Vellulli Karam Recipe: వేడివేడి అన్నంలో నెయ్యితో ‘వెల్లుల్లి కారం’ కలిపి తింటే.. ఆ రుచే వేరప్ప..!

Vellulli Karam Recipe: జ్వరం లేదా జలుబు చేసినప్పుడు, నోటికి ఏదీ రుచించనప్పుడు, లేదా ఇంట్లో కూరగాయలు లేనప్పుడు అతి తక్కువ సమయంలో చేసుకోగలిగే అద్భుతమైన వంటకం రాయలసీమ స్పెషల్ ‘వెల్లుల్లి కారం’. ఘాటైన వెల్లుల్లి, కారం, మరియు ధనియాల సువాసనతో తయారయ్యే ఈ కారం ఎంతో ప్రసిద్ధి చెందింది. వేడివేడి అన్నంలో కొద్దిగా నెయ్యి లేదా నువ్వుల నూనె వేసుకుని ఈ వెల్లుల్లి కారంతో తింటే ఆ రుచి అమృతంలా ఉంటుందంటే నమ్మండి. ఇది కేవలం అన్నంలోకే కాకుండా ఇడ్లీ, దోశ వంటి టిఫిన్లలోకి, అలాగే వేపుడు కూరల్లో (Fry recipes) అదనపు రుచి కోసం కూడా వాడుకోవచ్చు. కేవలం 5 నిమిషాల్లో తయారయ్యే ఈ వంటకం ఆరోగ్యానికి కూడా ఎంతో మేలు చేస్తుంది. మరి దీన్ని ఎలా తాయారు చేయాలో చూసేద్దామా..

బిర్యానీని లొట్టలేసుకుంటూ తింటున్నారా.. జర ఇది చూడండి..

కావలసిన పదార్థాలు:
* వెల్లుల్లి రెబ్బలు: 2 మీడియం సైజు గడ్డలు (సుమారు 50 గ్రాములు)
* ఎండుమిర్చి: 10 గ్రాములు (లేదా తగినన్ని)
* ధనియాలు: 1 టేబుల్ స్పూన్ (10 గ్రాములు)
* జీలకర్ర: అర టీస్పూన్
* కారం: 2 టేబుల్ స్పూన్లు (20 గ్రాములు)
* పసుపు: అర టీస్పూన్
* ఉప్పు: రుచికి తగినంత
* నూనె: 2–3 టేబుల్ స్పూన్లు (తాలింపు కోసం)
* తాలింపు దినుసులు: ఆవాలు, ఎండుమిర్చి, కరివేపాకు.

MS Dhoni-Rohit Sharma: ముగిసిన ధోనీ, రోహిత్ శకం.. అభిమానుల మదిలో చెరగని ముద్ర!

తయారీ విధానం:
* ముందుగా ఒక మిక్సీ జార్ తీసుకుని అందులో వెల్లుల్లి రెబ్బలు, ఎండుమిర్చి, ధనియాలు, జీలకర్ర, కారం, పసుపు, రుచికి తగినంత ఉప్పు వేయాలి. వీటన్నింటినీ మెత్తని ముద్దలా గ్రైండ్ చేసుకోవాలి. రోలు అందుబాటులో ఉంటే రోట్లో దంచుకుంటే రుచి ఇంకా బాగుంటుంది.

* ఆ తర్వాత స్టవ్ మీద ఒక చిన్న పాన్ పెట్టి, అందులో 2 నుండి 3 టేబుల్ స్పూన్ల నూనె వేసి వేడి చేయాలి. నూనె వేడెక్కిన తర్వాత ఆవాలు, ఎండుమిర్చి, కరివేపాకు వేసి చిటపటలాడించాలి.

* అలా తాలింపు వేగిన తర్వాత, ముందుగా సిద్ధం చేసుకున్న వెల్లుల్లి కారం ముద్దను అందులో వేయాలి. స్టవ్ ఆపేసి ఆ వేడి నూనెలో కారాన్ని ఒక్కసారి బాగా కలిపితే సరిపోతుంది. ఎక్కువ సేపు వేయించాల్సిన అవసరం లేదు.

ఈ ఎల్లిపాయ కారాన్ని నేరుగా అన్నంలోకే కాకుండా, గుడ్డు ఫ్రై లేదా ఇతర వేపుడు కూరల్లో కూడా రుచి కోసం వాడుకోవచ్చు. వేడి అన్నంలో కొద్దిగా నెయ్యి వేసుకుని ఈ కారంతో తింటే చాలా కమ్మగా ఉంటుంది. మీరు కూడా ఈ సింపుల్ అండ్ టేస్టీ రెసిపీని ప్రయత్నించి చూడండి.