South Africa vs Canada: పసికూనపై పంజా.. దక్షిణాఫ్రికా భారీ విజయం!
South Africa vs Canada: ఐసీసీ పురుషుల టీ20 ప్రపంచకప్ 2026లో భాగంగా అహ్మదాబాద్లో జరిగిన గ్రూప్-D మ్యాచ్లో దక్షిణాఫ్రికా జట్టు కెనడాపై విజయం సాధించింది. మొదట బ్యాటింగ్ చేసిన దక్షిణాఫ్రికా భారీ స్కోర్ నమోదు చేయగా, లక్ష్య ఛేదనలో కెనడా చితకల పడింది. దీనితో చివరకు దక్షిణాఫ్రికా 57 పరుగుల తేడాతో విజయం సాధించింది.
ఇక మ్యాచ్ విషయానికి వస్తే.. మొదట బ్యాటింగ్ చేసిన దక్షిణాఫ్రికా నిర్ణీత 20 ఓవర్లలో 4 వికెట్లకు 213 పరుగులు చేసింది. కెప్టెన్ ఏడెన్ మార్క్రమ్ 32 బంతుల్లో 59 పరుగులు చేసి జట్టుకు మంచి ఆరంభాన్ని ఇచ్చాడు. అలాగే డేవిడ్ మిల్లర్ 39 నాటౌట్, ట్రిస్టన్ స్టబ్స్ 34 నాటౌట్ చివర్లో వేగంగా పరుగులతో భారీ స్కోర్ను అందించారు. కెనడా బౌలర్లలో అన్ష్ పటేల్ 3 వికెట్లు, డిల్ప్రీత్ బజ్వా ఒక వికెట్ తీశారు.
214 పరుగుల భారీ లక్ష్యంతో బరిలోకి దిగిన కెనడా జట్టు ఆరంభంలోనే వికెట్లు కోల్పోయింది. నవనీత్ ధలీవాల్ 64 పరుగులతో పోరాడినప్పటికీ, మిగితా బ్యాటర్లు పెద్దగా రాణించలేదు. హర్ష్ థాకర్ 33 పరుగులు చేసి కొంత ప్రతిఘటన చూపించాడు. కానీ నిర్ణీత ఓవర్లలో కెనడా 8 వికెట్లకు 156 పరుగులు మాత్రమే చేయగలిగింది. దీనితో దక్షిణాఫ్రికా 57 పరుగుల భారీ విజయాన్ని అందుంకుంది. దక్షిణాఫ్రికా బౌలింగ్లో లుంగి ఎంగిడి 4 వికెట్లు, మార్కో జాన్సెన్ 2 వికెట్లు, రబడా, బోస్చ్ లు చెరో వికెట్ తీసుకున్నారు.