలీల పాత్ర చాలా కీలకమైనదిగా ఉంటుందని సమాచారం.
మరోవైపు, ప్రతిభావంతులైన దర్శకురాలు సుధా కొంగర డైరెక్షన్లో తెరకెక్కుతున్న ‘పరాశక్తి’ సినిమాలో శ్రీలీల సరికొత్త అవతారంలో కనిపించనుంది. తన గత చిత్రాలకు భిన్నంగా, ఈ సినిమాలో శ్రీలీల నటనకు ప్రాధాన్యత ఉండే పాత్ర పోషిస్తున్నట్లు తెలుస్తోంది. ‘పరాశక్తి’ చిత్రం కనుక భారీ విజయాన్ని అందుకుంటే, శ్రీలీలకు ఇది ఆమె సినీ కెరీర్లో రెండో ఇన్నింగ్స్ను స్టార్ట్ చేసేందుకు ఒక బలమైన టర్నింగ్ పాయింట్గా మారే అవకాశం ఉంది. మొత్తంగా, ప్రస్తుతం శ్రీలీలకు దక్కిన ఈ రెండు పెద్ద సినిమా అవకాశాలు ఆమె కెరీర్కు మలుపు తిప్పుతాయా, లేదా అన్నది బాక్సాఫీస్ రిజల్ట్ తేల్చాల్సి ఉంది.
READ ALSO: Priyanka Gandhi: వందేమాతరంపై చర్చ వెనుక కారణం ఇదే.. కేంద్రంపై ప్రియాంక గాంధీ సీరియస్